Ayat-ayat Alkitab Ternama dari Matááyo 5

Berbagi

Gálaat hé nyátáá ma bolmosiny, nyátáá he af ma bubuny. Nyátáá urgúaka úrro gaalí ki ređia, in édhúmle gál ˈbíl gaa ijoká lulle hí biiy ki arga. Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.

Hát ény gaalí gúm mé ˈdug gaa ˈdisse-, ereny mánkáka itín hí lésallá édhúmlé.

Gál hé ˈdeđewká ger ma ki sisin-, kasle Waag gaa iđieká hé Waag hí ˈdú ˈjeˈjeenno, gaal Waag hai aargira.

Gál hát Waag hí feˈdoká kuoˈdle ubaa barmle hí yegeská hé Waag hí ˈdú ˈjeˈjeenno, Waag hí fafaˈgsicho.

Tá yú íín hí geeye, gál hí hol ka kídhká geelnée, gál hí maanyjasuoká Waag ki viivitíe

Gál hát lulle mán-, Waag bala ˈdú nieká hé Waag hí ˈdú ˈjeˈjeenno. Guch Waaˈgiet gál hí léká hé kinaallá.

Gál naanná gálaat hursam gaa sisidhoká hé Waag hí ˈdú ˈjeˈjeenno, gáál um Waaˈgieto gaalí yegedhe.

Gál buony gaa ijoká hé Waag hí ˈdú ˈjeˈjeenno, Waag hí imiro gaa shugudmicho.

Gál hát Waag hí feˈdoká el gaa igiro-, tá gaalí maanyjasuoká, hé Waag hí ˈdú ˈjeˈjeenno. Guch Waaˈgiet gál hí léká hé kinaallá.

Gál gálaat gerka guurá ˈguoká hé Waag hí ˈdú ˈjeˈjeenno, Waag hí geer guurá aargisicho.

Itín af giri gaalí egesheyo-, gaalí maanyjasuo-, he met lullé ˈdeđewká ˈdaachúka gaalí ˈdú hogodhoká, it kinaallá Waag hé hí ˈdú ˈjeˈjeenno. Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.

Gál hol ma egenyká hé Waag hí ˈdú ˈjeˈjeenno, aadh ˈdaatika lésallá lulle hai liileedhe.

Itín lésalláka, hát hí les shugutlé. Tá shúgút gaalí hé éíy taaka hol warase-, ˈjám ˈdabiyyeka háteeye midhab? Shúgút kinaallá hé hujich mán, hélle les ki okoˈdíti, giri gálaat hí ˈdug gaa seseenká.

Aaléka, hát ˈJaa kíchia úr ijoká hí tagléélláka, itín úba gál tagléká yiedhíe, Yíésu hí gáál yie.

Tá har hí iiy-hí chieka, đo ˈduwayyíe. Har hí híʼi chieka, đo ˈduwayyíe. He ˈdoon hayyíe, he ˈdoon máá súm ˈdeew-, Sátan léká he yé gáá ˈdeˈdeenne.

It hemurit Waaˈgiet-, Móshe hí gál heleká geey-, giri kieye, Il ílle aˈgaˈd madía, kachint kachintle aˈgaˈd madía, chieká, maalle. Tá yú íín hí geeye, máádhat ko hé ˈdeewká ki ekeyka, ha hala káany. Máádhat he ko nét ˈdaa naaniet gaa ˈdoyka, nétatí úba ki kog.

Har íl kua ˈdaa naanietká ko ađááb mé ki kokoyyoka, ali gaa sílish, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny. Héétí, har gíl ˈdaa kua naanietká ko ađááb mé ki kokoyyoka, ali gaa mur, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny.