Ayat-ayat Alkitab Ternama dari Mataayi 5

Berbagi

Kange, avaanhu navikʉnga ɨtaala na kukupikila nɨ lɨteneka, looli vivɨɨka pa kyɨmɨlo kuuti jɨvamulikaghe vooni vano valɨ mʉ nyumba. Fye enendɨɨkɨ, ʉlʉmuli lwinu lʉmulikaghe, kuuti avaanhu valolaghe imbombo siinu inofu, mʉ ʉluo vamʉghiniaghe ʉNhaata ghwinu jʉno alɨ kʉkyanya.

“Ʉmue mʉlɨ lʉmuli kʉ vaanhu va mʉ ɨɨsi. Ɨlɨkaaja lɨno lɨjengilue pakyanya pa kɨdunda, nalɨngifise.

Vafunyilue vano valɨ nʉ mwojo ʉmʼbalafu, ʉlwakʉva vilikʉmwagha ʉNgʉlʉve.

Vafunyilue vano visyʉkua kuvomba sino ikeela ʉNgʉlʉve, ʉlwakʉva ʉNgʉlʉve ilikʉvapeela fyoni.

Neke ʉne nɨkʉvavʉʉla kuuti, mʉvaghanaghe avalʉgʉ viinu, kange mʉvasʉmɨlaghe kwa Ngʉlʉve vano vikʉvapumusia.

“Vafunyilue vano vikʉmʉlonda ʉNgʉlʉve kukila ifingi fyoni, ʉlwakʉva vilikwʉpɨla ʉlʉvonolo lwave kʉ Vʉtwa vwa kʉkyanya.

Vafunyilue vano vikʉvasambania avaanhu, ʉlwakʉva vitambʉlwagha vaana va Ngʉlʉve.

Vafunyilue vano valɨ nʉ lʉsukunalo, ʉlwakʉva ʉNgʉlʉve ilikʉvanyamasia.

Vafunyilue vano vipumusivua vwɨmɨla kuvomba sino ikeela ʉNgʉlʉve, ʉlwakʉva ʉVʉtwa vwa kʉkyanya vwave.

Vafunyilue vano valɨ nʉ lʉsʉngʉ, ʉlwakʉva ʉNgʉlʉve ilikʉvasʉngʉkɨla.

“Mʉfunyilue ʉmue, avaanhu pano vikʉvaligha, vikʉvapumusia na kʉkʉvajova fivi mʉ nyinga vwɨmɨla ʉne. Mʉhovokaghe fiijo na kuuva nʉ lʉkeelo, ʉlwakʉva ʉlʉvonolo lwinu kʉkyanya, lʉkome. Enendɨɨkɨ nava vavɨli vano valyalongwile fye valyapumusivue.

Vafunyilue avakoola, ʉlwakʉva ʉNgʉlʉve ilikʉvapeela ʉvʉhaasi ʉvwa ɨɨsi.

“Ʉmue mʉlɨ mwinyo kʉ vaanhu va mʉ ɨɨsi. Neke ʉmwinyo ghʉngasʉpʉke lwoni, ndepoonu ghuvɨɨka kɨki kugomosia ʉlʉnoneesi? Ʉmwinyo ʉghuo, naghʉnoghiile nambe padebe, looli ghuuva ghwa kʉtaghua, ghʉkanywaghe na vaanhu.

Lɨno, mʉvisaghe vagholofu ndavʉle ʉNhaata ghwinu jʉno alɨ kʉkyanya vʉle mʉgholofu.

Lɨno, nave mukwɨtɨka, mʉtisaghe, ‘Eena,’ nave mukaana mʉtisaghe, ‘Ndali,’ ʉlwakʉva sooni sino sikwongelela mʉ isio, sihʉma kwa Mhosi ʉSetano.

“Mʉpʉliike vʉle lɨlyajovilue kuuti, ‘Ʉmuunhu angakʉngʼomotole ɨliiso, na jʉʉve ngʼomotola ɨlyake, angakʉkʉʉle ɨliino, na jʉʉve kʉʉla ɨlyake.’ Neke ʉne nɨkʉvavʉʉla kuuti, ʉmuunhu jʉno akʉvombiile ʉvʉviivi, nʉngavangɨlaghe. Ʉmuunhu angakʉsevʉle ʉvʉdɨlɨ ʉvwa kʉndio, ʉnsyetʉkɨsie nʉ vwa kʉngʼhɨghɨ.

Lɨno, ɨliiso lyako lɨngakwambʉsie, ngʼomotola, ʉtaaghe kʉ vʉtali. Yekʉba kusofia ɨkɨlʉngo kɨmo mʉ mʼbɨlɨ, kukila ʉmʼbɨlɨ ghwoni kutaghua kʉ lʉpumuko lwa mwoto ghʉno naghusima lʉsiku. Kange, ʉlʉvoko lwako lʉngakwambʉsie, dumula ʉtaaghe kʉ vʉtali. Ʉlwakʉva yekʉba kusofia ɨkɨlʉngo kɨmo mʉ mʼbɨlɨ, kukila ʉmʼbɨlɨ ghwoni kutaghua kʉ lʉpumuko lwa mwoto ghʉno naghusima lʉsiku.