Chisena - 2002 MWI (NT) Drama

<div class="version vid2973 iso6393swk" data-vid="2973" data-iso6393="swk">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Mafala asanduka munthu</div><div class="p"> 1Dziko yapansi mbidzati lengwa mbodzi wakuchemerwa Mafala akhalipo kale. Mafalayo akhali na Mulungu, pontho iyeyo akhali Mulungu ene. 2Iye akhali na Mulungu pakutomaletu.</div><div class="p"> 3Kudzera muna iye Mulungu adalenga pinthu pyonsene. Iye mbadakhonda khalapo, nee chinthu na chibodzi chene mbachidalengwa tayu. 4Iye ndi mwenechiro moyo,#1.4 Iye ndi mwenechiro moyo: penu Pinthu pidasasanywa pikhali na moyo mukuphatanizana na Mafala. tenepo moyowo udadzesa cheza kuna anthu. 5Chezacho chimbamwinikira mumdima, mbwenye mdima wachimwana kuthimisa chezacho.</div><div class="p"> 6Mulungu adatuma munthu unango nyamphangwa, dzinache Yohani.#Mt. 3.1; Mk. 1.4; Lk. 3.1, 2. 7Iye adadza dzachitira umboni kuna anthu pya chezacho, towera anthu onsene ave mphangwa mbakhulupira. 8Yohaniyo hakhali cheza tayu, mbwenye adadza kwene dzachitira umboni pya chezacho. 9Cheza chadi-chadi chimbamwinikira anthu onsene chile chikhadza padziko yapansi.</div><div class="p"> 10Mafalayo akhali padziko yapansi pano. Podi kwene kuti Mulungu adalenga dziko yapansi kudzera muna iyeyo, anthu a pansi pano hadamdzindikire tayu. 11Iye adadza kuna dzinzache ene, mbwenye anthu a dzinzache adakhonda kumtambira. 12Kwache onsene adamtambira mbamkhulupira ale, iye adaapasa utongi kusanduka ana a Mulungu. 13Iwo adasanduka ana a Mulungu nee pakuchita kubalwa sasawa ninga mumbabalirwa ana thangwi ya kupifuna kwa munthu tayu, mbwenye adabalwa na Mulungu.</div><div class="p"> 14Mafalayo adasanduka munthu mbakhazikika pakati pathu wakukoma mtima pikulu pontho wakuonadi monsene mwene. Tidaona demelero yache, demelero ile yakuthemera Mwana mbodzi yekha wa Baba.</div><div class="p"> 15Yohani adachitira umboni pya iye mbalalika mbati, &#8220;Munthu akhalonga ine ngweneyu, pikhalonga ine kuti, &#8216;Iye akudza m'nduli mwanga, mbwenye iye ngwamkulu kupiringana ine, thangwi iye akhalipo kale ine mbandidzati balwa.&#8217; &#8221;</div><div class="p"> 16Na kukoma kwache mtima kukulu, iye adatitsanzayisa tonsene pakutipasa mtsanzayiso mwakutsagana. 17Mulungu adapereka mwambo kudzera muna Mose, mbwenye adapereka kukoma mtima, pontho pyakuonadi kudzera muna Yesu Khristu. 18Chipo nee mbodzi aona Mulungu tayu, mbwenye Mwana mbodzi yekha, ule ndi Mulungu, pontho wapamtima wa Baba, achitisa kuti iye adziwike.</div><div class="s">Umboni wa Yohani Nyakubatiza</div><div class="r">(Mt. 3.1-12; Mk. 1.1-8; Lk. 3.1-18)</div><div class="p"> 19Wenewu ngumboni wa Yohani Nyakubatiza kuna akadamu a Chiyuda a mu Yerusalemu, pidatuma iwo a nyansembe na Alevi kuna Yohani, kamvunza mbati, &#8220;Iwe ndiwe ani?&#8221; 20Iye hadakhonde tawira tayu, mbwenye adaatawira mwakuveka mbati, &#8220;Ine si ine tayu.