Ayat-ayat Alkitab Ternama dari UJƆ́NI 3

Berbagi

Ohígbū ka Ɔwɔicō yíihɔtū tū ɛcɛ ā fíyábɔ̄, anɔ́ɔ ó je Ɔyínɔ̄nyīlɔ ékpónú kú nū ā, ka ɔ̄cɛ dúúmā nōo lɔtūce ɔ́ í gáā yíífi ŋ́, amáŋ ó géē lɛ oyēeyī opiyóó.

Ɔwɔicō í tū Ɔyínɔ̄nyīlɔ kú nū wɛ̄ɛcɛ kóō gaá ŋmó ɛcɛ ɛpɔ̄bí ŋ́, amáŋ o yá ɛ́ɛ́ kóō lɛ ɛcɛ nyatá nɛ̄ n.

Ujísɔ̄si tóohi da ɔ́ kahíníī, “Ɔkwɔ̄ɔ̄kwɛ̄yi, n̄ da uwɔ ka, ayíka é lɛ ɔ̄cɛ ma igbɔhá ámāŋ ó gáā má ajɔ̄ɔ̄cɛ́ kú Ɔwɔicō glá ŋ́.”

Ācɛ nēe lɔtūce ɔ́ ā, é gáā ŋmó uwā ɛpɔ̄bí ŋ́. Ācɛ nēé lɔtūce ɔ́ ŋ́ mā, é le ɛpɔ̄bí ŋmó uwā ɛɛ́, ohígbū keé cɛ̄ɛ̄lā kú Ɔyínɔ̄nyīlɔ ékpónú kú Ɔwɔicō ā ŋ́.

Ɛ́gɛ́nyā nɛ̄ ɛpɔ̄ ā gē yúklɔ́ á, ofíyajɛ gā ipú ɛcɛ, amáŋ obū ā he ācɛ ɔtū fíyɛ́ ofíyajɛ á, ohígbū ka ɔdā nēé gē yá ā bɔ̄bí.

Anú ā kóō kwú pīya ɔ̄cɛ o cɛgbá fíyɛ́ um kɔ́ɔ́, cɛ́ɛ́ ká ami ā kóō híī cɛgbá gɛ ŋ́.”

Ɔ̄cɛ dóódu nōo gē yá ɔdōbɔ̄bí ā í dɔɔ̄kā ɔlá-ofíyajɛ ŋ́, ó wā ɛga nɛ̄ ɔlá ī fíyajɛ glá ŋ́, ohígbū nɛ̄ ācɛ géē má ɔdā nōó gē yá ā.

Ɔ̄cɛ dúúmā nōo cɛ̄ɛ̄lā Ɔyínɔ̄yīlɔ ā lɛ oyēeyī opiyóó. Amáŋ ɔ̄cɛ nōo lɛyitáajɛ lɛ Ɔyínɔ̄nyīlɔ ā ŋ́, í gáā má oyēeyī ŋ́, amáŋ ícɔ̄nū kú Ɔwɔicō géē yɔ̄ ɛyí nū.

Ɛ́gɛ́nɛ̄ Umósīsi je ɛgwā gicō ipú ígbíli ā, ɛ́gɔ́ɔmā nēé géē je Ɔyínɔ̄nyīlɔ kú Ɔ̄cɛ gicō piíí á

Ádā ā yíihɔtū tū Ɔyínɔ̄nyīlɔ kú nū ā, anɔ́ɔ ó lɛ ɔdā dóódu kpó tū ɔ̄ abɔ̄ á.