Ayat-ayat Alkitab Ternama dari JOHAN 21

Berbagi

Huan zingan a nekkhit un, Simon Peter kiang ah Jesu’n, “Simon, Johan tapa, nang hiaite sang in kei n’on itzaw hia?” a chi hi. Aman a kiang ah, “He, Toupa, k’on it chih na thei hi” a chi hi. Aman a kiang ah, “Ka belamnoute vak in” a chi hi. Huan a nihveina ding in a kiang ah, “Simon, Johan tapa, nang kei n’on it hia?” a chi nawn hi. Aman a kiang ah, “He, Toupa, k’on it chih na thei hi” a chi nawn hi. Aman a kiang ah, “Ka belamte ching in,” a chi hi. Huan a thumveina din a kiang ah, “Simon, Johan tapa, nang kei n’on it hia?” a chi hi. Huan thumveina a nang kei n’on it hia? A kiang a a chih ziak in Peter a lungkham a, a kiang ah, “Toupa, bangkim na thei a, k’on it chih na thei hi,” a chi hi. Jesu’n a kiang ah, “Ka belamte vak in.”

“Chihtaktak in, chihtaktak in, k’on hilh ahi, na naupan lai in na tai ah na kigak a, na utna peuh ah na hoh a; himahleh na upat hun chiang in na khut na zak ding a, midang in a hon gaksak ding uh, na utlouhna lam ah a honkai ding uh, a chi hi.

Huan a kiang uah, “Long sik taklam ah len pai le uchin na man ding uh” a chi hi. A pai ua, ngasa tam ziak in a kaikhe zoukei uhi.

Simon Peter in a kiang uah, “Ngasa beng ding in ka kuan dek” a chi a, amau a kiang ah, “Kou leng na kiang ah ka hong sam ding uh” a chi uhi. A pawtkhia ua, long ah a tuang ua, huai zan in bangmah a man kei uhi.