&#8221;</div><div class="p"> 21Iwo adamvunza mbati, &#8220;Ndiwe ani, mphapo? Ayi ndiwe Elia?&#8221;</div><div class="p">Yohani adatawira mbati, &#8220;Tayu, si ine Elia tayu.&#8221;</div><div class="p">Iwo adamvunza pontho mbati, &#8220;Ayi ndiwe Mprofeti?&#8221;</div><div class="p">Yohani adatawira mbati, &#8220;Tayu.&#8221;#Deut. 18.15, 18; Mal. 4.5.</div><div class="p"> 22Iwo adalonga mbati, &#8220;Mphapo, ngatipangetu, ndiwe ani? Tinafuna tikapange adatituma ale. Iwe umbapilonga kuti ndiwe ani?&#8221;</div><div class="p"> 23Yohani adaatawira pakulonga mafala adalembwa m'bukhu ya mprofeti Yesaya kuti,</div><div class="q">&#8220;Ndine fala ya munthu unango akukhuwa m'thando yatchetcha ule kuti,</div><div class="q">&#8216;Ndendemezani njira towera Mbuya afambemo!&#8217; &#8221;#Yes. 40.3.</div><div class="p"> 24Amuna akhadatumwa na Afarisi ale, 25adavunza Yohani mbati, &#8220;Ngakhala si iwe Khristu, penu Elia, penu Mprofeti tayu, mphapo umbabatiziranji?&#8221;</div><div class="p"> 26Yohani adatawira mbati, &#8220;Ine ndimbabatiza na madzi, mbwenye pakati panu pana unango anakhonda imwe dzindikira. 27Iye akudza m'nduli mwanga, kwache ine sidatheme na kusudzula kwene nkhwaira zache tayu.&#8221;</div><div class="p"> 28Pyonsenepi pidachitika kuluwani ya Betania kukhundu ya kumabulukiro dzuwa a mkulo wa Yorodani, kule kukhabatiza Yohani.</div><div class="s">Yesu ndi mwanabira wa Mulungu</div><div class="p"> 29Mangwana mwache Yohani adaona Yesu akudza kuna iye. Natenepo adalonga mbati, &#8220;Ngayang'anani, ngweneyu Mwanabira wa Mulungu nyakubulusa pyakudawa pya anthu a padziko yapansi! 30Munthu akhalonga ine ngweneyu, pikhalonga ine kuti, &#8216;Munthu unango akudza m'nduli mwanga, kwache iye ngwamkulu kupiringana ine, thangwi ine mbandidzati balwa iye akhalipo kale.&#8217; 31Na ine ene ndikhapidziwa tayu kuti iye mbani, mbwenye ndidadza dzabatiza na madzi, towera anthu a ku Israele amdziwe.&#8221;</div><div class="p"> 32Tenepo Yohani adachitira umboni ufu: &#8220;Ndidaona Mzimu Wakuchena akutchitha kudzulu ninga nkhangaiwa mbakhala pana iye. 33Ine mbandidamdziwa tayu kuti ndiye ene, mbwenye Mulungu, adandituma dzabatiza na madzi ule, adalonga kuna ine mbati, &#8216;Ungaona Mzimu Wakuchena akutchitha mbakhala pana iye, ngweneyo ene nyakubatiza na Mzimu Wakuchena.&#8217; &#8221; 34Yohani adalonga mbati, &#8220;Ine ndapiona, tenepo ndikuchitira umboni kuti iye ndi Mwana Mulungu.&#8221;</div><div class="s">Anyakufunza akutoma a Yesu</div><div class="p"> 35Mangwana mwache Yohani na awiri mwa anyakufunzache akhali pontho penepo. 36Pidaona iye Yesu akugwanda na penepo, adalonga mbati, &#8220;Ngayang'anani ngweneyu Mwanabira wa Mulungu!&#8221;</div><div class="p"> 37Anyakufunza awiri ale adamva akulonga penepi, tenepo iwo adatewera Yesu. 38Yesu adazungunuka mbaaona akumtewera mbavunza mbati, &#8220;Munasakanji?