Ayat-ayat Alkitab Ternama dari PONGWANG LAIPEX 1

Berbagi

Ifüima Zang-e akax: “Athaxpi keme khünak zingüi; hwom a kem lailaile tüiüi ilaxle hwome kem khuaküi. Hwom a müi-hi-nyax, o-jux, tsom-pom hia faomüi chongkya hixkya pangnu thakma apün angkya zong tüiüi.” Ikhoma Zang-e chix lailaile-ole khünak-mixsa zingle alai. Chixe hwom sheko hia lüka le zingle alai.

Zang-e hwom to mohimanle akax: “Simüi-limüi hüi tamchu pu-tsale changhüi, chaxwannu awanghüi tamchu ija to ohüi; tinu mong tokya janyax hia zangwin angkya osabu tamchu chaxwan tok ma ahamkya zünmok pangwüi thakma apün-awanghüi.

Chemtue Zang-e ding-hi-hax zingle alaipuix

chaxwannu a tütachu chichangle tie awangle zangnaktukle tüikya. Zang Chasa a titok to ahamle tüikya.

Ifüima Zang-e kaxtom koxle akax: “Zangngai laiün”. Ija ma zangngai lai.

Zang-e chix chakzing müihule le ngün. Ifüima zangnak üntoxle zangngai. Ija a azok lükya nyix changkya.

Ijama zangngai a müihule le ngünle lax. Ifüima chixe zangnak tokya zangngai ahan.

Hulax, chaxwannu ma tüikya pünziak laimo oli akiakle kue hünzom ang koxpu; hünzome ibu süt ang saxlax.

Chixe zangngai ang “Anyixning”, le nyak üntoxle zangnak ang “Awünning”, le nyak. Ija füima zangnak ilaxle zangngai. Ija a pongwang lükya nyix changkya.

Ifüima Zang-e kaxtom koxle akax: “Thakchi hia fangchi ahanle ti angkya ti ahan ang ohua laile changün”, üntoxle ija ile chang.

Faomüi-janyax pangnu, zangwin angkya osabu pangwüi, akhwom-alyangle ahamkya müi pangnu, khüzün zakdün atüitüi pangwüi tamchu fumhing laihing pangnu hünzome süt ang saxüi. Ibu pangwüi kue hünzom ang koxdaoa.” Ilaxle ibu pangwüi ile chang.

Ifüima Zang-e kaxtom koxle akax: “Zangnak hia zangngai ahan ang ding to zangngaibu laiün: üntoxle ibu a hanpak hia zanglao tamchu, zanglom pangpwonbu hanpak hia lyetkua-zangpua lyettex-hantya ang naxngo nui

Ifüima Zang-e kaxtom koxle akax: “Haxwannue pün-zua, otsang hia oziak füikya oli pangwüi alaikox”, -üntoxle ija ile chang.

Zang-e ohua alailaxle thakchi angkya hia fangchi angkya ti ahanle dan.

Ikhoma haxwannue pün-zua oli pangwüi alai. Zang-e ija müihule le ngünle lax.

Zang-e Zangngai chongkya nyi alai. Zanghan a anyixning apün ang üntoxle Lyetnu a ajaning apün ang; chixe Lyettsibu chuwüi alai.

Ifüima Zang-e kaxtom koxle akax: “Zangkho zongma fangchi angkya ti haxza alai angkya kuxma jongta khama asoxün”, -üntoxle ija ile chang. Haxza ang chixe “haxwan”, le nyak ilaxle jongta khama athütle atungkya ti ang “Molo-tinu” le nyak. Zang-e ija müihule le ngün.

Chixe ibu to mohiman ilaxle ti angkya zünmok hia ding ang osabu ang pu-tsa angkya akax.

Ifüima Zang-e kaxtom koxle akax: “Chaxwannue tsom-pom hia faomüi, chongkya hixkya, oli pangwüi alaikox” -üntoxle ija ile chang.

Ifüima Zang-e kaxtom koxle akax: “Ti a zünmok füi awang ang laxkox, ilaxle zangwin a osabue awang ang laxkox.”

Ibu chix chakzing pangwüi chixe müihule le ngün.