Ayat-ayat Alkitab Ternama dari Luk 3

Berbagi

Oomo arōoy obho iru izua mụum ịḅele, pạJizos aru ạni azua mụum. Odi naakpulughu, pạnyu obho akpẹerunu keḍio Ẹmugh Iigbia bho ạbheebh keekumude asōorōm odi. Keḍio oghōrōkō ạḍua nạ tạnyu obho aru ạkpete kua, “Ạna pogini Ọony oḍigh ologhi ạmi. Eḍighiom ạar onuma eḍigh tologhi ạmi.”

podi ạJon ạkpete ạnogho oomo eedi aghōl kua, “Ạami ubhin mụum nazuughiom zenyina keḍio kir ōoy olo natu olo apu ạami, ạami ugbẹbhan io todi mozuman ọkporion arōkōrō odi. Odi tapin mẸmugh Iigbia bho nꞌạnyan azuughiom enyina mụum.

Iḍighi mọkpo lo tẹgba emutiom mobho enyina neeghiraan tịkarabh araabōom enyina. Íbo ghạ mebum obho Ebrạhạm aru mobꞌọde ezira. Ạami nạgba kua ạnogho enyina, Ẹnaan tatue ni aḅẹriōn rụbharakpar bhibha aḍighi atẹnẹ nwụny tEbrạhạm.

Nooseeri makubu tamen obhobho molo olẹrẹghiom iirẹeny obho ki taruutu obhꞌeedi. Koorẹeny koorẹeny olo ọloki ḍio miiḅi itu tolẹr ni otōbh ọlogh nyạn.”

Iibha bho iḍighi imuzeni tọnuekpete tẠizaya ozil obho, ibha odi ạge bọ tọbhereer obhꞌodi aghōl kua, “Oōy odi tobꞌeekpu eḍum ọosaar obho namulughu akōl kua, ‘Iselemi mebōom obho tObạmọogh obho meseerian zodi. Iḍighi ebōom obhꞌodi ạmaar asel. Iḅologh moomo ariisi ilo isōor megbo meelelemi mibꞌaruugum nꞌaruuḅum obho, meseleey moomo ạrugul obho, meelelemi moomo ariisi olo idi tạghala tạghala, molo oomo arōoy ẹmar-arōoy obho ẹmiin mịbhelegha bho tẸnaan.’ ”