Ayat-ayat Alkitab Ternama dari Mak 5

Berbagi

Yakapan Jesuta anzing inikut, “Yapana. Gata nae natapi kekeknga singgak kakngata maitda sandekgamuk. Musipba kwikwiknga natake kunggayo. Gatane maitda wena gwa singgak,” ngang inikut.

Tawake akgitnawa maya tapatu ita yekapna sike dau asinggan pake nakanu 12 gwa yuwan sandewan dokta kwaapzangga maitna sandetnangge natake tasingamuwawa gupnane tokngabam natake buyana wa aminde yaman puyuwan ngana itane maitna takesimu dua sikut. Wena. Maitna buyambam sikut.

Wasiwan zetgaman daknga atzakngawan gupnaatang natapan maiu waaknga ateke kuwan natapbut.

Koke ita waatdakatane katakngane take inane wam tangan, “Talita kumi,” ngang inikut taknga tana tekwamban, “Maya matekapa. Nata ganiwa asenayo,” ngang inikut.

Siwan Jesuta wamu waaknga ngang iniyuwawan aminu kundu miti yotde kuyana yuak kapatane yotnane yuaingu kunduta apu anzing iniking, “Gatane yapaka gwa kungwak. Dasingge gata puya kwatan siknga ayanindamumsa apae imunggayak,” ngang iniking. Iniwa ngana Jesuta wamu wa yaking kakngae maau dua pake natake miti yotde kayuakapa Jairas anzing inikut, “Ga nangaakan ma natapim. Gata nae natapi kekekayok,” ngang inikut.

ita kawawan Jesu maa yuwan kake ita matmat gapma teke asisapmake apan kake anzing inikut, “Ga waung waiapa. Aminu waapa teng,” ngang iniwan ngana apu butaya wam ininangge ie muna pukut. Puke wamu kumzang apaa yanggamatake kekeknga siknga anzing inikut, “Jesu. Ga Anutu enane siknga yuak kapatane waaknga. Gata nae dasing tasiya,” ngang yake usake apaa siknga anzing yakut, “Gata nae toknga ma siknga namim,” ngang inikut. Iniwan yake, “Umanda mamin,” ngang inikwaiwan natake, “Natane umana Aminbam, Ninu kwaapzang.”