Ayat-ayat Alkitab Ternama dari Matta 24

Berbagi

Ku̱me shaatar khang ɓu̱ ɗye solarku, ndolar yen ka kata. Yang kap njif nu̱ kanaɗaki ma yir ve lauɗarsan ka ɗana.

Ka wopa labar mu̱nkandi nu̱ kwaaɗar mbu̱ viɗi ye nduki nu̱ larji kap ma ku̱ kha ma saidu ye wora, kom tu̱ lauɗarsan a ɓa.

Tun ka tu̱k labar dakhlar ku, kom ndu̱ ɓalarku khang ɗyinan. Tu̱k nu sawa ɓa, wa ku̱s ku̱ wanang shi, yang lauɗarsan nu̱ ɗa ɓa dong ɓa.

Nduki ka nggu̱t nu̱ ve nduki ndu̱ dakhlari, tu̱ kwaaɗa nggu̱ɗ nu̱ ve kwaaɗa. Ka shi meeri ndu̱ yakhtar maa vu̱ghai ye ma ku zum zum. Yang na kap ɗya ba nggarsi bonye.

Maa viɗi ndu̱ maa vu̱ghai ka woɗa yang ɓalar ɓang ɓu̱ pasha aa koɗom ɓa.

Ku̱me nduki khang kaɗa ɓa mbu̱ dlu̱ma, ka zu̱ ku za, ‘Nga ke Masiya,’ yang ka lamba nduki khang.

“Kom ka vu̱rto nu ɓara, tu̱ vu̱r bonye ye nu, tu̱ tlagha nu. Ndukiku kap ka zhangndonu ku̱me nga. Kom yang nduki khang ka gaɓ nu̱ gana ku, tu̱ masa yen ɓara, tu̱ zhang yen ku tu̱k. Annabi kotameku khang ka ɗa ɓa ku tu̱ lamba nduki khang.

Tu̱ Yesu tlogha ye wor za, “Ku̱r ma vaanu, ku̱ aaki lamba nu ɓa.

Wanang tu̱k, tun kha daasaran ku̱me sarchi nu̱ke nun taman ɓa, Yi ɓu̱ Nduk ka ɗa gaɓi.

“Ku̱me nang, tun kha daasaran, ku̱me nun zu̱n fu̱ɗar nu̱ke Zhinonu gwaanji kaɗa ɓa ki ɓa.

“Yang nduka nje nu̱ zu̱nki fu̱ɗar ndu̱ sarchi nu̱ke ɗyikunang ka shiki ɓa, aa nu̱ ru̱ktiku ɓu̱ Magham nu̱ke a viɗi, aa Woyang, nu̱ zu̱n ku ɓa, kope Zhinkirang ɗyenda.

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Ba wa nu̱ shiki mbu̱ qaandi virkir ɓu̱ Nukhu, gaɓti ɓu̱ Yi ɓu̱ Nduku ka kha wanang. Me ku̱ ɗyim bu̱rbu̱rang a ɓa, nduki a zu̱mndi, ndu̱ zari, a ɓu̱rti ku a ɓu̱rtan ɓara ma yir sarchi nu̱ Nukhu viki nu̱ mbu̱ du̱mbu̱lang. Me ku̱ zu̱n ɗyi nu̱ke a mban ku, tu̱ ɗyim bu̱rbu̱rang ɗu̱ka wora. Gaɓti ɓu̱ Yi ɓu̱ nduk ka kha ba wanang.