Ayat-ayat Alkitab Ternama dari PIENCILNA 17

Berbagi

Abram kum sawmkuo le kuo a phah ciengin ama kungah TOPA kilah a, ama in, “Keima, Vanglien Pasien ka hi hi; ka mai-ah hoi gamtat inlen kawbaang sin.

Na min Abram hi nawn lo ding a, Abraham hi ta ding hi. Azieh pen minam tampite’ pa dingin kang bawlzo ta hi.

Keima in nang le nang zaw cienga na suonlehlahte tungah Pasien ka hi nadinga tawntung thuciem ahi dingin, kei le nang le nang zaw cienga na suonlehlahte tungah a khan tungtawnun ka thuciemna ka kipsah ding hi.

“Tami khu kei adinga nangma tawh ka thuciemna ahi hi: Nang, minam tampite’ pa na hi ding hi.

Pasien in, “Hilo hi, na zi Sarah in nang adingin tapa khat nei ding a, a min Isaac na phuo ding hi. Ama tawh ka thuciemna ka sukip ding a, tua khu ama zaw cienga a suonlehlahte adingin kumtawn thuciem ahi ding hi.

Tulaitah pemta na hina leitang ahi Canaan leitang zosie, nang le nang zaw cienga na suonlehlahte tungah na nei den dingun kang pie ding hi; kei pen amau’ Pasien ka hi ding hi,” a ci hi.

Tua ciengin Abraham a mai tuolkunin nui a, “Kum za pha pasal khat in ta nei thei ding amah? Kum sawm kuo a pha Sarah in ta a nei na ngel diei mah?” ci-in a lungsim sungah ama le ama a kiho hi.

Pasien in Abraham kungah, “Na zi Sarai ahile Sarai na ci nawn sih ding a, ama’ min Sarah hi ta ding hi.

Nang in na vundawn na tan ding a, tua pen keima le note kikalah thuciemna lim khat hi ding hi.

Ahi vangin khuovei tuhun ciengin Sarah sung panin nang dinga ang suoh ding Isaac tawh ka thuciem ka sukip ding hi,” a ci hi.

Na khang tungtawnun note lahah a om pasal poma, na inn sung pieng silate, le na suonlehlahte ahi lo sum tawh na lei uh pasal poma a suo zaw uh ni giet a cin ciengin a tep uh kitan ding hi. Na inn sunga piengte hile na sum tawh na lei silate hile, a nipi-in a tep kitan ding hi. Tuaci’n na tahsa sung vua ka thuciem pen kumtawn thuciem hi ding hi.