Nkoya - 2010 Edition (NT) Drama

<div class="version vid3091 iso6393nka" data-vid="3091" data-iso6393="nka">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">Yeshu na Nikondema</div><div class="p"> 1Kwekalile mulume umo wa bakulwane ba Bayunda, lizina lyendi Nikondema, ou wengile wa kazunga ka Bafwalishi. 2Wayile kuli Yeshu wushiku, pe wakambile ngayi, &#8220;Labi, tukulimuka ngayi uli mulongeshi wakufuma kuli Nyambi, ndaba kowa muntu ukutwesha kutenda bilimukisho ebye ukutenda ndele Nyambi ekale nendi hamo.&#8221;</div><div class="p"> 3Yeshu wamukumbwile ngayi, &#8220;Mwa shikuma nikwamba kukwobe ngayi, kowa muntu ukutwesha ku mona Wene wa Nyambi ndele ahemuwe kawubili.&#8221;</div><div class="p"> 4Nikondema wamwipwile ngayi, &#8220;Kati muntu ukutwesha nahiti kuhemuwa kabili ndi niye wakulakale? Kati ukutwesha kwingina ka wubili mu livumo lya mandiyendi ngayi ahemuwe kami ndi?&#8221;</div><div class="p"> 5Yeshu wakumbwile ngayi, &#8220;Mwa shikuma nikwamba kukwobe ngayi, ndele muntu ahemuwe ku mema na Moyo, kutwesha kwingina mu Wene wa Nyambi wufwako. 6Eshe shikuhemuwa ku wuntu shenga wuntu, kami eshe shikuhemuwa ku Moyo shenga Moyo. 7Hinga ukomoka oho namba kukwobe ngayi, &#8216;Uku fwanina kuhemuwa kabili.&#8217; 8Mpepo yikupepokela oku yikushinga, kami ukuyuvwa mungunina wayo, ngoboni kutwesha kulimuka oku yikufuma noku yikuya wufwako. Pe nisho shili ku muntu nimwendi ukuhemuwa ku Moyo.&#8221;</div><div class="p"> 9Nikondema wamwipwile ngayi, &#8220;Kati eshe shikenga nahiti?&#8221;</div><div class="p"> 10Yeshu wamukumbwile ngayi, &#8220;Nka obe uli mulongeshi wamunene wa Ishalela, kati kami kulimuka eshe wufwako ndi? 11Mwa shikuma nikwamba kukwobe ngayi, tukwamba ebye tukulimuka na kupaka ebye tunamono, ngoboni enu kutambula wupaki wetu mufwako. 12Ndi kukulupila oho nikukutongweza byuma bya hano hanci wufwako, pe ukakulupila nahiti oho nikakutongweza byuma bya muyilu? 13Kowa muntu waya kuyilu, ndele niye wafumine kuyilu, niye Mwana Muntu. 14#Kul 21:9. Nehi Moshesha apatikile liyoka lya kutendiwa ha lubemba mu libelelengwa nahiyo Mwana Muntu uku fwanina kupatikiwa, 15ngayi muntu nimwendi ukukulupila mumwendi ekale na wumi wa mwaya myaka.&#8221; 16Ndaba Nyambi wahakile bakakaye shikuma niho apanikile Mwanendi umo pele ngayi nimwendi ou ukukulupila mumwendi kukanonga wufwako, ngoboni ekale na wumi wa mwaya myaka. 17Ndaba Nyambi watumine mwanendi mu kaye kaliha mu kuyata bakakaye, ngoboni ngayi abapulwishe mumwendi.