God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s1">7:1-6 Kokomana Da Irari Mania Irurata!</div><div class="r">(Luk 6:37-38, 41-42)</div><div class="p"> 1Iesu agh&#225; rea, rekago egh&#225; ririe, &#8220;Rourogo, God n&#237;mane irurauve-degea rirota, mania komana irurata! 2#Mak 4:24Anada bee mo, n&#237;manda kokomana daiyagha iruraita rosora dabako aghagonu, God Afa n&#237;mane iruraita rouvie. N&#237;mane daiyagha komanada ari akuago tava egegadora aghagonu, God na n&#237;mandava tava aita rouvie.</div><div class="p"> 3Kot&#250; im&#243; dodu inda komanada dibeva susundo ijoko gerurota, ika jojabe inda dibeva vitia mo, gambi ro? 4-5Aghadu, mania enembo taubana gaa rirota, aghagago egeguturota, n&#237;manda komanadu egh&#225; regegata! &#8216;Arie, mambu, do-gea am&#243; inda dibeva susundo ijoko vitia-nu bua fugore!&#8217; N&#237;manda dibeva ika jojabe irota, agh&#225; regegadora mo, jo taubana irambi re. Taubana mo, sei n&#237;manda dibeva ika jojabe vitia-nu bua fugea, ambova n&#237;manda komanada dibeva susundo ijoko vitia-nu, isaghava gia gogh&#243; urota, bua fugaita rosoravore.</div><div class="p"> 6Mania ninodu eini-eini kakarago ututugata! Agh&#225; egegadora mo, um&#243; kaverea, im&#243; gambua kisore-kasore aita rouvie. Aghagonu, eini-eini esiko-esiko naa okadu utadora mo, nundubambi tefo vegi-vaga rouvie.#7:6 En&#225; tutunova ninoda gaga vitie, kot&#250; naa okada gaga vitie-tago gagada bee an&#225; dabako re. An&#225; evere: mania God da Gaga ningia ningambigo ea vitia enembodava ututugata! N&#250;mane injigha ea, goitu fotaita rousue. </div><div class="s1">7:7-12 Benunu Arida Gaga Re.</div><div class="r">(Luk 11:9-13)</div><div class="p"> 7Am&#243; n&#237;mandu egh&#225; raita rore. Benunu egege, utota bubugadi! Tava egege, utota bubugadi! Goi-goi dedege, n&#237;mandu bebato ifegaita rouvie! 8Anada bee mo, avona benunu ari, an&#225; buta rouvie. Um&#243; avona tava ari, an&#225; tambuta rouvie. Kot&#250; um&#243; avona goi-goi dari, und&#250; bebato ifegeta rouvie. 9N&#237;manda eta rosora-nu nundubea gigige! N&#237;manda mendi undaridu benunu adua mo, singoinu utadora? 10Aghago, um&#243; uvu okadu benunu adua mo, und&#250; ningabunu utadora? 11Avore, n&#237;mane enembo sembago re-tago, n&#237;mane eini-eini esiko-esiko n&#237;manda sasingudu ututa rosoravore. Tago, Afa uutuva vitia um&#243; taubana bee re. Amindu undava benunu eta rousua enembodava, unda vesa taubana manenu ututa rouvie. 12#Luk 6:31Agho Dari God na ririeta, Moses gefiria, kot&#250; gaga feroveta mane gefiria-da bee mo evere: enembomi n&#237;mandu daiyagha ari-du uno adora aghagonu, n&#250;mandu agh&#225; egege!&#8221;</div><div class="s1">7:13-14 Emboro Too Ijokogha Kot&#250; Too Jojabeghada Gaga Re.</div><div class="r">(Luk 13:24)</div><div class="p"> 13&#8220;Emboro ijokova ya bebato ijokova teradi rere! Anada bee mo, ivari akuago tumanadu reivia-va ya terarida emboro too, an&#225; jojabe re, kot&#250; an&#225; bebato beago jojabe re. Natofo jede anava sumbua teteruguturota, sembago tatambugeta rousue. 14Tago, jebuga tumanadu irari tambua barida emboro too an&#225; sokumako re, kot&#250; an&#225; bebato beago sokumako-gea, anava terari fakara re. Enembo orua irambi anava ya jebuga tatambugeta rousue.&#8221;</div><div class="s1">7:15-23 Irugari Gavera Kakatoda Gaga Mania Niningigata!</div><div class="r">(Luk 6:43-44; 13:25-27)</div><div class="p"> 15Iesu na ririe, &#8220;Gia gogh&#243; urota iririge! Feroveta gavera kakato n&#250;mane, oka ragaro sifi aghagago eta rousue. Tago, gaa bee re, n&#250;mane an&#225; nino akokogo aghago re. 16Ikada beenu gerurota, unda ragaro tanana aita rosoravore. Eto-bato aghagonu ika ragaro tof&#225;-tof&#225;da bee jo kuveva gambi aita roravore. O ika ragaro simbia#7:16 Eve gaga simbia reisi-rera-da isuri ari gaga dumeni Mat 21:19 da tuva vitia-nu irugadi reisi-rere. da bee jo siribava gambi aita roravore. 17Ika einida bee taubana, undita rosore, eini akuago jo undambi eta rosora aghagonu, an&#225; enembo retora-da aito fugari akuago ra, a&#297;, taubana ra, tanana aita rosoravore. 18Anada bee mo, ika taubana jo bee sembago ambi aita rouvie. Kot&#250; ika sembago jo bee taubana ambi aita rouvie. 19#Mat 3:10; Luk 3:9Ika mane bee jo taubana ambi adua, an&#225; tafugea fugota, ivari tumanadu reivia-va avo evia, sidara aita rouvie. 20#Mat 12:33Amindu rekago rere, an&#225; feroveta gavera kakato aito daiyaghago fufugegadua-nu gerurota, n&#250;mane daiyaghagoro tanana aita rosoravore.</div><div class="p"> 21Natofo jede dano avona fefera inono &#8216;Jojabee, Jojabee,&#8217; regegeta rousua-mi jo God da enembo* tumanadu kaifa eta rouvia kambesiva terambi aita rousue. Tago, um&#243; avona anda Afa uutuva vitia-da uno adua-mi, teraita rouvie. 22Afada enembo iruraita rouvia-da feferava, enembo jedemi egh&#225; regegaita rousue, &#8216;Jojabee, Jojabee, n&#225;mane inda ragarova minono rirota, taimu sembago mane enemboda tamova tuviturieta isaghava buburiturie. Kot&#250; ari-bari ivatagha urieta siroruturie,&#8217; regegaita rousue. 23#Ps 6:8Aghade, am&#243; n&#250;mandu isaghava raita rore, &#8216;Am&#243; n&#237;mane jo tanana ambi rore. N&#237;mane ari akokogo enembo reta, seserige!&#8217;&#8221; ririe.</div><div class="s1">7:24-29 Iesu Na, Kambo Itari Kakato Ungaghada Kasia Gaga Riria Re.</div><div class="r">(Luk 6:47-49)</div><div class="p"> 24&#8220;Amindu enembo avona anda gaga ningia, ivatava ititigadua, n&#250;mane an&#225; emb&#243; eini neno nundubea gogh&#243; urota, unda kambo singoi etova itia aghago re. 25Agh&#225; etueta, boruma jojabe vovorueta, yaura jojabe sumbua kambova fufieta, kot&#250; uria-mi afamegea, roo mandugea vore etie-tago an&#225; kambo jo gofegea jurambi re. Anada bee mo, an&#225; kambo singoi etova itari vita. 26At&#225; anda gaga ningia, jo ivatava itambi egegadua enembo, n&#250;mane an&#225; emb&#243; eini jo neno nundubea gogh&#243; ambi urota, kambo mangosava itia, aghago re. 27Boruma jojabe vovorueta, yaura jojabe sumbua, kambova fufieta, uria-mi afamengea, roo mandugea vore etia, an&#225; kambo fumbieta gofegea jua, ero jojabe retue,&#8221;</div><div class="p"> 28 # 
 Mak 1:22; Luk 4:32 Iesu en&#225; gaga mane rea sidara uria aghade, natofo jede avo desea vitiria-mi unda irugari uria-nu niningigea, duduku-dadaka egeguturie. 29Anada bee mo, Iesu um&#243; gaa bee nuenembo anogha irugutuaveta, n&#250;mane itatama egegeta urie. Jo Moses da Gaga Irugari kakatoda* gaga irugeta rousua aghago, rambi re.</div>
 </div>
 </div>
</div>