&#8221;</div><div class="p">Iwo adamtawira mbati, &#8220;Mumbakhala kupi, Rabi?&#8221; (Rabi nkhulonga kuti &#8220;Mfunzisi.&#8221;)</div><div class="p"> 39Yesu adatawira mbati, &#8220;Tendeni mukaoneko.&#8221; Ndzidzi ukhali ora yachinayi na mawulo. Natenepo iwo adenda naye kaona kukhakhala iye, mbakhala naye kweneko nsiku yonseneyo.</div><div class="p"> 40Mbodzi wa awiriwo akhali Andrea, mbaleache Simoni Peturo. 41Kabodzi kene iye adagumana mbaleache Simoni mbampanga mbati, &#8220;Tamgumana Mesia.&#8221; Mesia, m'Chiheberi nkhulonga kuti &#8220;Khristu.&#8221; 42Tenepo iye adenda na Simoniyo kuna Yesu.</div><div class="p">Yesu adamuyang'ana mbalonga mbati, &#8220;Dzinako ndiwe Simoni, mwana Yohani, mbwenye chinchino unachemerwa Kefa.&#8221; Dzina yeneyi ndi sasawa na Peturo, kulonga kuti &#8220;Mwala.&#8221;</div><div class="s">Yesu achemera Filipi na Natanaele</div><div class="p"> 43Mangwana mwache Yesu adanyerezera pyakwenda ku Galilea. Iye adagumana Filipi mbalonga kuna iye mbati, &#8220;Nditewere!&#8221; 44Filipi akhali wa ku Betesaida kuluwani kukhakhala Andrea na Peturo kule. 45Filipi adagumana Natanaele mbampanga mbati, &#8220;Tamgumana adalembwa na Mose m'bukhu ya mwambo ule, pontho pyache pidalembwa na Maprofeti ule. Iye ndi Yesu wa kuluwani ya Nazareti, mwana Yosefe.&#8221;</div><div class="p"> 46Natanaele adavunza mbati, &#8220;Ayi ku Nazareti nkhubulukirambo chinthu chadidi?&#8221;</div><div class="p">Filipi adatawira mbati, &#8220;Tende ukapione wekha.&#8221;</div><div class="p"> 47Pidaona Yesu kuti Natanaele akudza kuna iye, adalonga pya iye mbati, &#8220;Uyu ndi Muisraele chadi-chadi; muna iye nkhabe pyakunama.&#8221;</div><div class="p"> 48Natanaele adamvunza mbati, &#8220;Mwandidziwa tani?&#8221;</div><div class="p">Yesu adatawira mbati, &#8220;Ndidakuona pikhali iwe pamuti wamkuyu, Filipi mbadzati kukuchemera.&#8221;</div><div class="p"> 49Natanaele adatawira mbati, &#8220;Mfunzisi, imwe ndimwe Mwana Mulungu. Ndimwe Mfumu wa Israele.&#8221;</div><div class="p"> 50Yesu adalonga mbati, &#8220;Kadi iwe ukukhulupira thangwi ndakupanga kuti ndidakuona pamuti wamkuyu? Iwe unati uone pinthu pikulu kupiringana penepi!&#8221; 51Tenepo adalonga kuna iwo mbati, &#8220;Ndikukupangani pyakuonadi kuti imwe munaona kudzulu kwafunguka, pontho angelo a Mulungu akukwira na kutchitha na pana Mwana Munthu.&#8221;#Kut. 28.12.</div>
 </div>
 </div>
</div>

Dziko yapansi mbidzati lengwa mbodzi wakuchemerwa Mafala akhalipo kale. Mafalayo akhali na Mulungu, pontho iyeyo akhali Mulungu ene. Iye akhali na Mulungu pakutomaletu.
Kudzera muna iye Mulungu adalenga pinthu pyonsene. Iye mbadakhonda khalapo, nee chinthu na chibodzi chene mbachidalengwa tayu. Iye ndi mwenechiro moyo, tenepo moyowo udadzesa cheza kuna anthu. Chezacho chimbamwinikira mumdima, mbwenye mdima wachimwana kuthimisa chezacho.
