Ayat-ayat Alkitab Ternama dari ỌMWỤ ỌDADA 3

Berbagi

Ụka ká ọnyang ọwẹ wo ẹla ọọwa kpá, ọ yẹ jaabwọ ká ugbe nya okoji ọọwa chẹhị gbọgbọ lụmẹ. Ọ myịmyị yẹ jaabwọ ká ugbe nya okoji ọọwa ka há oriri bala jaabwọ kọ ka hu ẹla ọjẹ́jẹ họọ lẹ, ọ hyọọ ri lẹlẹ. Ọ hu ugbe nya okoji ọọwa ha ọrụmwụ ri ịnyịnyị.

Ilo a ri iyo ọlẹ kọ la ịjẹẹhị kpá gụ anyị-iyo ịkịla ịlẹ wuu ká Amkpaa Ohe Oluhye họ lẹlẹ. Ẹnụtụrụ ookpokpo ọhẹ juwa ká ilo ọwẹ kele ka ẹga nya Iivu ọnyang nya ọgbanyẹ ọwẹ. Ọ tọọ ịtọ yẹkẹẹ, “Ohe Oluhye byinu yẹkẹẹ, anụ nyị ri ugbe nya okoji ọhẹ-lọhẹ ọlẹpwụ nya ẹrụ ọlẹ kpong-kpong ka-á?”

Ohe Oluhye myịmyị byi ilo yẹkẹẹ, “Am ka hu uji ojuju da wẹ ẹpwarịrị nyang ahụ ilo ọwẹ bala ọnyang ọlẹ lẹ. Anyị nyanụ, anụ angị imiiye ịwẹ ka yẹ ri aluji nya awụlẹ pyịyọọ ịnyịnyị lẹ. Ọnyị nya ọnyang ọlẹ ka be egbeju nyang ahụ ilo ene. Ahụ ilo ọwẹ ayịdang tị ka chị ọnyị ọọwa angịrị i-ichẹtẹ nyamwụ ịnyịnyị.”

Amkpaa Ohe Oluhye gọlọ ju ọnyang ọwẹ byoo yẹkẹẹ, “Am ka họ ká ka yẹ akama ọtụka-ọtụka ẹ-ẹpwụ nya ang ọjụjụ ụ-ụwa o-okube ene ká ka ma ọnyị pyii lẹ. Ma, ọ tị la ịnyị la lẹ, iwoo nya ọrụng tị ka wung lụmẹ-lụmẹ ụka wuu. Ọrụ nyang a ka ri olegbeju nyang lẹlẹ.”

A ka họ ang la inwu i-itochi nyang ene ká ka ye ang oriri ri. Ịịwẹ a ka yẹ akama gbee pwụ ụka ká ka gbu lẹlẹ. Ụka ọọwa, ọpyị-ọpyị ọlẹ kị kpa họng, a ka rụ kaka tọ ịnyịnyị lẹ.”

Amkpaa Ohe Oluhye gọlọ ju Adam yẹkẹẹ, “Adam, wo mẹ. Chajị nyọlẹ ká ke ụrụ la ẹla nya ahụ nyang gụ ehile nyam am Ohe Oluhye a du ká myị ri ugbe nya okoji ọlẹ kam dang ehile u-uhye nyamwụ lẹ. Chajị nya ọọwa lẹ, Am gọlọ ju ịpyị ká ịpyị a ka há ang nya ẹrụ kaka lẹ. A ka yẹ akama ọtụka-ọtụka, họ ụkụrwọ bwu inwu ẹ-ẹngịrị pyịyọọ ene ká ka ye ang oriri ri ẹ-ẹpwụ nya ọhịhị nyang wuu.

Ohe Oluhye byoo yẹkẹẹ, “Oowo a tị́ ya jeng yẹkẹẹ, ahụ nyị ji lọhị-lọhị ene-è? Lee, a tị́ hya ugbe nya okoji ọlẹ kam dang ehile u-uhye nyamwụ ri lẹ?”

Ụka ká Amkpaa Ohe Oluhye ku angịnyị ịwẹ rụ kpehe hi ẹrụ ọọwa kpá, Ọ du alegu iCherubu kele kaka gbe ẹrụ ọọwa. Oge ọtụka-ọtụka ọhẹ ọlẹ kọ juwa wuru lala ẹlẹlẹ ila juwa da hyaahyaahyaa ụ-ụwa juwa gbe okoji nya ọhịhị ọọwa. Oge ọtụka ọọwa bala alegu-icherubu ịịwa juwa o-oye nya ọmwẹnụ-ụtụrụ nya ẹrụ ọla Idẹn ọọwa.

Adam wụrụ ẹnyị nya ahụ nyamwụ ọọwa Iivu, chajị ọwa-à ri ịnịna nya angịnyị ehe wuu lẹ.