Ayat-ayat Alkitab Ternama dari SHURAI 1

Berbagi

Süthaisü Ramai nou paoe, “Chuo maiye Etao zhuh rai hinou, Etao raibüa nou soulai khe, alia puletaoye panou khah, raohou, ae hrikhaona, vudai poudai, alia dei hi hrikhaona hrülai pei hi panou kholai.” Sükua Ramai nou lah puh zhurai hinou maiye soupeie, naotu poutu puhnou soupeie.

Alia Ramai nou puhaiye shiha peia paoe, “Rashi alao shilowo ae tya kaapaloua deiphao phoulowo alia süsü tukhalowo; alia zai hi khah, tei hi raohou ae dei hi hrikhaona hrülai pei tukhalowo” toure.

Ramai nou teideiphao soushu arai hi

deiphao hai zhai soumo hie ae sakhaia bubai hie alia hateitei hoa buyu dzüdu pei hisü maitei-a bubaie alia Ramai vei Rakosü dzüpei nou lüa bue.

Süthaisü Ramai nou “Ava bulowo” tea kharochi peie, süthaifüa ava nasü paloure.

Alia Ramai nou lah puhnou soukhai touyu teitei hai zhuposhu khasho-a veishode tea paore. Koukhe talapa shona daore- sünasü teithe arou chena-e.

Ramai nou ava nahai veia ngaoloue. Süthaisü Ramai nou ava ae azhisü souku peire

Alia Ramai nou paoe, “Zhukhaio, dei hi thoushiyu rashibe ae shira shiyu süübe teitei hai neletaoye pa toure donou Enou neletao hi peiwure.”

alia Ramai nou ava nasü hea tea sapeie alia azhi nasü khei tea sapeie. Koukhe talapa shona daore, sünasü teithe arai khanae.

Ramai nou paoe, “Dzü hinou dzüko palowo alia dzü hinou dzü kukua bulowo,” sünasü sükua buloure.

Alia resou khaona ae tei hi raohou ae pounou taitayu hrikhaona alia ssühaiyu hrikhaona, alia vupou teitei Enou puletao vei touso soure donou peiwure. Alia süsü sübüloure.

Alia Ramai nou “Hea ae khei souku loure donou tei hisü ava palowo alia sütao nou teile, teithe ae po vei shee soulowo

Alia Ramai nou “Dei hinou vupou, thoube, süübe, rashibe, ae lah kukuvei tya veishi bulowo,” tea kharochi peie. Alia sünasü sükuloure.

Sübüa Ramai nou dzüko soupeie alia dzüko pei hi buyu dzü ae dzüko khenou buyu dzü souku peie.

Dei hinou tya kukuyu vupou, thoupfüyu ae shishiyu süübe teitei paopa loue. Alia Ramai nou zhuloua veie toure.

Alia Ramai nou ava adu ahai soupeie; ava adu nasü heaki ae atai nasü kheiki khopeire donoue, Puhnou teivuh-a soupeie.

Alia Ramai nou “Teikhe hinou buyu dzütao hai buh lihi ve jülowo ae deithe palowo,” tea kharochi peie alia sünasü sükuloure. Ramai nou deithe nasü deiphao tea sapeie ae ve jüa buyu dzü nasü zai tea sapeie. Alia Ramai nou ngaoloua veie toure.

Alia Ramai nou “Hrikhaona hrülaiye sü shiha peie, ae khatao hisü tya kaapaloua zai phoulowo alia tei raohou kothou deiphao phoulowo” tea puletao hi shiha peie.

Alia Ramai nou “Lah kuku tya thaifüa kikhaorü ae pounou taitayu hrikhaona ae rekhaona hrülai dei hinou palowo” tea kharochi peie. Alia süsü sükuloure.

Alia Ramai nou “Ahrina tya tyali dzü hinou hrülowo ae tei hisü raohou khemai zhaota-a hrülowo,” tea kharochi peie.

Alia Ramai nou deiphi soukhaona ae pounou taitayu hrülai lah kuku tyasü soupeie. Alia Ramai nou zhuloua veie toure.