1
मत्ती 7:7
कोन्छ्योककी सुङ
“लोङ, तमा कोन्छ्योककी ख्यिराङला नङ्गितो। छोल, तमा ख्यिराङला ङ्येकितो। गोला डक डक ग्योप, तमा कोन्छ्योककी ख्यिरा थोक्ला गो बेकितो।
Bandingkan
Telusuri मत्ती 7:7
2
मत्ती 7:8
च्यिलासिसिन लोङ्गुपतिवाला नङ्गितो, छोलुपतिवाला ङ्येकितो, गोला डक डक ग्यकुपतिवाला गो बेकितो।
Telusuri मत्ती 7:8
3
मत्ती 7:24
“सी ङे ताम्ङे थोनी ती दोके किवे, ती ति दो ग्येर्पु थ्वोनी डम्ज्यी रम्बु तिङ्नी ती खला खोरो खाङ्बा जोप रिक्पा वोतुप मी दोके यिन।
Telusuri मत्ती 7:24
4
मत्ती 7:12
मी यम्बी ख्यिराङला चुकै किशी सिरुप नो किवे, तुकै राङ ख्यिरा तिवाला की। दी ति मोशाकी ठिम ताङ कोन्छ्योककी लुङ्तेम्बातिवी बिन्दुप खक्छ्येवु येन्देन यिन।”
Telusuri मत्ती 7:12
5
मत्ती 7:14
यिने नाम्साङ मिशिवु मिजीला क्योलुप गो ति गच्चा ताङ ते डोप लाम ति कले वे। ती तप्की ती नाङ्ला शुकुप मीतिवा ङ्युङ्मु वे।”
Telusuri मत्ती 7:14
6
मत्ती 7:13
“गो गच्चा नाङ्ला शु। ङ्येलाला क्योलुप गो ति ठोल्मु वे, तमा ते डोप लाम ति जोल्हमु वे। ती तप्की ती नाङ्ला शुकुप मीतिवा बङी वे।
Telusuri मत्ती 7:13
7
मत्ती 7:11
ख्यिराङ दुक्टा वोनी साङ रङगी पेजातिवाला च्यालक ल्यामु तेर शेकिवी सिसिन देवाच्येनला ज्यु वोतुप ख्यिरा पपा कोन्छ्योककी याङ खोला लोङ्गुपतिवाला मङ च्यालक ल्यामु मनङ्गिवी रो?
Telusuri मत्ती 7:11
8
मत्ती 7:1-2
“मी यम्बाला ठिम माकी, तमा कोन्छ्योककी साङ ख्यिराङला ठिम मिकितो। ख्यिरा चुक क्यानी यम्बाला ठिम किवे, तुक राङ क्यानी कोन्छ्योककी साङ ख्यिराङला ठिम किवितो। ख्यिरा मी यम्बाला चो बिन वे, कोन्छ्योककी साङ ख्यिराङला दोजोयी राङ नङ्गितो।
Telusuri मत्ती 7:1-2
9
मत्ती 7:26
यिने सी ङे ताम्ङे थोनी साङ ती दोके मिकिवे, ती ति पेमी खला खोरो खाङ्बा जोप मी अम्बारङ्शिङ दोके यिन।
Telusuri मत्ती 7:26
10
मत्ती 7:3-4
ख्योरो मी यम्बी मिकला वोतुप बोप ति थोङ्गिवी, यिने च्यिला ख्योरो मिकला वोतुप दुङ्मा ति मोथोङ्नोक? ख्योरो मिकला दुङ्मा वोसिन चुक क्यानी मी यम्बाला ‘ख्योरो मिकला वोतुप बोप ति ङे थेन तेरुप।’ सिनी सि थुप्किवी?
Telusuri मत्ती 7:3-4
11
मत्ती 7:15-16
“लुङ्तेम्बा मेटेङ्बुतिवा नेसुर च्याङ्से देता। तिवा फिला ल्हासिन लुक दोके ल्यामु थोङ्गिवी, यिने सेम ति ज्यिवा लङ्गुप खटमु दोके गिवी। डेलु ल्हानी तीकी दोङ्बु हाक्कोवु दोके मीतिवी कितुप लाका ल्हानी तिवा चुकै वे सिनी हाक्कोकिवी। चुक क्यानी छेर्माङ दोङ्बी गोला गुन्डुम, याङ्ना छेर्क्योक दोङ्बी गोला अन्जीर थिवी रो?
Telusuri मत्ती 7:15-16
12
मत्ती 7:17
तुक राङ क्यानी दोङ्बु ल्यामुला डेलु ल्यामु गोर्किवी, तमा दोङ्बु मेलोवाला डेलु मेलोवा गोर्किवी।
Telusuri मत्ती 7:17
13
मत्ती 7:18
दोङ्बु ल्यामुला डेलु मेलोवा गोर मुथुपी, तमा दोङ्बु मेलोवाला डेलु ल्यामु गोर मुथुपी।
Telusuri मत्ती 7:18
14
मत्ती 7:19
चुका दोङ्बुला डेलु ल्यामु मोगोर्वे, ती दोङ्बु ति च्येनी मे नाङ्ला क्युर्किवी।
Telusuri मत्ती 7:19
Beranda
Alkitab
Rencana
Video