Iesu aghá rea, rekago eghá ririe, “Rourogo, God nímane irurauve-degea rirota, mania komana irurata! Anada bee mo, nímanda kokomana daiyagha iruraita rosora dabako aghagonu, God Afa nímane iruraita rouvie. Nímane daiyagha komanada ari akuago tava egegadora aghagonu, God na nímandava tava aita rouvie.
Kotú imó dodu inda komanada dibeva susundo ijoko gerurota, ika jojabe inda dibeva vitia mo, gambi ro? Aghadu, mania enembo taubana gaa rirota, aghagago egeguturota, nímanda komanadu eghá regegata! ‘Arie, mambu, do-gea amó inda dibeva susundo ijoko vitia-nu bua fugore!’ Nímanda dibeva ika jojabe irota, aghá regegadora mo, jo taubana irambi re. Taubana mo, sei nímanda dibeva ika jojabe vitia-nu bua fugea, ambova nímanda komanada dibeva susundo ijoko vitia-nu, isaghava gia goghó urota, bua fugaita rosoravore.
Mania ninodu eini-eini kakarago ututugata! Aghá egegadora mo, umó kaverea, imó gambua kisore-kasore aita rouvie. Aghagonu, eini-eini esiko-esiko naa okadu utadora mo, nundubambi tefo vegi-vaga rouvie.