Mulungu adatuma munthu unango nyamphangwa, dzinache Yohani. Iye adadza dzachitira umboni kuna anthu pya chezacho, towera anthu onsene ave mphangwa mbakhulupira. Yohaniyo hakhali cheza tayu, mbwenye adadza kwene dzachitira umboni pya chezacho. Cheza chadi-chadi chimbamwinikira anthu onsene chile chikhadza padziko yapansi.
Mafalayo akhali padziko yapansi pano. Podi kwene kuti Mulungu adalenga dziko yapansi kudzera muna iyeyo, anthu a pansi pano hadamdzindikire tayu. Iye adadza kuna dzinzache ene, mbwenye anthu a dzinzache adakhonda kumtambira. Kwache onsene adamtambira mbamkhulupira ale, iye adaapasa utongi kusanduka ana a Mulungu. Iwo adasanduka ana a Mulungu nee pakuchita kubalwa sasawa ninga mumbabalirwa ana thangwi ya kupifuna kwa munthu tayu, mbwenye adabalwa na Mulungu.
Mafalayo adasanduka munthu mbakhazikika pakati pathu wakukoma mtima pikulu pontho wakuonadi monsene mwene. Tidaona demelero yache, demelero ile yakuthemera Mwana mbodzi yekha wa Baba.
Yohani adachitira umboni pya iye mbalalika mbati, “Munthu akhalonga ine ngweneyu, pikhalonga ine kuti, ‘Iye akudza m'nduli mwanga, mbwenye iye ngwamkulu kupiringana ine, thangwi iye akhalipo kale ine mbandidzati balwa.’ ”
Na kukoma kwache mtima kukulu, iye adatitsanzayisa tonsene pakutipasa mtsanzayiso mwakutsagana. Mulungu adapereka mwambo kudzera muna Mose, mbwenye adapereka kukoma mtima, pontho pyakuonadi kudzera muna Yesu Khristu. Chipo nee mbodzi aona Mulungu tayu, mbwenye Mwana mbodzi yekha, ule ndi Mulungu, pontho wapamtima wa Baba, achitisa kuti iye adziwike.


Wenewu ngumboni wa Yohani Nyakubatiza kuna akadamu a Chiyuda a mu Yerusalemu, pidatuma iwo a nyansembe na Alevi kuna Yohani, kamvunza mbati, “Iwe ndiwe ani?” Iye hadakhonde tawira tayu, mbwenye adaatawira mwakuveka mbati, “Ine si ine tayu.”
Iwo adamvunza mbati, “Ndiwe ani, mphapo? Ayi ndiwe Elia?”
Yohani adatawira mbati, “Tayu, si ine Elia tayu.”
Iwo adamvunza pontho mbati, “Ayi ndiwe Mprofeti?”
Yohani adatawira mbati, “Tayu.”
Iwo adalonga mbati, “Mphapo, ngatipangetu, ndiwe ani? Tinafuna tikapange adatituma ale. Iwe umbapilonga kuti ndiwe ani?”
Yohani adaatawira pakulonga mafala adalembwa m'bukhu ya mprofeti Yesaya kuti,
“Ndine fala ya munthu unango akukhuwa m'thando yatchetcha ule kuti,
‘Ndendemezani njira towera Mbuya afambemo!’ ”
Amuna akhadatumwa na Afarisi ale, adavunza Yohani mbati, “Ngakhala si iwe Khristu, penu Elia, penu Mprofeti tayu, mphapo umbabatiziranji?”
Yohani adatawira mbati, “Ine ndimbabatiza na madzi, mbwenye pakati panu pana unango anakhonda imwe dzindikira. Iye akudza m'nduli mwanga, kwache ine sidatheme na kusudzula kwene nkhwaira zache tayu.”
Pyonsenepi pidachitika kuluwani ya Betania kukhundu ya kumabulukiro dzuwa a mkulo wa Yorodani, kule kukhabatiza Yohani.

Mangwana mwache Yohani adaona Yesu akudza kuna iye. Natenepo adalonga mbati, “Ngayang'anani, ngweneyu Mwanabira wa Mulungu nyakubulusa pyakudawa pya anthu a padziko yapansi! Munthu akhalonga ine ngweneyu, pikhalonga ine kuti, ‘Munthu unango akudza m'nduli mwanga, kwache iye ngwamkulu kupiringana ine, thangwi ine mbandidzati balwa iye akhalipo kale.’ Na ine ene ndikhapidziwa tayu kuti iye mbani, mbwenye ndidadza dzabatiza na madzi, towera anthu a ku Israele amdziwe.”
