<div class="version vid2749 iso6393xmm" data-vid="2749" data-iso6393="xmm">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt"><span class="content">Kata Pengantar</span></div><div class="ip"><span class="content">Ni kitab Matius ini, Matius yang da tulis. Matius itu satu dari Yesus pe dua blas murit. Dia da lia deng dia pe mata kapala sandiri samua tu Yesus da beking deng lei da dengar samua tu Yesus pe ajaran. Jadi ni kitab pe isi tentang Yesus Kristus, bagimana Dia hidop, mati deng hidop ulang. Kitab Matius ini ja bilang &#8216;injil&#8217; ato &#8216;kabar bae&#8217; lantaran sapa jo yang percaya pa Yesus Kristus sbagai Juruslamat, tu dia pe dosa-dosa dapa ampung kong bole dapa tu hidop kekal sama-sama deng Tuhan for slama-lamanya.</span></div><div class="ip"><span class="content">Ni kitab ini da tulis for tu orang-orang Yahudi. Tu orang Yahudi itu lei ja bilang orang Israel ato orang Ibrani. Dorang itu yang lebe dulu Tuhan Allah pili for jadi Dia pe umat deng se percaya akang tu Dia pe firman, kong skarang tu firman itu torang ja bilang &#8216;Perjanjian Lama&#8217;. Matius ambe banya kutipan dari Perjanjian Lama supaya orang Yahudi bole tau kalu Yesus itu yang da se gnap tu Tuhan Allah pe janji-janji dari dulu tentang &#8216;Kristus&#8217;. Kristus itu tu Raja yang dorang da tunggu-tunggu dari dulu, Dia itu tu Tuhan Allah da janji mo datang for se slamat pa manusia dari hukuman dosa. Di kitab ini banya kali Yesus mangajar kalu Tuhan Allah Berkuasa sbagai Raja pa Dia pe orang-orang, skarang deng lei nanti di sorga. De pe laste, Yesus suru Dia pe orang-orang for beking orang-orang laeng jadi Dia pe murit baru, tu orang-orang dari samua suku bangsa di dunia, supaya tu samua suku bangsa bole iko pa Tuhan Yesus.</span></div>
        </div>
    </div>
</div>

Perjanjian Baru Bahasa Manado @ Lembaga Alkitab Indonesia 2017

Kata Pengantar
Ni kitab Matius ini, Matius yang da tulis. Matius itu satu dari Yesus pe dua blas murit. Dia da lia deng dia pe mata kapala sandiri samua tu Yesus da beking deng lei da dengar samua tu Yesus pe ajaran. Jadi ni kitab pe isi tentang Yesus Kristus, bagimana Dia hidop, mati deng hidop ulang. Kitab Matius ini ja bilang ‘injil’ ato ‘kabar bae’ lantaran sapa jo yang percaya pa Yesus Kristus sbagai Juruslamat, tu dia pe dosa-dosa dapa ampung kong bole dapa tu hidop kekal sama-sama deng Tuhan for slama-lamanya.
Ni kitab ini da tulis for tu orang-orang Yahudi. Tu orang Yahudi itu lei ja bilang orang Israel ato orang Ibrani. Dorang itu yang lebe dulu Tuhan Allah pili for jadi Dia pe umat deng se percaya akang tu Dia pe firman, kong skarang tu firman itu torang ja bilang ‘Perjanjian Lama’. Matius ambe banya kutipan dari Perjanjian Lama supaya orang Yahudi bole tau kalu Yesus itu yang da se gnap tu Tuhan Allah pe janji-janji dari dulu tentang ‘Kristus’. Kristus itu tu Raja yang dorang da tunggu-tunggu dari dulu, Dia itu tu Tuhan Allah da janji mo datang for se slamat pa manusia dari hukuman dosa. Di kitab ini banya kali Yesus mangajar kalu Tuhan Allah Berkuasa sbagai Raja pa Dia pe orang-orang, skarang deng lei nanti di sorga. De pe laste, Yesus suru Dia pe orang-orang for beking orang-orang laeng jadi Dia pe murit baru, tu orang-orang dari samua suku bangsa di dunia, supaya tu samua suku bangsa bole iko pa Tuhan Yesus.

Dengarkan Matius Kata Pengantar