Ayat-ayat Alkitab Ternama dari Mark 4

Berbagi

Yeso ndɔ tɨ̀ŋnə, shə̀ tɨ́ fɨŋ kɔ́, gì tɨ́ muu mbɔ́ laa mbə bwa, kɨ mbə baa shɔɔ me. Fɨŋ kɔ́ kɨ nii yibwa, vədɨꞌ zu. Ŋwə kɨ nii gì tɨ́ vəŋ laa, «Viŋ sii fee kə? Viŋ kee nùŋ fwi yiŋ maa Nwi yimu?»

Shuu vəŋ yɔŋ. Vəŋ fee ŋkee dɨdɨꞌ, gì vəŋ vəŋ laa, «Sii lùu ndə nə, faŋ fɨŋ nə muu zɔnə ŋwə?»

Nshɨ-tɔ Yeso nə luu ŋkee yiba taa bay, dùꞌ yɨ̀ꞌtə tɔ ki fuu mbəələ, kɨ bwey. Vəŋ yəŋ ŋwə, gì tɨ́ ŋwə laa, «Tɨta, nsiŋ taa ndi, ŋkə kee bɨ yimu?»

Ŋwə baa gì tɨ́ vəŋ laa, «Viŋ kɨ ndɨɨnə maa nu ŋkɨə faŋ viŋ zɔ ndwə! - Mfɨꞌ njyə faŋ viŋ kɔ, lùu mfɨꞌ njyə faŋ viŋ ndɔ fi, shɔ̀ɔ faŋ viŋ nə kɔ nə. (Sheꞌ nee, Nwi ndɔ gaŋtə viŋ maa məkɨɨ nə ŋiꞌ yigisə nyaa sheꞌ faŋ viŋ kwaꞌtə yigi yɔ́ taa fwisə viŋ.)

Yeso baa gì laa, «Nu yifwàŋ Nwi lùu yaa wə faŋ ŋwə sɔ̀ say taa biisə ŋwə, nɔŋ kɨ bwey vətuꞌ, ndɔ yenə nə shɨshwi, bwèy vətuꞌ, yènə nə shɨshwi. Say ghɔ́ nyɔꞌ, ta, ŋwə kee kɨ̀ɨ faŋ say ghɔ́ ta me

Wə ntɨə faŋ tuulə ghi lùu shɔ maa məzɔ, ŋwə zɔ!»