Ayat-ayat Alkitab Ternama dari གོ༌ཟུག༌ 17

Berbagi

ཨབ༌རམ༌མི༌ ལོ༌ 99 ཨིན༌ ཟ༌ནེ༌ ཁོའ༌ ཡ༌ཝ༌ ཇལ༌ ཡང༌ མོལས༌, “ང༌ ནི༌ ཀུན༌ཝང༌ དཀོན༌མཆོག༌ ཨིན༌, ངའ༌ ཨིད༌ཤེས༌ཅན༌ ཞབས༌ཏོག༌ ཞུ༌ཨིན༌ ནོངས༌མེད༌ཁན༌ནི༌ མི༌ཚེ༌ཞིག༌ པུད༌།

ཏ༌ནེ༌ཕར༌ལ༌ ཁྱོ༌རང༌ང༌ ཨབ༌རམ༌ མ༌ཟེར༌ར༌ ཨབ༌ར༌ཧམ༌ ཟེར༌ཨིན༌, ཅིའ༌ཟེར༌ན༌ ངའེ༌ ཁྱོ༌རང༌ གྱལ༌ཁམས༌ མང༌པོའེ༌ ཕ༌མེས༌པོ༌ གྱུར༌ཅུག༌ཨིན༌།

ངའེ༌ ཁྱོ༌རང༌ དང༌ ང༌ ཡང༌ ཁྱོ༌རང༌ངི༌ པུར༌གྱུད༌གུན༌ནི༌ པར༌ལ༌ ཅོ༌ཁན༌ནི༌ ཆད༌དོན༌, ཀ༌བོ༌ ང༌ ཁྱོ༌རང༌ དང༌ ཁོང༌གུན༌ནི༌ དཀོན༌མཆོག༌ ཨིན༌ཁན༌བོ༌ མི༌རབས༌ནེ༌ མི༌རབས༌ ལུས༌ཨིན༌།

“ངའེ༌ འི༌ ཆད༌དོན༌བོ༌ ཁྱོ༌རང༌ ཉམ༌པོ༌ ཅོའད༌། ཁྱོ༌རང༌ གྱལ༌ཁམས༌ མང༌པོའེ༌ ཕ༌མེས༌པོ༌ གྱུར༌ཨིན༌།

ཨིན༌ནའང༌ དཀོན༌མཆོག༌གི༌ མོལས༌, “མན༌ ཁྱོ༌རང༌ངི༌ ན༌མ༌ སཱ༌ར༌ བུ༌ཚ༌ཞིག༌ སྐྱེ༌ཨིན༌ ཡང༌ ཁྱོ༌རང༌ངི༌ ཁོའེ༌ མིང༌ང༌ ཨི༌སཱག༌ ཏག༌ཨིན༌། ངའེ༌ ཅོ༌ཁན༌ནི༌ ཆད༌དོན༌བོ༌ ཁོ༌ དང༌ ཁོའེ༌ པུར༌གྱུད༌གུན༌ ཉམ༌པོ༌ ཐའ༌མེད༌པ༌ ལུས༌ཨིན༌།

ཡང༌ ངའེ༌ ཁྱོ༌རང༌ང༌ ཀེ༌ནན༌ནི༌ ཡུལ༌ གང༌པོ༌ ཏང༌ཨིན༌ ཀ༌རུ༌ དག༌ས༌ ཁྱོ༌རང༌ ཞན༌ཡུལ༌ལི༌ མི༌ ཙོགས༌ལ༌ དུག༌ཨིན༌ ཡོད༌, འི༌ ས༌ཀྱད༌ ཁྱོ༌རང༌ངི༌ པུར༌གྱུད༌གུན༌ནི༌ ལག༌ག༌ ཏུས༌གྱུན༌ནི༌ གྱུ༌ནོར༌རི༌ ཚུལ༌ལ༌ ལུས༌ཨིན༌ ཡང༌ ང༌ ཁོང༌གུན༌ནི༌ དཀོན༌མཆོག༌།”

ཨབ༌ར༌ཧམ༌མི༌ ཆག༌ཕུལས༌ ཨིན༌ནའང༌ གོད༌ཅེས༌ ཡོངས༌ཏེ༌ སམ༌, “ང༌ ལོ༌ 100 ལོན༌ཏེ༌ ཀ༌ཟུག༌གི༌ ཨ༌བ༌ གྱུར༌ཉན༌ཨིན༌?” ཡང༌ “སཱ༌ར༌ ལོ༌ 90 སོང༌ཏེ༌ ཀ༌ཟུག༌གི༌ ཕྲུ༌གུ༌ སྐྱེ༌ཉན༌ཨིན༌?”

དཀོན༌མཆོག༌གི༌ ཨབ༌ར༌ཧམ༌མ༌ འི༌བོའང༌ མོལས༌, “ཏ༌ནེ༌ཕར༌ལ༌ ཁྱོ༌རང༌ངི༌ ན༌མའ༌ སཱ༌རཱིའ༌ མ༌ཟེར༌ར༌ སཱ༌ར༌ ཟེར༌གོས༌།

ངའ༌ དང༌ ཁྱོ༌ཞ༌གུན༌ནི༌ ཕར༌ལ༌ ཅོ༌ཁན༌ནི༌ ཆད༌དོན༌ནི༌ སྟགས༌སི༌ ཚུལ༌ལ༌ ཁྱོ༌ཞའེ༌ སུན༌ནད༌ ཅོ༌གོས༌།

ཨིན༌ནའང༌ ངའེ༌ ཆད༌དོན༌བོ༌ ཁྱོ༌རང༌ངི༌ བུ༌ཚ༌ ཨི༌སཱག༌ ཉམ༌པོ༌ བོར༌རད༌, ཀ༌བོ༌ སྟིང༌མ༌ ལོ༌ འིན༌ན༌ ཏུས༌པོའི༌ཀ༌ སཱ༌ར༌ གྱུད༌ཏེ༌ ཁྱོ༌རང༌ང༌ སྐྱེ༌ཨིན༌།”

ཏ༌ནེ༌ཕར༌ལ༌ ཁྱོ༌ཞ༌གུན༌ནི༌ ཕྲུ༌གུ༌ བུ༌ཚ༌གུན༌ལ༌ ཞག༌པོ༌ 8 ཆའ༌ཅིག༌ སུན༌ནད༌ ཅོ༌གོས༌, ཏེ༌བོ༌ ཁྱོ༌རང༌ངི༌ པུར༌གྱུད༌གུན༌ ཅིག༌པོ༌ མན༌པ༌ ཁྱོ༌རང༌ངི༌ ཁང༌པའེ༌ ནང༌ང༌ སྐྱེས༌ཁན༌ དང༌ ཞན༌ མི༌རིགས༌གུན༌ནི༌ ཀ༌ནེ༌ ཉོ༌ཁན༌ནི༌ ཚེ༌ཡོག༌ གུན༌ལའང༌ ཅོ༌གོས༌། བུ༌ཚ༌ ཚང༌མའ༌ སུན༌ནད༌ ཅོ༌གོས༌། ངའེ༌ ཏུས༌གུན༌ ལུས༌ཤེས༌སི༌ ཆད༌དོན༌ ནི༌ སྟགས༌པོ༌ ཁྱོ༌ཞའེ༌ ཟུགས༌པོའེ༌ཀ༌ ལུས༌གོས༌།