Ayat-ayat Alkitab Ternama dari ỌMWỤ ỌDADA 17

Berbagi

Ụka ká Ebiram gu ẹka ohu ine kụrụ iwo, iwo kụrụ ihikichu, Amkpaa Ohe Oluhye chị ịlọmwụ ehe mẹjọọ, ya ẹla tọọ yẹkẹẹ, “Ebiram, am ayịdang a ri Ohe Oluhye Agụgụ wuu lẹlẹ. Aa juwa hịhị ba ụgbẹyị nyam, am Ohe Oluhye jẹ, ká cheji ba ang myị ang onyobyi ọhọhọ wuu mẹ!

Ẹnyị nyang á ka ri Ebiram bwu alẹ kele kịlahị kaka, ma, Ebiraham mẹ ịnyị. Chajị am Ohe Oluhye yẹ ẹnyị nyang daalẹ lẹ. Chajị am ayịdang ka họ ká ka ri adịda ogogo nya alepwoja datị-datị jaabwọ ká etu nya Ebiraham ri.

Ebiraham, wo mẹ! Am jam nwa iro ọlẹ hang ahụ ayịdang gbee ju ka aloyi ọnyị myị ọnyị nya anyị ịtụma nyang wuu pwụ ọmyịmyị nya odehe ọlẹ lẹẹ. Am Ohe Oluhye ayịdang ka ri Ohe Oluhye nyang bala Ohe Oluhye nya anyị alụma nyang wuu gbee ju ka ọbaba nya odehe ọlẹ ịnyịnyị.

“Ebiram, wo mẹ! Iro ọlẹ kam nwa hang wẹẹ, ọ ka họ jịra. Ahụ Ebiram ka ri adịda nya alepwoja la datị-datị ị-ịlahị ịnyịlẹhị.

Ịnyị lẹ, Ohe Oluhye a wẹ byoo yẹkẹẹ, “Ehe, ịnyị, ọ ka la ka. iSera ahụ nyang ka jẹnyị. Ọ ka ma ọnyị ọlẹng. Ị ka wụrụ ẹnyị nyamwụ Ayịsiki. Am Ohe Oluhye ka nwa iro o-gbe oyi myị oyi ọlẹ ha Ayịsiki ayịdang bala anyị ịtụma nyamwụ ịkịla wuu gbee pwụ ọmyịmyị nya odehe ọlẹ.”

Am Ohe Oluhye ka hu ọpyị nya iKenan ẹga ọlẹ kaahụ ayịdang ri ọngga wẹ ụ-ụwa alẹ, hang bala anyị nya ụma nyang ị-ịlahị kị ka lọọ pyịyọọ gbee pwụ ụka myị ụka. Am ayịdang ka ri Ohe Oluhye nyang bala anyị nya ụma nyang ịnyịnyị lẹ.”

Ịnyị lẹ, Ebiraham a juwa kpa ẹtẹ eji ha Amkpaa Ohe Oluhye lẹ. Ọ hụlọ ẹhụ, juwa ya ẹla ta ịlọmwụ yẹkẹẹ, “Ahyu, anụ ya ká okwirichi ọlẹ kọ gu ẹka ohu ịrụ lala am lẹ, ka myịmyị jẹ-ẹ ma ọnyị alẹ myị wẹẹ? Lee, iSera kọọwa gu ẹka ohu ine kụrụ iwo lẹ, ka jẹ-ẹ ma ọnyị myị alẹ wẹẹ?”

Ohe Oluhye myịmyị byi Ebiraham yẹkẹẹ, “Ebiraham wo mẹ! Ẹnyị nya ahụ nyang á ka ri iSerayị kaka. Am jam ka ya ẹnyị nya ahụ nyang, iSerayị daalẹ lẹ. Lẹ, á wụrwọọ iSerayị kokoo. Ọwa ka ri iSera bwu alẹ kele kịlahị lẹlẹ.

Ụwụwụ ọdada ọọwa kanụ ka da a ka ri ang o-ju ẹjẹẹ nya iro ọnwanwa ọlẹ kam nwa hanụ wẹ lẹlẹ.

Ma, ẹ-ẹga nya Ayịsiki ọlẹ ká iSera ahụ nyang wẹẹ ka ma hang lụka ọlịịlẹ ịhwọngkịla, Am ayịdang a ka họ ọnụ ọmyịmyị nya iro ọnwanwa nyam ọlẹ kam nwa hanụ jịra pyii lẹlẹ.”

Ụka myị ụka ká ọnyị ọlẹng nyang ahụ ayịdang lee ọnyị ọlẹng ọnyị myị ọnyị nya alụma nyang wuu pwụ ụka myị ụka á gu ụtụrụ ineku lẹ aalẹ, anụ dọọ ụwụwụ mẹ. Ó-riri ká ọnyị ọọwa á ri ọnyị nyanụ bwu ẹpwụ lee ọnyọhị nyanụ ọlẹ kanụ rara bwu ija ịkịla tụ anyị alẹng nyaa wuu, anụ ka daa ụwụwụ pyii lẹ. Anụ ka da anyị alẹng ịnyị myị ịnyị ịlọdọdẹpwa nyanụ wuu ụwụwụ pyii lẹ. Ó-riri kị ri anyị alẹng i-bwu ẹpwụ nyanụ lee ịlẹ kị ri anyịhị ịlẹ kanụ rara. Chajị ụwụwụ ọdada nyanụ ayịdang ọọwa ọlẹ kọ ri ang ibeenu ọlịnyịrọ nyanụ a ri ang-ẹjẹẹ u-uhye nya iro o-gbe oyi myị oyi ọlẹ kam lẹẹ nwa hanụ alẹ lẹlẹ.