Ayat-ayat Alkitab Ternama dari လံာ်ယိၤဟၣ် 11

Berbagi

ယ့ၣ်ၡူးစံးဘၣ်အီၤ, “ယဲဒၣ်အံၤ ယမ့ၢ်တၢ်ဂဲၤဆၢထၢၣ်သမူထီၣ်က့ၤ ဒီးတၢ်မူန့ၣ်လီၤ. ပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, မ့ၢ်သံဘၣ်ဆၣ်ဒီးကမူဝဲလီၤ. ဒီးပှၤတဂၤလၢ်လၢ်လၢအမူဝဲဒီးစူၢ်က့ၤနာ်က့ၤယၤန့ၣ်, တသံနီတဘျီလၢၤဘၣ်. နနာ်တၢ်အံၤစ့ၢ်ကီးဧါ.”

ယ့ၣ်ၡူးစံးဘၣ်အီၤ, “မ့ၢ်ယတတဲဘၣ်လံနၤလၢနမ့ၢ်နာ်တၢ်ဒီး နကထံၣ်ဘၣ်ကစၢ်ယွၤအလၤကပီၤန့ၣ်ဘၣ်ဧါ.”

ဒီးယ့ၣ်ၡူးအမဲာ်ထံလီၤဝဲလီၤ.

ဖဲယ့ၣ်ၡူးနၢ်ဟူတၢ်ကစီၣ်အံၤန့ၣ်အဝဲဒၣ်စံး, “တၢ်ဆူးတၢ်ဆါအံၤတမ့ၢ်တၢ်ဆါလၢအကဆှၢအီၤဆူတၢ်သံ န့ၣ်ဘၣ်. မ့မ့ၢ်လၢကစၢ်ယွၤအလၤကပီၤအဂီၢ်, ဒီးခီဖျိတၢ်အံၤန့ၣ်, ကစၢ်ယွၤအဖိခွါအလၤကပီၤကအိၣ်ဖျါထီၣ်ဝဲန့ၣ်လီၤ.”

အဝဲစံးတၢ်အံၤဝံၤဒီး, ကိးပသူထီၣ်ဝဲလၢအကလုၢ်ဖးဒိၣ်, “စီၤလါစရူးဧၢ, ဟဲက့ၤထီၣ်တက့ၢ်.” အဝဲဟဲက့ၤထီၣ်က့ၤဝဲ, အစုဒီးအခီၣ်တဖၣ်ဘၣ်ဘိၣ်ဘံဃာ်အသးလၢတၢ်ကံးယာ် လၢတၢ်ဘိၣ်ဘံပှၤအစိၣ်တဖၣ်ဒီးအမဲာ်ကျၢၢ်ဘၢအသး လၢတၢ်ကံးယာ်စ့ၢ်ကီးန့ၣ်လီၤ. ယ့ၣ်ၡူးစံးဘၣ်အဝဲသ့ၣ် “ဃ့ၣ်လီၤကွံာ်တၢ်ကံးယာ်ဒီးပျၢ်ကွံာ်အီၤတက့ၢ်.”

လၢတၢ်သူၣ်ဘၣ်ဒိသးဘၣ်ထံးအပူၤ, ယ့ၣ်ၡူးလဲၤဆူတၢ် သွၣ်ခိၣ်, လၢအမ့ၢ်လ့အပူၤလၢအခိၣ်ထိးဘၣ်တၢ်ကျၢၢ်ဘၢ အီၤလၢလၢၢ်န့ၣ်လီၤ.

ယ့ၣ်ၡူးကတိၤတၢ်န့ၣ်တဖၣ်ဝံၤစံးကဒီးဝဲ, “ပတံၤသကိးစီၤလါစရူးတဂၤမံဘၣ်အသးလံ. ဘၣ်ဆၣ်ယကလဲၤဒီးထိၣ်ဂဲၤထၢၣ်အီၤန့ၣ်လီၤ.”