Ayat-ayat Alkitab Ternama dari Mataayi 7

Berbagi

“Mʉsʉmaghe, ʉNgʉlʉve ɨkʉvapeela; mʉlondaghe, ʉNgʉlʉve ɨkʉvavonekesia; mʉhodesyaghe, ʉNgʉlʉve ɨkʉvadindulila.

Ʉlwakʉva ʉmuunhu ghweni jʉno isʉʉma, ipelua; jʉno ilonda, ɨkʉfyagha; ghwope jʉno ihodesia, idindulilua.

“Lɨno, ʉmuunhu jʉno ipʉlɨka amasio ghango agha na kʉkʉghavɨngɨlɨla, iiva ndavʉle ʉmuunhu ʉnya lʉhala jʉno alyajengile ɨnyumba jaake pa lɨnhalavue.

“Lɨno, sino mulonda avaanhu vavavombelaghe, se sino mʉvavombelaghe avange. Ʉlwakʉva isio se ndaghɨlo sa Moose ni mbʉlanɨsio sa vavɨli.

Looli ʉmʉlyango ʉghwa kwingilila kʉ vwʉmi mfinye, najɨ sɨla jɨno jilʉta kʉ vwʉmi finye, kange avaanhu vano vikʉjaagha, vadebe.

“Mwingilaghe kukilila ʉmʉlyango ʉmfinye, ʉlwakʉva ʉmʉlyango ʉghwa kwingilila kʉvʉtipulo mweleefu, najɨ sɨla ɨja kʉlʉtɨla ʉkuo nyeleefu. Kange, avaanhu vano vikilila ʉkuo, vinga.

Nave ʉmue, mwe vahosi mʉkagwile kʉkʉvapeela avaana viinu ifiinu ifinofu, lɨno ʉNhaata ghwinu ʉghwa kʉkyanya, nakyaivomba vʉnofu kukila, kʉkʉvapeela ifiinu ifinofu vano vikʉnsʉʉma?

“Namʉngavahɨghaghe avange kuuti na jʉmue mʉleke kuhɨghua nʉ Ngʉlʉve, ʉlwakʉva vʉle mʉkʉvahɨgha avange, na jʉmue mulihɨghua vʉle vʉle. Ɨkɨghelelo kɨno mughelela avange, kye kɨno ʉNgʉlʉve ilikʉvaghelela na jʉmue.

Neke ʉmuunhu ghweni jʉno ipʉlɨka amasio ghango agha, neke naɨkʉghavɨngɨlɨla, ʉjuo iiva ndavʉle ʉmuunhu ʉnʼjasu jʉno alyajengile ɨnyumba jaake pa lʉhangalaaji.

“Kɨki ghughimba kulola akamengʼenyo aka mbavo kano kalɨ mʉ liiso ɨlya nʼjaako, neke naghulola ɨkɨpiki kɨno kɨlɨ mʉ liiso lyako? Kange, lwandaani ʉkʉmʼbʉʉla ʉnʼjaako kuuti, ‘Leka nɨkʉvʉsie akamengʼenyo aka mbavo kano kalɨ mʉ liiso lyako,’ pano mʉ liiso lyako jʉʉve mwekɨlɨ ɨkɨpiki?

“Mʉvisaghe maaso na vavɨli ava vʉdesi, ʉlwakʉva aveene pano vikwisa kʉlyʉmue, pa maaso vivoneka hwene ngʼholo, neke nkate mʉ moojo ghaave, ngʼhekeeva ngʼhali. Avaanhu avuo, mʉkʉvakagʉla vwɨmɨla imbombo saave. Avaanhu navidonola isabibu mʉ matunguliisa, nambe kudonola amafyʉlɨsi mʉ mavajʉla.

Kwekʉti, ʉmpiki ʉnnono ghukoma ifipeke ifinono, ʉmpiki ʉmʼbiivi ghukoma ifipeke ifiviivi.

Nakweghʉle ʉmpiki ʉnnono ghʉno ghukoma ifipeke ifiviivi, nambe ʉmpiki ʉmʼbiivi ghʉno ghukoma ifipeke ifinono.

Kange, ʉmpiki ghʉno naghukoma ifipeke ifinono, ghudumulua na kutaghua pa mwoto.