Tenepo Yohani adachitira umboni ufu: “Ndidaona Mzimu Wakuchena akutchitha kudzulu ninga nkhangaiwa mbakhala pana iye. Ine mbandidamdziwa tayu kuti ndiye ene, mbwenye Mulungu, adandituma dzabatiza na madzi ule, adalonga kuna ine mbati, ‘Ungaona Mzimu Wakuchena akutchitha mbakhala pana iye, ngweneyo ene nyakubatiza na Mzimu Wakuchena.’ ” Yohani adalonga mbati, “Ine ndapiona, tenepo ndikuchitira umboni kuti iye ndi Mwana Mulungu.”

Mangwana mwache Yohani na awiri mwa anyakufunzache akhali pontho penepo. Pidaona iye Yesu akugwanda na penepo, adalonga mbati, “Ngayang'anani ngweneyu Mwanabira wa Mulungu!”
Anyakufunza awiri ale adamva akulonga penepi, tenepo iwo adatewera Yesu. Yesu adazungunuka mbaaona akumtewera mbavunza mbati, “Munasakanji?”
Iwo adamtawira mbati, “Mumbakhala kupi, Rabi?” (Rabi nkhulonga kuti “Mfunzisi.”)
Yesu adatawira mbati, “Tendeni mukaoneko.” Ndzidzi ukhali ora yachinayi na mawulo. Natenepo iwo adenda naye kaona kukhakhala iye, mbakhala naye kweneko nsiku yonseneyo.
Mbodzi wa awiriwo akhali Andrea, mbaleache Simoni Peturo. Kabodzi kene iye adagumana mbaleache Simoni mbampanga mbati, “Tamgumana Mesia.” Mesia, m'Chiheberi nkhulonga kuti “Khristu.” Tenepo iye adenda na Simoniyo kuna Yesu.
Yesu adamuyang'ana mbalonga mbati, “Dzinako ndiwe Simoni, mwana Yohani, mbwenye chinchino unachemerwa Kefa.” Dzina yeneyi ndi sasawa na Peturo, kulonga kuti “Mwala.”

Mangwana mwache Yesu adanyerezera pyakwenda ku Galilea. Iye adagumana Filipi mbalonga kuna iye mbati, “Nditewere!” Filipi akhali wa ku Betesaida kuluwani kukhakhala Andrea na Peturo kule. Filipi adagumana Natanaele mbampanga mbati, “Tamgumana adalembwa na Mose m'bukhu ya mwambo ule, pontho pyache pidalembwa na Maprofeti ule. Iye ndi Yesu wa kuluwani ya Nazareti, mwana Yosefe.”
Natanaele adavunza mbati, “Ayi ku Nazareti nkhubulukirambo chinthu chadidi?”
Filipi adatawira mbati, “Tende ukapione wekha.”
Pidaona Yesu kuti Natanaele akudza kuna iye, adalonga pya iye mbati, “Uyu ndi Muisraele chadi-chadi; muna iye nkhabe pyakunama.”
Natanaele adamvunza mbati, “Mwandidziwa tani?”
Yesu adatawira mbati, “Ndidakuona pikhali iwe pamuti wamkuyu, Filipi mbadzati kukuchemera.”
Natanaele adatawira mbati, “Mfunzisi, imwe ndimwe Mwana Mulungu. Ndimwe Mfumu wa Israele.”
Yesu adalonga mbati, “Kadi iwe ukukhulupira thangwi ndakupanga kuti ndidakuona pamuti wamkuyu? Iwe unati uone pinthu pikulu kupiringana penepi!” Tenepo adalonga kuna iwo mbati, “Ndikukupangani pyakuonadi kuti imwe munaona kudzulu kwafunguka, pontho angelo a Mulungu akukwira na kutchitha na pana Mwana Munthu.”

Dengarkan YOHANI 1