Ayat-ayat Alkitab Ternama dari Sawmus 19

Berbagi

Kiyavwiye, numawkan madikte nuwnuh ku pariye ay nubiyrik akak madikte nuhiyekemni, numawkan madikte in kibeynekuye ay piwtrik. Mmanawa pisnewa nawayghetni, pisnewa namnihten!

Madikte ku pariye ayge amedgene en in akka wotwiy ku Kiyavwiye Uhokri ay. Inme Kiyavwiye Uhokri gannasan in akka wotwiy ka aynisma huwewete akiw ku samah Kiyavwiye Uhokri gihiyekemni. In akka wotwiy avigkutavriknawa. In keh uhiyekemni nukunehwa. Inakni giwn inyewa hiyakemniki. Ik adahan wis kamaxwa nivitit. Hiyawa wixwiy yuma uhiyekemniwiy, heneme ku wixwiy hiyak giwn, nikwe wixwiy humaw hiyekemniye hiyeg.

Aynte inurik en abewi in arakak ku samah ig Kiyavwiye Uhokri barewye. Madikte ku pariye amadga en areketni wotwiy Kiyavwiye Uhokri gannivwi.

Ini ku pariye Kiyavwiye Uhokri Dehetniye gayapni wotwiy in adahan kabaykanenwa, in adahan batekkanenwa. Ini gikumadukan in kibeyne kumadukaki. In uguhne uhiyekemniwiy.

Ini wavisniwiy gibohri Kiyavwiye Uhokri in yuma mbayka nibet. In keh wixwiy tiviknene kehnenekwa gibetki. Ku pariye ig Kiyavwiye Uhokri akka wotwiy ku in kabay, inyewa in kabay. Inme ku pariye ig akka wotwiy ku in ka kabay, inyewa in ka kabay.