Ayat-ayat Alkitab Ternama dari UJƆ́NI 13

Bagikan

N je íne ɛ̄yīpɛ̄ lɛ aá, ká aá yíihɔtū tū iyī aá. Ɛ́gɛ́nɛ̄ n yíihɔtū tū aá ā, ɛ́gɔ́ɔmā aá í yíihɔtū tū iyī aá lɛ ā dúú á. Ɔ́dāŋ́ ka aá gē yíihɔtū tá iyī aá, cɛ́ɛ́ ācɛ géē jé ka aá wɛ ayíkpó kú um.”

Ɔ́dāŋ́ ka ó lɛ ā, nɛ̄ ami nōo wɛ Óndú mɛ́mla Itíca kú aá ā, lɛ ikpó kú aá na, ó lɛ ā aá cíkā ō na ikpó kú ɔ́mpa iyī aá. N lɛ ɔdā ōgbla ɔdā je lɛ aá ɛɛ́, cɛ́ɛ́ ká aá yá ɛ́gɛ́nɛ̄ n yá lɛ aá nyā.

Anɔ́ɔ Ujísɔ̄si tá ɔ̄ ohi kahíníī, “Ɔdā nɛ̄ n gē yá ā, á jɛ́yí nū abālɔbányā ɛ́ɛ́ ŋ́, amáŋ a géē jɛ́yí nū ɛ̄cɔ̄bū.”

Ɔkwɔ̄ɔ̄kwɛ̄yi, n̄ da aá ka, ɔ̄cocɛ̄hɔ̄ í gē nwuné fíyɛ́ ɔkpani nū ŋ́, ɔ̄cɛ nēe tɛ̄hɔ̄ í kē gē nwuné fíyɛ́ ɔ̄cɛ nōo tū ɔ̄ ɛhɔ̄ ā ŋ́ m.

Abālɔbányā nɛ̄ aá le ɛlɔ̄kwɛ̄yi nēe bá ā jé ā, ó géē lɔhi lɛ aá ɔ́dāŋ ka aá gē bī uwā le yúklɔ́.

Ujísɔ̄si cāŋjɛ ŋmá ɛgiyí ɔdōlé ā, anɔ́ɔ ó kwú awulú kú nū ú plla bá ajɛ, kwú ogōdōgōdō ú kpó le ɛ́nyɔ́ kú nū gbō á. Anɔ́ɔ ó le éŋkpɔ̄ hɛ́ pīya tū ipú ɔgbanjɛ̄, anɔ́ɔ ó gbɔɔ́ ō na ikpó kú ayíkpó kú nū á. Eko nōó le uwá ikpó na kwɛyí cɛ́ɛ́ ó kwú ogōdōgōdō nɛ̄ ó le gbō ɛ́nyɔ́ ā le ikpó ā nya.