Ayat-ayat Alkitab Ternama dari Amatie 13

Berbagi

La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛka n wõm Nawẽnnɛ kõ-yẽlga la, wõm a võorɛ, wɔnna biɛ. Tɩ basɛba wɔm kɔbga kɔbga, tɩ basɛba pisyoob-yoobɩ, tɩ basɛba pitã-tã.»

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Sore la nõorʋm tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, dee ka bãŋɛ a võorɛ. Tɩ Asũtãana n de tõon-be'ero dãana la wa'am wa yese yetɔga la a sũure pʋam.

Tãmpĩa zuo tɩ bõnbuuri sɛba lui la, ãn wʋ nẽr-sɛka n wõm kõ-yẽlga la, to'oge ẽ bilam mẽŋa la sũ-yẽlga. La ban ka kẽ a sũure pʋam na ĩyã, a sakɛ la wakatɛ fẽe. La toogo bɩɩ nãmsgɔ sãn paagɛ ẽ Nawẽnnɛ yetɔga la ĩyã, a basrɩ mɛ tɔtɔ.

Azezi le yele ba yetɩ: «Nawẽnnɛ so'olʋm ãn wʋ tʋʋlʋm bõnɔ tɩ ba dɩkɛ sʋgɛ va'am pʋam, tɩ nẽra yẽ ẽ. Tɩ a sũure ẽŋɛ yẽlʋm, tɩ a le sʋgɛ ẽ pa'asɛ, dee sẽŋɛ ka koose ẽn tarɩ sɛla wuu, sẽŋɛ ka da va'am na.

Tɩ basɛba lui zẽ'e-sõŋɔ zẽ'a, wɔm biɛ. Basɛba wɔm na biɛ kɔbga kɔbga, tɩ basɛba wɔm pisyoob-yoobɩ, basɛba pitã-tã.

Basɛ-ya tɩ ba wuu bɩ ka paagɛ bõnkɔɔla lagsgɔ wakatɛ, tɩ mam wʋn yele sɛba n lagsrɩ bõnkɔɔla la tɩ ba dẽŋɛ võ kanarsɩ la, bobe ba yõ bugum, dee yãŋa lagsɛ si la dɩgɛ m bãarɛ pʋam.› »