Ayat-ayat Alkitab Ternama dari LUKA 8

Berbagi

Lei ṭhaa mi chu hêngte hi an ni, thu chu hriaa, rilru dik leh ṭha pua, vawng tlata, bei hrâm hrâma rah chhuah tate hi an ni.

Hnimhlîngnei zînga tlate chu thu chu an hria a, a han ṭhang ve a; mahse, dam chhûng khawsak engtona leh nawmsak duhna chuan a rawn dîp a, rah puitling a chhuah ve ta lo va ni.

Pialtlêp chunga mi chu, an hriat veleh thu chu lâwm taka pawm tate hi an ni; nimahsela, zung rêng an kai lo va, rei lo tê zawng an awih mai a, thlêmna an han tâwk hlek a, an tlûksan leh mai ṭhîn.

An hnênah chuan, “Khawiah nge in rinna?” a ti a. An hlau va, mak an ti êm êm a, “He mi hi tu nge ni le? Thli leh tui lam pawh thu a pe a, an awih mai hi!” an inti hlawm a.

Kawnga mi chu thu ngaithlatute an ni, an awih lohva chhandam an nih loh nân Diabola a lo kal a, an thinlunga thu chu a lâk zawhsak ṭhîn.

Eng mah puan leh loh tûra zêp a awm lo, hriat loh tûr leh tihlan loh tûrin eng mah thuhrûk a awm hek lo.

Tin, hmeichhia chuan inthup rual a ni ta lo tih a hriatin, khûr chungin a lo kal a, a hmaah a bawkkhup a, a deh chhan leh chawplehchilha a dam tâk mai thu mi zawng zawng hmaah a hrilh ta a. Ani chuan, “Ka fanu, i rinna hi i dam phah a ni e, thlamuang takin kal rawh,” a ti a.

A hnênah an kal a, an kai tho va, “Hotupa, hotupa, kan boral dâwn e,” an ti a. Ani chu a lo tho va, thli leh tuifâwn chu a hau va; a bâng a, a reh ta ṭhuap a.