Amó nímandu eghá raita rore. Benunu egege, utota bubugadi! Tava egege, utota bubugadi! Goi-goi dedege, nímandu bebato ifegaita rouvie! Anada bee mo, avona benunu ari, aná buta rouvie. Umó avona tava ari, aná tambuta rouvie. Kotú umó avona goi-goi dari, undú bebato ifegeta rouvie. Nímanda eta rosora-nu nundubea gigige! Nímanda mendi undaridu benunu adua mo, singoinu utadora? Aghago, umó uvu okadu benunu adua mo, undú ningabunu utadora? Avore, nímane enembo sembago re-tago, nímane eini-eini esiko-esiko nímanda sasingudu ututa rosoravore. Tago, Afa uutuva vitia umó taubana bee re. Amindu undava benunu eta rousua enembodava, unda vesa taubana manenu ututa rouvie. Agho Dari God na ririeta, Moses gefiria, kotú gaga feroveta mane gefiria-da bee mo evere: enembomi nímandu daiyagha ari-du uno adora aghagonu, númandu aghá egege!”


“Emboro ijokova ya bebato ijokova teradi rere! Anada bee mo, ivari akuago tumanadu reivia-va ya terarida emboro too, aná jojabe re, kotú aná bebato beago jojabe re. Natofo jede anava sumbua teteruguturota, sembago tatambugeta rousue. Tago, jebuga tumanadu irari tambua barida emboro too aná sokumako re, kotú aná bebato beago sokumako-gea, anava terari fakara re. Enembo orua irambi anava ya jebuga tatambugeta rousue.”


Iesu na ririe, “Gia goghó urota iririge! Feroveta gavera kakato númane, oka ragaro sifi aghagago eta rousue. Tago, gaa bee re, númane aná nino akokogo aghago re. Ikada beenu gerurota, unda ragaro tanana aita rosoravore. Eto-bato aghagonu ika ragaro tofá-tofáda bee jo kuveva gambi aita roravore. O ika ragaro simbia da bee jo siribava gambi aita roravore. Ika einida bee taubana, undita rosore, eini akuago jo undambi eta rosora aghagonu, aná enembo retora-da aito fugari akuago ra, aĩ, taubana ra, tanana aita rosoravore. Anada bee mo, ika taubana jo bee sembago ambi aita rouvie. Kotú ika sembago jo bee taubana ambi aita rouvie. Ika mane bee jo taubana ambi adua, aná tafugea fugota, ivari tumanadu reivia-va avo evia, sidara aita rouvie. Amindu rekago rere, aná feroveta gavera kakato aito daiyaghago fufugegadua-nu gerurota, númane daiyaghagoro tanana aita rosoravore.
Natofo jede dano avona fefera inono ‘Jojabee, Jojabee,’ regegeta rousua-mi jo God da enembo* tumanadu kaifa eta rouvia kambesiva terambi aita rousue. Tago, umó avona anda Afa uutuva vitia-da uno adua-mi, teraita rouvie. Afada enembo iruraita rouvia-da feferava, enembo jedemi eghá regegaita rousue, ‘Jojabee, Jojabee, námane inda ragarova minono rirota, taimu sembago mane enemboda tamova tuviturieta isaghava buburiturie. Kotú ari-bari ivatagha urieta siroruturie,’ regegaita rousue. Aghade, amó númandu isaghava raita rore, ‘Amó nímane jo tanana ambi rore. Nímane ari akokogo enembo reta, seserige!’” ririe.


“Amindu enembo avona anda gaga ningia, ivatava ititigadua, númane aná embó eini neno nundubea goghó urota, unda kambo singoi etova itia aghago re. Aghá etueta, boruma jojabe vovorueta, yaura jojabe sumbua kambova fufieta, kotú uria-mi afamegea, roo mandugea vore etie-tago aná kambo jo gofegea jurambi re. Anada bee mo, aná kambo singoi etova itari vita. Atá anda gaga ningia, jo ivatava itambi egegadua enembo, númane aná embó eini jo neno nundubea goghó ambi urota, kambo mangosava itia, aghago re. Boruma jojabe vovorueta, yaura jojabe sumbua, kambova fufieta, uria-mi afamengea, roo mandugea vore etia, aná kambo fumbieta gofegea jua, ero jojabe retue,”
Iesu ená gaga mane rea sidara uria aghade, natofo jede avo desea vitiria-mi unda irugari uria-nu niningigea, duduku-dadaka egeguturie. Anada bee mo, Iesu umó gaa bee nuenembo anogha irugutuaveta, númane itatama egegeta urie. Jo Moses da Gaga Irugari kakatoda* gaga irugeta rousua aghago, rambi re.

Dengarkan Matyu 7