Ayat-ayat Alkitab Ternama dari यूहन्‍ना 6

Berbagi

येशूले तिनीहरूलाई भन्‍नुभयो, “अनन्त जीवन दिने रोटीचाहिँ म नै हुँ। मकहाँ आउने भोकाउनेछैन र ममाथि विश्‍वास गर्ने कहिल्‍यै तिर्खाउनेछैन।

जीवन दिनुहुनेचाहिँ परमेश्‍वरका आत्‍मा नै हुनुहुन्‍छ। यो काम त मानिसको शक्तिले हुनै नसक्‍ने कुरा हो। मैले तिमीहरूलाई भनेका कुराहरूचाहिँ आत्‍मा र जीवन हुन्।

नाश हुने रोटीको लागि काम गर्ने होइन तर अनन्त जीवनसम्‍म रहने रोटीको लागि काम गर। यो अनन्त जीवनसम्‍म रहने रोटी मानिसको पुत्रले तिमीहरूलाई दिनेछ किनभने यसैको लागि परमेश्‍वर पिताले उसलाई खटाएर पठाउनुभएको हो।”

हो, मेरा पिताको इच्‍छा यही नै हो कि पुत्रलाई हेर्ने र उसमाथि विश्‍वास गर्ने जति सबैले अनन्त जीवन पाऊन् अनि संसारको आखिरी दिनमा म तिनीहरूलाई मरेकोबाट बिउँताउनेछु।”

येशूले जवाफ दिनुभयो, “परमेश्‍वरले पठाउनुभएकोलाई विश्‍वास गर्नुपर्छ, यही नै परमेश्‍वरले चाहनुभएको काम हो।”

तर मेरा पिताले मलाई दिनुहुने जति सबै मकहाँ आउनेछन् र मकहाँ आउने जतिलाई चाहिँ म फर्काउँदिनँ।

तब सिमोन पत्रुसले भने, “हे प्रभु, हामी कसकहाँ जाऔं? अनन्त जीवन दिने वचन त तपाईंसँग छ।

स्‍वर्गबाट आएको जीवित रोटी मै हुँ। यो रोटी खाने सधैँभरि बाँच्‍नेछ। मैले दिने त्‍यो रोटीचाहिँ मेरै शरीर हो। संसारका मानिसहरूले जीवन पाऊन् भनेर म मेरो शरीर दिनेछु।”

मलाई पठाउनुहुने पिताले मकहाँ आउने मन दिनुभएन भने कोही पनि मकहाँ आउन सक्‍दैन, मकहाँ आउने जतिलाई म संसारको आखिरी दिनमा जीवित पार्नेछु।

परमेश्‍वरले दिने रोटीचाहिँ ऊ नै हो, जसले स्‍वर्गबाट आएर संसारलाई जीवन दिन्‍छ।”

जीवन दिने रोटी म नै हुँ।

येशूले ती पाँच वटा रोटी लिएर परमेश्‍वरलाई धन्‍यवाद चढाउनुभयो र बसेका मानिसहरूले खाऊन् भनेर चेलाहरूलाई बाँड्‍न लगाउनुभयो। माछालाई पनि त्‍यसै गरी बाँड्‍न लगाउनुभयो। मानिसहरूले अघाउञ्‍जेल खाए। तिनीहरू अघाइसकेपछि येशूले चेलाहरूलाई भन्‍नुभयो, “उब्रिएका टुक्राहरू बटुल, अलिकति पनि खेर नजाओस्।”

चेलाहरू पाँच-छ किलोमिटर जति नाउ खियाएर गइसकेका थिए। त्‍यति बेला तिनीहरूले येशूलाई पानीमाथि हिँडेर नाउतिर आइरहनुभएको देखे। तिनीहरू ज्‍यादै डराए। तर येशूले भन्‍नुभयो, “मै हुँ, नडराओ!”