Ayat-ayat Alkitab Ternama dari Matyu 8

Berbagi

Yesu si̱ nyia̱ ma̱ng a̱mba, “Ka̱a̱t! Nyin á̱niet nyi nwuak fwuo da̱ nung ma̱ a̱da̱dei a̱ni! Yihwa mbyia̱ nyi nfwuong a̱wun?” Yesu si̱ doot a̱ yong a̱ si̱ kam wun hu ma̱ng ywan a̱sa̱khwot hu. Kuzang kyang si̱ tyia̱ lyot!

A̱kwak a̱son a̱wa si̱ nyia̱, “A̱tyoli, n maai a sak tak ang a̱gbang nung bah. Ka̱ a kaat mi̱ swang a̱lyiat, a si̱ kam zwan ji da̱ a̱vwuo ka nang a nshya̱ ma̱nini a̱ni, a̱khwo nung wu na choot.

Nang Yesu nfa̱k a̱nia a̱ni, a̱ si̱ fa̱k a̱ga̱de. Huhwa gu nyia̱ ma̱ng á̱niet ba̱ khwi nggu a̱ni, “N tak nyin a̱tsak a̱lyiat, n ka̱n di tangka̱i a̱gba̱ndang nwuak fwuo huni da̱ nung mami á̱niet Isi̱rela bah!

Yesu si̱ nyia̱ ma̱ng a̱kwak a̱son á̱niet nzwang A̱romawa wu, “Nkat a̱mali. Mat nang a nnwuak a̱chuchuk da̱ a̱lyiat nung na a̱ni, a̱khwo ang wu choot.” A̱wot fi̱ng a̱khwo hu si̱ choot ma̱ cha̱chaat njen a̱wa.

A̱wot mman ta̱m nggu na si̱ fa̱k a̱ga̱de! Ba̱ si̱ lyip á̱ghyang ba nyia̱, “Zang tangka̱i a̱gba̱ndang tyok hwa nang a̱tyu wuni byia̱, nang wun ma̱ng ywan a̱sa̱khwot mun á̱ nfwuong guu?”