Ayat-ayat Alkitab Ternama dari INṬANNA 6

Bagikan

Chuongchun, Lalpa chun hnuoia hin mihriem a lo siem ta lei chun ân sîr hle a, lungril natnain a hmang pha ta a.

Chun, LALPA chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

Noa ruok chun LALPA lunginsietna a chang a.

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

Chuongchun, LALPA chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

Chun, hieng hi a na, hnuoi chungah mihriem an hung pung a, naunuhmeihai an hung nei tâwl chun, Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a. Chun, LALPA chun, “Ka thlarau chu thi thei mihriema chun chêng kumkhuo naw nih; anni chu tisa el an ni si a, chuongchun, an dam sûng kum khawm kum za le sawmhni ni raw se,” a ta. Chuong lai le chu hnunga khawm, Pathien naupasalhaiin mihiem naunuhmeihai chu an pâwl a, anni leh nauhai an nei hlak lai khan Nephilimhai chu hnuoia hin an um a; chuonghai chu tienlaia mi hrât, indothiem hming inthanghai chu an nih.

Chuong ang chun Noa chun a thaw a, Pathienin a kuoma thu a pêk po po ang ngei chun a thaw ta a.

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

I ta dingin fâr thingin lawng siem rawh: lawnga chun pindanhai siem i ta, a puo tieng le a sûng tieng chu a chârnain châr suok vawng rawh.

Chun, Pathienin hnuoi hi a en a; chun, ngai ta, a se zo tah: tisa po poin hnuoia hin an umdân an suksiet zo ta si a.

Chun, tisa po poa thilhring tinrêng laia mi, chi tin pahni peiin i kuoma a hringa um ve dingin lawnga chun i ṭhuoi lût ding a nih, a pui le a chal an ni seng ding a nih.