Ayat-ayat Alkitab Ternama dari LUKA 3

Berbagi

Tin, mi zawng zawngin baptisma an chang a. Isua pawhin a chang ve a, a ṭawngṭai laiin vân a lo inhawng a, Thlarau Thianghlim chu taksa neiin ṭhuro angin a chungah a lo chhuk a, “Nang, ka Fapa, ka Duhtaka chu i ni, i chungah ka lâwm êm êm e,” a rawn ti a.

Johana chuan an za-in a hrilh a, “Kei zawngin tuiin ka baptis che u a; nimahsela, kei aia ropui zâwk a lo kal dâwn a, kei hi chu a pheikhawk hrui phelh tlâk pawh ka ni lo. Ani zawngin Thlarau Thianghlim leh meiin a baptis ang che u.

In sim ngei a ni tih tilang tûrin thil ti zâwk rawh u. ‘Kan pa chu Abrahama asin,’ in lo ti rilru mai dah ang e; ka hrilh a che u, Pathian chuan hêng lung hi Abrahama thlahah a din thei asin.

Tûn apangin hreipui chu thing bul tinah an dah ta; thing eng pawh rah ṭhaa rah lo chu kiha meia tuah mai tûr a ni,” a lo ti a.

zâwlnei Isaia lehkhabua, “Thlalêra mi au aw chuan Lalpa lamlian chei ula, A kal nân kawng tluang siam rawh u. Kawr tin chhûn khah vek a ni ang a, Tlâng tin mual tin râwt hniam a ni ang. A kawite chu a lo ngîl ang a, A bumbohte chu a lo rual bawk ang. Pathian chhandamna chu mi tinin an hmu ang,” tih ziak ang khân.