hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.
Hanua mai hirabi pe iyuaya eskayukũkaĩshanikiki.
Mibã banati pe inũ yunu tsekati pe ipakeshanikiki.
Bari kui inũ matsi ikũkaĩshanikiki,
bari pakei inũ ui pakeirã.
Shaba hui penai inũ meshu hui bari kairã,
haskai dasibi ikũkaĩshanikiki”, inikiaki.