</div><div class="p"> 18Nimwendi ukukulupila muli Mwana, kuyatiwa wufwako, ngoboni ou ukubula kukulupila, wayatiwakale, ndaba unabulu kukulupila mu lizina lya Mwana Nyambi umo pele. 19Oku nikwo kuyata, ngayi lumuni lunezi mu kaye, ngoboni bantu bahakile mincimpwe kupitakana lumuni, ndaba milimo yabo yengile yayibi. 20Nimwendi mukakutenda wubi wazimba lumuni, kami kwiza ku lumuni wufwako, kutina milimo yendi yimoneka. 21Ngoboni nimwendi ukutenda bya kupwisha ukwiza ku lumuni, ngayi milimo yendi ya kwombatala Nyambi yimoneke.</div><div class="s1">Yeshu na Yowano</div><div class="p"> 22Munyima yanebye, Yeshu na bandongesha bendi bayile ku litunga lya Yundeya, wekalile hamo nabo kuyo na kuzubilisha. 23Na Yowano kami wazubilishilenga mu Anoni hahepi na Shalimi, ndaba kwekalile mema amengi. Bantu bezilenga na kuzubilishiwa. 24#Mat 14:3; Mako 6:17; Luka 3:19-20. Eshe shatendiwile oho Yowano shilolo ayakiwe mu tolongo.</div><div class="p"> 25Niho kwekalile nkani mukati ka bandongesha ba Yowano na Kayunda ha biheka bya kuyowela. 26Bezile kuli Yowano, pe bambile kukwendi ngayi, &#8220;Mulongeshi, uya muntu wekalile nendi mu nciza ya Yondana, ou obe wapakile, uli na kuzubilisha, kami bantu nimwabo bali na kuya kukwendi!&#8221;</div><div class="p"> 27Yowano wakumbwile ngayi, &#8220;Kowa muntu ukutwesha kutambula shuma ndele apanikiwesho kuyilu. 28#Yowa 1:20. Enu muli bapaki bami ngonehe nambile ngayi, &#8216;Ami kaliha nili Kilishitu, ngoboni ami natumiwile kumbili yendi.&#8217; 29Mukakuyeka niye mwine mwenga. Ngoboni muhoni wa mukakuyeka ukwimana na kuyuvwilila, uku wahilila shikuma oho akuyuvwa lizu lya mukakuyeka. Nohobene oku nikwo ku wahilila kwami kwakunene. 30Nohobene niye nafwanini kutumbalala, ngoboni ami niku fwanina kushepa.&#8221;</div><div class="s1">Ou ukufuma kuyilu</div><div class="p"> 31Ou ukufuma kuyilu, unapitakana nimwabo. Ou ukufuma hanci, wenga wa hanci, kami ukwamba bya hanci. Ngoboni ou ukufuma kuyilu uli hayilu ya nimwabo. 32Ukupaka ebye anamono na kuyuvwa, ngoboni kowa muntu ukutambula wupaki wendi. 33Muntu ukutambula wupaki wendi ukupaka ngayi Nyambi wa kupwisha. 34Ou anatumu Nyambi ukwamba mazu a Nyambi, ndaba Nyambi ukumupanika Moyo wendi wakwinzala. 35#Mat 11:27; Luka 10:22. Tate uku haka Mwanendi, kami unapana byuma nimwabyo mu maboko wendi. 36Nimwendi ukukulupila muli Mwana uli na wumi wa mwaya myaka, ngoboni nimwendi ukubula kukulupila muli Mwana, kukamona wumi wufwako, ndaba wukali wa Nyambi uli hahendi.</div>
 </div>
 </div>
</div>

