Ayat-ayat Alkitab Ternama dari Ageini 17

Bagikan

Kakame do Aburam oromo kede mwakini ot kanyangon kiwie kanyangon (99), Rwot bin oko nyutere bute di oko waco ne be, “Ango en Rubanga Won Twer; bed i nyima abongo raco moro.

Nyingi likame doko bino bedo Aburam, do ebino bedo Aburaam: pien ango atieko mini ibedo kwaru me atekerin atot.

Ango abino timo isikan na kame bedo nakanaka kedi, karacel kede ikwae ni me kare me anyim, naparo lwak gin lung, pi ango bedo Rubanga ni kede me ikwae ni me kare me anyim.

“Neni, man en isikan kame ango atie timo kedi: in ibino bedo kwaru me atekerin kame tot twatwal.

Rubanga oko dwoko be, “Likame kamano, do Sara dako nin en kame bino nywalo ni atin awobi, di in iko bino cako nyinge Isaka. Ango abino timo isikan na kede en tetekeny ebed isikan kame bedo nakanaka but ikwae mege me kare me anyim.

Doko lobo kame nataman in ibedo iye bala ngakumbor no, lobo me Kanan lung, ango abino mino buti, in karacel kede ikwae ni me kare me anyim, me bedo mergi nakanaka; doko ango abino bedo Rubanga gin.”

Di do Aburaam bobo oko riebere piny di eko nyero, eko penyere kene be, “Icuo me mwakini tol acel da karuno pwodi nywalo atin? Sara da ngat kame tie nataman kede mwakini ot kanyangon pwodi karuno nywalo atin?”

Rubanga bobo oko waco ne Aburaam be, “I kom kop kame mako dako ni Sarai, likame in bobo ibino lwonge be Sarai, do nyinge bino bedo do Sara.

Ibinunu kepo delkomu me cuo, di eko bino bedo gianena me isikan na kede wu.

Do ango abino timo isikan na kede Isaka, ngat kame Sara bino nywalo nin i kare kame cal bala nataman i mwaka kame bino no.”

Pi kare lung cako nataman, in karacel kede ikwae ni ibinunu kepo idwe awobe dedede kame tie i komu ka kiromo ceng kanyauni, kiton ipasoi kame konywalo i miere wu kede kame iwilunu kede sente kibut jokumbor. Miero kep ipasoi kame konywalo imiere wu kede kame iwilunu kede sente. Manono bino bedo gianyuto i delkomu be isikan na kede wu en isikan kame bedo nakanaka.