Ayat-ayat Alkitab Ternama dari Genese 17

Berbagi

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

A kera yilan iti you er Aberam ga, kpa á gema iti you er Aberaham; gadia M gema u, u hingir ter u akuraior kpishi.

Me taver ikyuryan Yam hen atô Wam a we kua tsombor wou u ken ijime you zan zan sha ikov ikov cii, i̱ lu ikuryan i tsôron; Me lu Aôndo wou kua u tsombor wou ken ijime you.

Mo yô, nenge, M ya ikur a we, ú hingir ter u akuraior kpishi.

Aôndo kaa er: Ei, ka Sara, kwase wou, una mar u wan yô, ú ii un iti wer Isaka; Me taver ikuryan Yam vea na, á lu ikuryan i tsôron, sha ci u tsombor na u ken ijime na.

Me na u kua tsombor wou u ken ijime you, tar u u lu shir ker ne, ka tar u Kanaan ne cii; ua hingir kwagh ve gbem; Mo kpaa Me lu Aôndo ve.

Tsô Aberaham gure wa ityough inya, gba sen, kaan ken ishima na er: Or u nan lu anyom deri kpaa, nana mar wana? Sara u a lu anyom akunduanyiingber je kpaa una mara?

Man Aôndo shi kaa a Aberaham er: De kera yer kwase wou Sarai wer, Sarai ga; kpa á yilan iti na er Sara.

Á tsôngon ne ipusu yen, á lu ikav i ikuryan her atô Wam a ven.

Kpa ikuryan Yam yô, Me taver i ken Isaka, u Sara una mar u, sha inyom i sha, hen shighe ne nahan la.

U nan kom ayange anigheni ken ven yô, i̱ tsôngo nan; hanma nomsoor, zan zan sha ikov ikov, man marinya wou kua u i yam a yam nan sha inyar a orgen u nan lu nongo wou ga kpaa. I̱ tsôngon marinya wou kua or u u yam sha inyar kpaa, kpee je. Ka nahan man ikuryan Yam ia lu ikuryan i tsôron ye.