Ayat-ayat Alkitab Ternama dari Matthew 15

Berbagi

Mikw maak aniyuu e ishi pechi wiiwiipayiyich awen utuunich e ayimit, utehiihch uhchipainiyuu aniyuu, eukw maak uyuu kaa ihtuutaakut awen chechii machaatisiit. Wesh mitehiihch uhchipayiyuu machi maamituneyihtamuwin, nipahiiwewin, pisikwaatisiiwin, nitamukw ihtuwin, kachemutuwin, nanatayuwin, kaye maak paashtaamuwin.

Taapaa namiyeyuu aniyuu taan e ishi piihtahahk awen utuunihch e ihtuutaakut chechii machituutahk wesh aniyuu taan e ishi pechi wiiwiipayiyich e ayimit, eukw aniyuu e ihtuutaakut chechii machituutahk.”

Chii itweu, Uchii iinuuch utuuniwaahch nuuhchi chishtaachimikuch, mikw maak namui mitun nitaapateyimikuch utehiiwaahch. Namui aapataniyuu aniyuu e pechi nuuchiishtuutwaau wesh teyakuch wiyawaau uwiishuwewinawaauh chiskutamaacheuch, namui wii aniyuuh Chishemanituu taan kaa ishi pechi pachishtinamiyich.”

Ekw Jesus kaa itaat, “Iiskweu, taapwe suuhchisiimakan chitaapwehtamuwin. Chika ishi ihtuutamaakuun maak taan e ishi pukuseyihtaman.” Tiiwehch maak chii miinuwaatisiyuuh aniyuu utaanisa an iskweu.

Iskutak maak an iskweu piyehtawaat uyuu e itweyich Jesus, chii pechi niipiskuupayihuu anit Jesus e ihtaayich e itaat, “Utipeyihchikeu pechi wiichihii.” Ekw Jesus kaa itaat aniyuu iskweu, “Namui kuiskw ishinaakun atimuch chechii ishiwepinamuwaakanuutwaau awaasha umiichimiyuu.” Ekw an iskweu kaa itaat, “Chitaapwen Utipeyihchikeu, mikw maak yaapach miichuweuch atimuch uchimaamuwaauh upinituwaaniyuu e pahchishtiniyich anite shiipaa umiichisuunaahtikuyich.”