Ayat-ayat Alkitab Ternama dari Matiyu 28

Berbagi

Adama a nan lo, banai i bonoko uma a aduniyan ra̱ka̱ aza o Kutoni a̱ va̱. I yaꞋanka le kusumbu ka akucina a̱ ka̱tsuma̱ ka kula ka Dada n ka Maku n ka Ayinviki a̱ Ka̱shile.† I yotsongusu le a yaꞋan ili dem i na n danai ɗa̱. Mi ta̱ o kuyongo n a̱ɗa̱ ayin tutu, ali a kubana uteku wa aduniyan.”

Ɗa Yesu u ta̱wa̱i we le ɗa u danai, “Ka̱shile ke neke mu ta̱ utsura ra̱ka̱ gaɗi n iɗika.

Kalingata ka ka danai a̱ma̱ci a, “Ka̱ta̱ i pana wovon ba. N yeve ta̱ yi ta̱ a̱ kula̱nsa̱ Yesu, vuza na a bapai a maɗanga ma atakaci. Wi punu na ba. U ɗenga̱ ta̱ ɗe a kasaun tsu na u danai ɗa̱. Ta̱wa̱i ye ene ubuta̱ u na ishi a zuwai keven ki ikyamba ka̱ ni.

Ɗa u danai, “Ka̱ta̱ i pana wovon ba! Danai mukumitoni n va̱ a bana a̱ Ga̱lili. Ta ɗe e kene mu.”

Anan ganu vu gbagbaꞋin a a yaꞋin oɓolo nu nkoshi m gba̱ra̱-gba̱ra̱ ɗa e sheshei. A tsupai osoji a ikebe n a̱bunda̱i, ɗa a danai le, “Danai uma mukumitoni n Yesu n ta̱wa̱ ta̱ n kayin, ɗa o bokoi ikyamba ya a ayin a na yi alavu. Gomuna u pana baci nannai, ci ta̱ a kuyaꞋanka yi kadanshi, ka̱ta̱ ci isa ɗa̱ a̱ ubuta̱ wa atakaci.” Ɗa osoji a ɗikai ikebe ya, ɗa a yaꞋin tsu na a danai le. Uma a Yahuda i ta̱ a kudansa arabali a nam pa a uteku u le ali a̱ kuta̱wa̱ gogo na.