Ayat-ayat Alkitab Ternama dari YOANE 10

Berbagi

Tea vanako e umai naga ega vanako, go naga ega mari punue, go naga ega mari puoli: kinau a umai naga euga veani namauriana, go naga euga veani p̃arua ki nia.

Kinau a pei tea leo paratiki wia ni shiip: tea leo paratiki wia ni shiip e magi shiip doropusi namauriana aneana.

Shiip aginau eu dogo nadaleogu, go kinau a atae ra, go eu dausi au

go kinau a dua ra namauriana waina e du mau du; go euga wo da mate puoli mau pa pa ega tu mau du, go te naata sikai ega wo da pua lua ra m̃elu dua ki nam̃elearugu mau.

Kinau a pei namata: te naata e pe vae au paki loga, e pe wo pei tea mautipauriana go e pe wo paki loga go e pe wo paki etaku, go e pe wo pap̃ai nakaniana.

Kinau a pei tea leo paratiki wia ni shiip; go a atae tea aginau maga, go tea aginau maga eu atae au, dapala waina Tamagu e atae au

Tamagu, waina e dua au ara, e p̃arua liu tea maga mamau puti; go te naata sikai e da mari atae pua lua ra m̃elu dua ki nam̃elearu ni Tamagu mau. Kinau go Tamagu aro pei tea sikai maau.

go kinau a atae Tamagu; go a magi shiip doropusi namauriana aginau.

Te naata sikai e da dape lua e kiagu mau, ma a dum̃agu doropusi a. A peani naveinawotaana naga aga toropusi a, go a peani naveinawotaana naga aga moro dape a. Natip̃akiana wanogoe a dape a ki Tamagu.

Nalakena tea wanogoe Yesu e moro noa ki da, e naga, Lomau, lomau, a noa ki mu, naga Kinau a pei namata ki shiip.

Tea waina e pei tea vasadapuiana, go e da pei tea leo paratiki shiip mau, waina shiip eu da pei tea aneana mau, e leopunusi wulf e umai, go e doropusi shiip eu doko, po sava pano, go wulf e katilua ra po daperavera ki da

Lomau, lomau, a noa ki mu, naga Tea waina e da sili pae namata paki loga ni shiip mau, ma e pagi pae tokora p̃ota sikai, nae e pei tea vanako go tea tape pavakoto.