Ayat-ayat Alkitab Ternama dari IOANE 16

Berbagi

Inai hereva lau hamaoroa vadaeni umui dekenai, egu lalona dekenai maino do umui abia totona. Tanobada dekenai umui be hisihisi do umui abia. To, do umui goada noho, badina be lau ese tanobada lau halusia vadaeni.”

To Hereva Momokani Laumana do ia mai, vadaeni ia ese hereva momokani ibounai dekenai umui do ia hakaua, badina be ia sibona ena laloa do ia gwauraia lasi, to do ia kamonai herevadia ibounai do ia gwauraia, gabeai do idia vara gaudia danu umui dekenai do ia hamaoroa guna.

Ia mai bona harihari, gau ta egu ladana dekenai umui do noia lasi. To hari do umui noinoi, bona do umui abia, vadaeni emui moale do ia momokani.

To inai hereva momokani lau gwauraia umui dekenai: Umui dekenai durua totona do lau rakatania umui, badina be umui bema lau rakatania lasi, Durua Tauna be umui dekenai do ia mai lasi, to do lau lao, vadaeni ia do lau siaia umui dekenai. Ia be do ia mai, vadaeni kara dika bona kara maoromaoro, bona Dirava ena kota henia edia anina korikori, be tanobada taudia dekenai do ia hedinarai henia.

Umui danu, inai harihari be emui lalona idia hisihisi noho, to lau be umui do lau itaia lou, vadaeni emui lalona be do idia moale, bona tau ta ese umui emui moale do ia kokia diba lasi. “Unai dina neganai gau ta do umui noia lasi lau dekenai. Momokani, momokani umui lau hamaoroa, bema gau ta do umui noinoi egu Tamana dekenai, ia ese do ia henia, bema egu ladana umui gwauraia neganai.

Momokani, momokani umui lau hamaoroa, umui be do umui tai mai hisihisi danu, to tanobada taudia be do idia moale. Umui be do umui lalohisihisi, to emui lalohisihisi be moale dekenai do ia lao.