Ayat-ayat Alkitab Ternama dari Lucas 14

Berbagi

“Ang bisan sin-o nga nagapalapit sa akon kag wala nagahigugma sa akon sing labi pa sang sa iya amay kag iloy, asawa kag kabataan, kautoran nga lalaki kag babayi, kag bisan pa sa iya kaugalingon indi mangin-akon gintuton-an.

Ang bisan sin-o nga wala nagapas-an sang iya kaugalingon nga krus kag nagasunod sa akon, indi mangin-akon gintuton-an.

Kay ang bisan sin-o nga nagapakataas sang iya kaugalingon pagapauboson kag ang bisan sin-o nga nagapaubos sang iya kaugalingon pagapataason.”

Sa katapusan si Jesus nagsiling, “Sa amo man nga bagay, wala sing isa sa inyo nga mangingintuton-an ko kon indi sia magbiya sang tanan niya nga mga pagkabutang.”

Kon ang isa sa inyo nagaplano nga magpatindog sing tore, indi bala nga magapungko sia anay kag isipon ang bili, agod mahibaluan niya kon bala makaigo ang iya kwarta sa pagpahuman sini? Kay basi sa tapos nga mapasad niya ang sadsaran, indi na sia makasarang sa pagpatapos sang tore, kag ang tanan nga makakita sini magayaguta sa iya. Magasiling sila, ‘Ini nga tawo nagsugod sa pagpatindog sing tore kag indi makapatapos.’

Kon nagahiwat ka sing punsyon, agdaha ang mga imol, ang mga pingkaw, ang mga piang kag ang mga bulag, kag manginbulahan ka tungod kay indi sila makabalos sa imo. Ang Dios ang magabalos sa imo sa adlaw sang pagkabanhaw sang mga matarong.”

“Ang asin maayo, pero kon ang asin indi na maarat, indi na ini mapaarat liwat. Wala na ini sing pulos para sa duta, bisan sa ginatipon nga higko nga inug-abuno, kundi ginapilak ini sang mga tawo. Gani, magpamati kamo kon may mga dulonggan kamo!”