Ayat-ayat Alkitab Ternama dari Genesis 17

Berbagi

Siam yang pulu't siam a banua i Abram inyang akatagpu ne ing GINU. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

E ra na ka ausan pang Abram nune Abraham uling gewa da kang tata ra ding dakal a bansa.

Tuparan ke iting kasunduan ku keka at pati na karing maging lahi mu king daratang a panaun. Ala yang kawakasan iting kasunduan: maging Dios mu ku at maging Dios da ku munaman ding maging lahi a salisi keka.

Oyni ing kasunduan ku keka: maging tatang da ka ding dakal a bansa.

Pekibat na ning Dios, E malyari! Ibait ne ning asawa mung i Sarah ing anak mung lalaki at ausan meng Isaac at makikasundu ku keting maging anak mu angga king alang angga at karing lahi nang sasalisi.

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Migsakab ya i Abraham king gabun, oneng mipakayli ya. At nganang sinabi king lub na, Mikayanak ya pa wari ing lalaking dinalan nang banua? Makapanganak ya pa wari i Sarah a siam nang pulung banua?

Ngana pang sinabi ning Dios kang Abraham, E mu ne ausan pang Sarai ing asawa mu; ausan meng Sarah manibat ngeni.

Pasirkunsisyun kayu at iti yang maging tanda na ning kasunduan ku kekayu at ning kasunduan yu kanaku.

Pero tuparan ke kang Isaac ing kasunduan ku. Ibait neng Sarah ing anak keng tutuking banua.

Manibat ngeni masirkunsisyun ya ing balang lalaki potang walu yang aldo at pati na ding ipus a mibait karing pibalebale yu at ding ipus a seli yu karing dayuan a e yu kalahi. Wa, sukat lang masirkunsisyun ding ipus a mibait karing pibalebale yu at pati na detang seli yu. Inya mayakit ya ing kasunduan king katawan yu bilang alang anggang kasunduan.