Ayat-ayat Alkitab Ternama dari Salmau 10

Berbagi

Duw sydd frenin; blin fydd ffawd Y cenhedloedd. Arglwydd, clywaist gwyn y tlawd Yn eu hingoedd. Gwnei gyfiawnder iddynt hwy, A’u hamddiffyn, Ac ni chaiff meidrolion mwy Beri dychryn.

Pam y mae’r rhai drwg, O Dduw, Yn dy wawdio, Ac yn dweud o hyd, “Nid yw Ef yn malio”? Ond rwyt ti yn sylwi ar boen Yr anffodus. Cod a dryllia nerth a hoen Y drygionus.

Pam, O Dduw, y sefi draw Mewn cyfyngder Pan fo’r drwg yn peri braw Yn ei falchder? Barus ac ymffrostgar yw Yn ei chwantau. Gwawdia’r Arglwydd, caeodd Dduw O’i gynlluniau.

Gwylia, megis llew o’i ffau, Am y truan, Ac fe’i dena i’r dychrynfâu Sy’n ei guddfan. Dywed, “Trodd yr Arglwydd draw, Ac ni falia.” Cyfod, Arglwydd, cod dy law. Nac anghofia.