Libuka Lya Kuyela © Bible Society of Zambia, 2020.

Kwekalile mulume umo wa bakulwane ba Bayunda, lizina lyendi Nikondema, ou wengile wa kazunga ka Bafwalishi. Wayile kuli Yeshu wushiku, pe wakambile ngayi, “Labi, tukulimuka ngayi uli mulongeshi wakufuma kuli Nyambi, ndaba kowa muntu ukutwesha kutenda bilimukisho ebye ukutenda ndele Nyambi ekale nendi hamo.”
Yeshu wamukumbwile ngayi, “Mwa shikuma nikwamba kukwobe ngayi, kowa muntu ukutwesha ku mona Wene wa Nyambi ndele ahemuwe kawubili.”
Nikondema wamwipwile ngayi, “Kati muntu ukutwesha nahiti kuhemuwa kabili ndi niye wakulakale? Kati ukutwesha kwingina ka wubili mu livumo lya mandiyendi ngayi ahemuwe kami ndi?”
Yeshu wakumbwile ngayi, “Mwa shikuma nikwamba kukwobe ngayi, ndele muntu ahemuwe ku mema na Moyo, kutwesha kwingina mu Wene wa Nyambi wufwako. Eshe shikuhemuwa ku wuntu shenga wuntu, kami eshe shikuhemuwa ku Moyo shenga Moyo. Hinga ukomoka oho namba kukwobe ngayi, ‘Uku fwanina kuhemuwa kabili.’ Mpepo yikupepokela oku yikushinga, kami ukuyuvwa mungunina wayo, ngoboni kutwesha kulimuka oku yikufuma noku yikuya wufwako. Pe nisho shili ku muntu nimwendi ukuhemuwa ku Moyo.”
Nikondema wamwipwile ngayi, “Kati eshe shikenga nahiti?”
Yeshu wamukumbwile ngayi, “Nka obe uli mulongeshi wamunene wa Ishalela, kati kami kulimuka eshe wufwako ndi? Mwa shikuma nikwamba kukwobe ngayi, tukwamba ebye tukulimuka na kupaka ebye tunamono, ngoboni enu kutambula wupaki wetu mufwako. Ndi kukulupila oho nikukutongweza byuma bya hano hanci wufwako, pe ukakulupila nahiti oho nikakutongweza byuma bya muyilu? Kowa muntu waya kuyilu, ndele niye wafumine kuyilu, niye Mwana Muntu. Nehi Moshesha apatikile liyoka lya kutendiwa ha lubemba mu libelelengwa nahiyo Mwana Muntu uku fwanina kupatikiwa, ngayi muntu nimwendi ukukulupila mumwendi ekale na wumi wa mwaya myaka.” Ndaba Nyambi wahakile bakakaye shikuma niho apanikile Mwanendi umo pele ngayi nimwendi ou ukukulupila mumwendi kukanonga wufwako, ngoboni ekale na wumi wa mwaya myaka. Ndaba Nyambi watumine mwanendi mu kaye kaliha mu kuyata bakakaye, ngoboni ngayi abapulwishe mumwendi.
Nimwendi ukukulupila muli Mwana, kuyatiwa wufwako, ngoboni ou ukubula kukulupila, wayatiwakale, ndaba unabulu kukulupila mu lizina lya Mwana Nyambi umo pele. Oku nikwo kuyata, ngayi lumuni lunezi mu kaye, ngoboni bantu bahakile mincimpwe kupitakana lumuni, ndaba milimo yabo yengile yayibi. Nimwendi mukakutenda wubi wazimba lumuni, kami kwiza ku lumuni wufwako, kutina milimo yendi yimoneka. Ngoboni nimwendi ukutenda bya kupwisha ukwiza ku lumuni, ngayi milimo yendi ya kwombatala Nyambi yimoneke.

Munyima yanebye, Yeshu na bandongesha bendi bayile ku litunga lya Yundeya, wekalile hamo nabo kuyo na kuzubilisha. Na Yowano kami wazubilishilenga mu Anoni hahepi na Shalimi, ndaba kwekalile mema amengi. Bantu bezilenga na kuzubilishiwa. Eshe shatendiwile oho Yowano shilolo ayakiwe mu tolongo.
Niho kwekalile nkani mukati ka bandongesha ba Yowano na Kayunda ha biheka bya kuyowela. Bezile kuli Yowano, pe bambile kukwendi ngayi, “Mulongeshi, uya muntu wekalile nendi mu nciza ya Yondana, ou obe wapakile, uli na kuzubilisha, kami bantu nimwabo bali na kuya kukwendi!”
Yowano wakumbwile ngayi, “Kowa muntu ukutwesha kutambula shuma ndele apanikiwesho kuyilu. Enu muli bapaki bami ngonehe nambile ngayi, ‘Ami kaliha nili Kilishitu, ngoboni ami natumiwile kumbili yendi.’ Mukakuyeka niye mwine mwenga. Ngoboni muhoni wa mukakuyeka ukwimana na kuyuvwilila, uku wahilila shikuma oho akuyuvwa lizu lya mukakuyeka. Nohobene oku nikwo ku wahilila kwami kwakunene. Nohobene niye nafwanini kutumbalala, ngoboni ami niku fwanina kushepa.”

Ou ukufuma kuyilu, unapitakana nimwabo. Ou ukufuma hanci, wenga wa hanci, kami ukwamba bya hanci. Ngoboni ou ukufuma kuyilu uli hayilu ya nimwabo. Ukupaka ebye anamono na kuyuvwa, ngoboni kowa muntu ukutambula wupaki wendi. Muntu ukutambula wupaki wendi ukupaka ngayi Nyambi wa kupwisha. Ou anatumu Nyambi ukwamba mazu a Nyambi, ndaba Nyambi ukumupanika Moyo wendi wakwinzala. Tate uku haka Mwanendi, kami unapana byuma nimwabyo mu maboko wendi. Nimwendi ukukulupila muli Mwana uli na wumi wa mwaya myaka, ngoboni nimwendi ukubula kukulupila muli Mwana, kukamona wumi wufwako, ndaba wukali wa Nyambi uli hahendi.

Dengarkan Yowano 3