Ayat-ayat Alkitab Ternama dari Luka 11

Berbagi

Aso, inywe mumuuli baabi, noola mwamanya khuuwa babaana beenywe biwaanwa bilayi, Paapa weenywe uli mwikulu s'alifuurawo naabi khuuwa Umwoyo Umukhosefu isi ibo babamuloomba?”

“Nashiryo, imbaloma ndi, ni muloombe muliweebwa; muweentse mulinyoola; mukhonyake ni lulwiitsi lulibekuliwilawo.

Lwekhuba buli mundu yeesi uloomba aweebwa; ni nooyo uweentsa anyoola; ni nooyo ukhonyaka lulwiitsi lulikulibwawo.

Yezu wabaloma ari, “Ni muba nga muloomba, muloma muri, ‘Paapa, Khayo lisiina lyoowo likhosefu liisibwemo lukoosi, buyiinga bwoowo bwiitse.

Ukhwiyakhile bibyonako byeefwe, nga nafwe nikhwiyakhila buli mutweela ukhukholakho buubi, ne ukhakhuyila mu khukhonjelesebwa ta.’ ”

Ukhuwe buli ndaalo biilyo byeesi khukana.

Itaala iye kumubili kwoowo nitso tsimoni tsoowo. Tsimoni tsoowo ni tsiba tsindayi, kumubili kwoowo kwoosi kuba kwetsuule buwaanga. Ne tsimoni tsoowo ni tsiba tsiimbi, ni kumubili kwoowo kwoosi kuba kwetsuule shishiilima.

“Mbaawo umuundu uwambisa itaala, lwanyuma wakira imuluungu ta, namwe wakifumalikhakho shishipo ta. Ne akira khu shisiindi nio akile buli mundu uwinjila mu ntsu abone buwaanga.