Ayat-ayat Alkitab Ternama dari Matiu 21

Berbagi

Gi kotida vaututuni kori vido koti tarai kaea sa fata tagna a God, imanea keda eia vanighamu na hava koti kaea.”

Ma Jisas ke velera, “Inau ku veleghamu, gi kotida vaututuni moti boi ghaghana ruarua, ighamu tangomana kotida eia vaghagna ku ei vania na ghai fig, me boi iangeni vamua. Ighamu tangomana kotida veleagna na suasupa iangeni, ‘O sokara mo vano mono kori tahi.’ Ma na suasupa iangeni keda leghua na haghoremiu.

Na komi tinoni kena taveti naghogna mi leghugna a Jisas kena ngingili, “Hosana, veletokea a Dathegna a Deved! God, o vathaba imanea ke mai duagna nimua na mana! Veletokea a God i popo!”

Ma Jisas ke haghore vanira, “Na komi Rioriso ke Tabu kena velea, ‘Nigua na Vathe ke Tabu na vathe bali tarai.’ Kari ighamu koti eia vaghagna na vido bali monodia mara kena biabilau.”

“Iaani na hava koda velera na komi tinonidia i Jerusalem kori suasupa i Saion. ‘Oti reghia, nimiu na king ke mai itamiu ikeagaieni. Imanea ke mono taluleghu me taetaveti popogna na dongki, Tutuni, imanea ke taetaveti popogna na dathei dongki.’”

Gi a Jisas ke velera, “Ehava? Oti boi ijumia mua na hava kena risoa tagna na komi Rioriso ke Tabu? ‘Na ghahira kena boi magnahaghinia mara kena agutu vathe, ikeagaieni na ghahira iaani na naghoi ghahira tadia na komi ghahira kori hidigna na vathe. A God ke eia na fata iaani me toke puala itamami.’

“Inau ku veleghamu, i hau a God ke vahighamu ighamu na komi tinoni Jiu eigna keda vunagi pungusighamu. Keana imanea keda tughughamu me keda vunagi pungusira na komi tinoni kedana eia na hava ke magnahaghinia.