Ayat-ayat Alkitab Ternama dari Akisiakinet 1

Berbagi

Sodi tolim Akuj tama, “Atosubakisi itwaan kikwaanikin ka ngoni, sodi topolok ngikolia, ka ngikieny, ka ngitieng, ka akwap daang, ta ibore cha daang ni eliat alokwap.” Sodi tosubak Akuj itwaan ikwaan ka ngesi. Tosubak Akuj ekile ka aberu.

Topia Akuj kesi, sodi tolimok tama, “Toureta, talalaketa nabo topetakinos wadaang, toreut ibore daang. Topolokisi ngikolia, ka ngikieny, ta ngiborei daang lu eliato analup.”

Kolong anakisiakinet, asubuni Akuj adis ka akwap.

Amam ibore ekwaanatar akwap, peapedorio atamar erai akwap nyo. Aribokinit ngakipi na aburuchiarito ibore daang. Alosi Etau a Akuj alokidiama ngakipi.

Sodi tolim Akuj tama, “Ejoikinit akicha emini.” Min akicha.

Taanyunga Akuj ibore daang ni asubi ngesi kingolik atamar ejok noi. Toliwor ibore atabong ka ataparach a akolongit ana ngakan-kapei.

Sodi kingolik Akuj atamar ejok akicha. Totiak Akuj akicha ka aribu.

Tolim Akuj tama, “Kingolik a, kainak ayong iyong ekitoe daang lo eyei nakwap lo ekoniununi echokit, ta ekitoe daang a ageor lo eyei echokit. Eliworosi akimuj kus.

Tanyara Akuj akicha Apaaran, ani aribu tanyara Akwaar. Toliwor ibore atabong ka ataparach, a akolongit ana a ekingaren.

Sodi tolim Akuj tama, “Ejoikinit emini atorite kiding ngakipi na etiaki ngakipi ngatiaket ngaarei.”

Ani etiengit daang lo eyei nakwap, ka ikeny daang, ta ibore daang ni eliat nabo tarai ni eyari, nginyia kesi eliworosi akimuj kech.” Tosubakin nguna loger ngolo.

Sodi tolim Akuj tama, “Ejoikinit epete ngiborei lu echayete natorite a adis totiaka apaaran ka akwaar. Toliworos kesi eyenere ngirwa ka ngikaru.

Sodi tolim Akuj tama, “Ejoikinit akwap elibuni, toruput ngikito lu eyakasi ngichok, nabo toruput ngikito lua ageor ka luche. Toruput ngikito lugelagelae anakwap a eger kech.” Sodi tosubakin nguna loger ngolo.

Tosubak Akuj atorite ngina sodi totiak ngakipi na ayakasi kidiama atorite ka ngakipi na ayakasi kwap keng. Tosubakin nguna loger ngolo.

Tolibu akwap ngaukea ngagelagelae a ngikito. Toruput ngikinyam lu itao namanat ka ngikito a ageor, ta ngikito luche lua ngichok. Sodi kingolik Akuj nguna atamar ejokak.

Tosubak Akuj ngiborei lu echayete luapolok ngiarei, topolok akolong apaaran, topolok elap akwaar. Tosubak tani ngikanyer.

Sodi tolim Akuj tama, “Ejoikinit ngakipi na eyakasi kwap adis echunakinosi wapei tatakanu akwap nakoonon.” Sodi tosubakin nguna loger ngolo. Tanyara Akuj nikoonon Akwap, ani ngakipi na achunakina wapei tanyara Anam. Kingolik Akuj nguna atamar ejokak.

Topia Akuj kesi tama, “Ngiborei daang lu iyakasi nakipi, toureta kileleba anam.” Tolimok ngikieny atamar talalakearos anakwap.

Tolim Akuj tama, “Ejoikinit akwap ilelebun ngitieng lu eyarete lugelagelae lu ikote ngibaren ka ngiborei lu eliato ta ngitieng lu alomoding.” Sodi tosubakin nguna loger ngolo.

Sodi tolim Akuj tama, “Ejoikinit ngiborei lu eyarete ilelebun nakipi, nabo ejoikinit ngikieny eporito anatorite a adis ana eyei kidiama akwap.”

Tosubak Akuj etiengit a moding a eger keng, ani ibarasit tosubak a eger keng, ani ibore daang ni eliat tosubak a eger keng. Sodi kingolik Akuj nguna atamar ejokak.