Ayat-ayat Alkitab Ternama dari Genese 1

Berbagi

Kua tuatua iora te Atua, E anga tatou i te tangata i to tatou uaorai tu, kia aite ki to tatou uaorai tu: e kia mana ratou ki rungao i te au ika o te tai, e ki rungao i te au manu o te reva, e ki rungao i te au puaka, e ki rungao i te enua katoa nei, e ki rungao i te au mea totoro katoa ra, e totoro aere ua i te enua nei. Kua anga iora oki te Atua i te tangata i tona uaorai tu; i anga aia iaia i te tu o te Atua ra; i anga aia ia raua ko te tane e te vaine.

E kua akameitaki atura te Atua ia raua, e kua tuatua maira te Atua kia raua, Kia anau korua, e kia maata roa, e e akaki i te enua nei, e e akavi; e kia mana korua ki rungao i te au ika o te tai, e ki rungao i te au manu o te reva, e ki rungao i te au mea ora katoa e totoro aere ua ki rungao i te enua nei.

I MUATANGANA ra, kua anga iora te Atua i te rangi e te enua.

Te vai utonga kore ua te enua, kare e marikonga; e te poiri oki ki rungao i te moana. Kua akakoukou iora te Vaerua o te Atua ki rungao i te kiriātai.

Kua tuatua iora te Atua, Ei mārama; kua mārama iora.

Akara akera te Atua i te au mea katoa tana i anga, e i na, te meitaki roa ra. E aiai iora, e ao akera, ko te rā ono ïa.

Akara akera te Atua i te mārama, e te meitaki ra: e kua akataka iora te Atua i te mārama e te poiri.

Kua tuatua iora te Atua, I na, te oronga atu nei au na kotou, i te rakau rikiriki katoa e ua ki runga i te enua katoa nei, e te au rakau mamaata ravarai e ua ra, tei roto iaia uaorai tona ua; ei kai ïa na kotou.

E tapa iora te Atua i te mārama, E ao; e tapa iora aia i te poiri, E po. E aiai iora, e ao akera, ko te rā tai ïa.

Kua tuatua iora te Atua, Ei reva i rotopu i te vai, e na te reira e vee i te vai e te vai.

E na te au puaka katoa o te enua nei, e na te au manu katoa o te reva, e na te au mea ora katoa e totoro aere ua ki runga i te enua nei; na ratou te au rakau rikiriki mata ravarai ei kai; e koia tika atura.

Kua tuatua iora te Atua, Ei turama to roto i te reva i te rangi ra, ei akataka i te ao e te po; e ei akairo oki, e no te au tuatau, e no te au rā, e no te au mataiti

Kua tuatua iora te Atua, Kia akatupu mai te enua i te ngangaere, e te rakau rikiriki e ua, e te rakau mamaata e ua ra, tei roto ia ratou uaorai to ratou ua, i to ratou tu, ki runga i te enua nei; e koia tika atura.

Kua anga iora oki te Atua i taua reva ra, vee atura i te vai i raro ake i taua reva ra, e te vai i rungao i taua reva ra; e koia tika atura.

Kua akatupu akera oki te enua i te ngangaere, e te rakau rikiriki e ua, i to ratou tu, e te rakau mamaata e ua, tei roto ia ratou uaorai to ratou ua, i to ratou tu: akara akera te Atua i te reira, e te meitaki ra.

Kua anga iora te Atua i nga turama mamaata e rua ra; ko te turama maata ra, ei tutara i te ao, e te turama iti, ei tutara i te po; e te au etu katoa.

Kua tuatua iora te Atua, Kia uipa te vai i raro ake i te rangi ki te ngai okotai, kia kitea te one marō; e koia tika atura. Tapa iora te Atua i te one marō ra, E enua; e taua vai i uipa ra tapa iora aia, E tai: akara akera te Atu i te reira, e te meitaki ra.

E kua akameitaki atura te Atua ia ratou, na ko atura, Kia anau, e kia maata, e kia ki te moana ra o te tai ia kotou; e kia maata oki te manu ki rungao i te enua nei.

Kua tuatua iora te Atua, Kia akatupu mai te enua i te au mea ora i to ratou tu, te au puaka, e te au mea totoro, e te au manu vaevae ā o te enua i to ratou tu; e koia tika atura.

Kua tuatua iora te Atua, Kia maata te au mea ora totoro aere ua ki raro i te moana, e te au manu kia rere ki runga ake i te enua, ki roto i te reva i te rangi nei.

Anga iora oki te Atua i te au manu vaevae ā o te enua i to ratou tu, e te au puaka i to ratou tu, e te au mea totoro katoa ki raro i te one i to ratou tu: akara akera te Atua i te reira, e te meitaki ra.