Ayat-ayat Alkitab Ternama dari मत्ती 12

Berbagi

ङ ख्‍यिराङला सिरिन, मीतिवी काङ ताम्‍ङे तेर्मे क्‍यावे, ती ताम्‍ङे तेर्मेकी तेन्‍दोक ति कोन्‍छ्‍योककी ठिम तोङ्‍गुप तुजेला खोकी दोङ्‍ला खोरो राङ लप गोकिवी। ती तुजेला ख्‍योरो क्‍यावु ताम्‍ङे नेमा राङ कोन्‍छ्‍योककी ख्‍युरुङ क्‍येन मेतुप याङ्‍ना क्‍येन वोतुप सिनी ठिम क्‍या नङ्‍गिवी।”

ओ दुक्‍टाकी गिपातिवा! ख्‍यिराङ सेम दुक्‍टा वे, चुक क्‍यानी ताम्‍ङे ल्‍यामु कि थुप्‍किवी? च्‍यिलासिसिन सेमला काङ क्‍येङ नोके, ती ति ख नेमा लप्‍किवी।

सेम जङ्‍बु वोतुप तीकी खोरो सेमला काङ ल्‍यामु ज्‍याक्‍वे, ती ल्‍यामु ति देन्‍गिवी। तमा सेम दुक्‍टा वोतुप तीकी खोरो सेमला काङ दुक्‍टा ज्‍याक्‍वे, ती दुक्‍टा राङ देन्‍गिवी।

तुक क्‍यानी ङ ख्‍यिराङला सिरिन, मीतिवी क्‍यावु चुका दिक्‍पा ताङ कोन्‍छ्‍योककी तेन्‍दोकला ताम्‍ङे मेलोवा क्‍यावु ति माफ ङ्‍येकिवी, यिने कोन्‍छ्‍योककी थु चाङ्‍माला मारे तङ्‍गुप ति माफ मेङ्‍येवी।

“दोङ्‍बु ल्‍यामु वोसिन डेलु साङ ल्‍यामु राङ गोर्किवी। दोङ्‍बु मेलोवा वोसिन डेलु साङ मेलोवा राङ गोर्किवी। डेलु ल्‍हानी तीकी दोङ्‍बु चुकै वे सिरुप ति हाक्‍कोकिवी।