Ayat-ayat Alkitab Ternama dari GENESIS 27

Berbagi

Kabay ang Dios maghatag sa imo sang ton-og sang langit, kag sang katambok sang duta, kag bugana nga patubas kag bag-o nga alak. Mag-alagad sa imo ang mga katawohan, kag ang mga pungsud magyaub sa imo. Magginoo ka sa imo mga utud, kag magyaub sa imo ang mga anak sang imo iloy. Pinakamalaut ang tagsatagsa nga nagapakamalaut sa imo, kag pinakamaayo ang tagsatagsa nga nagapakamaayo sa imo!”

Si Esau nagsiling, “Indi bala sia ginhingalanan sing matarung nga Jacob? Kay sa makaduha gin-agawan niya ako. Ginkuha niya ang akon pagkapanganay; kag yari karon, ginkuha niya ang akon pagpakamaayo.” Niyan nagsiling sia, “Wala ka bala sing natigana nga pagpakamaayo sa akon?”

Niyan si Isaac nga iya amay nagsabat sa iya: “Yari karon, ang imo puluy-an malayo sa katambok sang duta, kag malayo sa ton-og sang langit sa ibabaw. Paagi sa imo espada magakabuhi ka, kag sa imo utud magaalagad ka; apang kon makabuhi ka balion mo ang iya gota sa imo liog.”

Si Esau nagsiling sa iya amay, “Isa lamang bala ang imo pagpakamaayo, amay ko? Pakamaayoha ako, bisan ako man, O amay ko.” Kag nagsinggit si Esau kag naghibi.