Ayat-ayat Alkitab Ternama dari JON 21

Berbagi

Aka na te e hwuwi iyimɛyɛ ɛtɛ tiya hwɛɛ, ge Jisus hiɛŋ Saimon Pita, A-Saimon, yɛu Jon, bu mo n lubo hŋ uhwuri ijɛ atwa vwɛ a nda? Ga Saimon Pita jishijɛ bụ, bɛɛ hiɛŋ, Iiŋ, Agwangwama, bi mepi du maa Mo bu lubo. Ge Jisus hiɛŋ bụ, Asha na pana miaụŋ-ma-agwụdụ mi iyimɛyɛ. Ge Jisus hiɛŋ bụ sasana na aka yebi, A-Saimon, yɛu Jon, bu mo n lubo gom hŋ? Ga Pita jishijɛ bụ, bɛɛ hiɛŋ, Iiŋ, Agwangwama, bi mepi du maa Mo bu lubo. Ge Jisus hiɛŋ bụ, Asha na ngbaraka agwụdụ mi. Ge Jisus heŋteneni Pita na aka tatụ, bɛɛ hiɛŋ, A-Saimon, yɛu Jon, bu mo n lubo hŋ? Ibɛ po amɛ Pita hashɛganụ ya, iwɛnɛ ti ge Jisus heŋteni bu kpalụ tatụ maa, bu mo n lubo hŋ. Ga Pita hiɛŋ Jisus, Agwangwama, gabụ bi mepi iyi elele, bi mepi du kaa maa Mo bu lubo. Ge Jisus hiɛŋ bụ, Asha na pana agwụdụ mi iyimɛyɛ.

Iwɛ-tɛkana Omo bu mbiso, aka na ta abu ta shɛ usemberi, gabụ bo urugono tugwuno tụ bụ ni ikɛnyi bu, ofwo elele na ubu kwụlanɛ ba zha apata. Ama aka na abɛ injɛ hwuŋ, bi zhɛ ba mba i'ɛlɛ bu maa binya bụtụ ubu urigeni tugwuno, maa ma bu shapa du no ofwo na ga bu kwụlanɛ shɛ.

Bɛɛ hiɛŋ aŋ, 'Waŋ ma igwune hiŋ geri bu u'ala ubiye ụhaŋtụ, nazhɛ ɛhi zhɛ hia ima ijɛnɛ. Nazhɛ aa 'wɛŋ iŋ ga, e eri shi ɛ vwɛ iŋ ya o, iwɛnɛ ta a 'imɛ ijɛnɛ nɛ gembi ofwugwo.

Ga Saimon Pita hiɛŋ aŋ, N zhɛ mɛ imɛ ijɛnɛ. Ɛɛ hiɛŋ bụ, Ti zhɛ ta zha du na bụ. Ee beni ga ee hwuri gunu ata, ama a 'imɛ shɛ iyi elele jita ata o.