Ayat-ayat Alkitab Ternama dari 1. Mosebok 9

Berbagi

Og Gud sa: «Dette teiknet set eg for pakta mellom meg og dykk og kvar levande skapning som er hos dykk i komande slekter til alle tider: Eg set bogen min i skyene, han skal vera eit teikn på pakta mellom meg og jorda.

Når bogen syner seg i skyene, vil eg sjå han og koma i hug den evige pakta mellom Gud og kvar levande skapning, alt kjøt og blod på jorda.»

Den som auser ut menneskeblod, ved menneske skal hans blod bli aust ut, for Gud laga mennesket i sitt bilete.

Gud velsigna Noah og sønene hans og sa til dei: «Ver fruktbare, bli mange og fyll jorda!

Alt som lever og rører seg, skal no vera mat for dykk. Som eg gav dykk dei grøne plantene, gjev eg dykk no alt dette.

Over alle dyra på jorda og alle fuglane under himmelen, over alt som rører seg på marka og alle fiskane i havet, skal det koma frykt og redsle for dykk. Dei er gjevne i dykkar hender.

Men de skal vera fruktbare og bli mange, myldra på jorda og bli mange der!»