Sgaw Mason Bible © Bible Society of Myanmar, 1853.

ဒီးပှၤဟီၣ်ခိၣ်ဖိအိၣ်ဒီးအကလုၢ်တမံၤဃီ, ဒီးတၢ်က တိၤတမံၤဃီခဲလၢာ်လီၤ.
ဒီးတၢ်မၤအသးလၢ ပှၤဟးထီၣ်လၢမုၢ်ထီၣ်တခီအဖၢ မုၢ်ဒီး, ထံၣ်န့ၢ်ပျီအိၣ်လၢကီၢ်ၡံနၢ်အပူၤ, ဒီးအိၣ်ဝဲဆိး ဝဲဖဲန့ၣ်လီၤ.
ဒီးစံးလိာ်အသး, ဟဲမီၣ်, မၤသကိးအူးခဲဒီးကုၢ်အီၤ သပှၢ်တၢၢ်တက့ၢ်. ဒီးအဝဲသ့ၣ်အိၣ်ဒီးအူးခဲ, လၢလၢၢ် အလီၢ်ဒီးကျဲတံးကိၢ်လိၣ်လၢအီကတ့ၣ်အလီၢ်လီၤ. ဒီး စံးဝဲဒၣ်, ဟဲမီၣ်, မၤသကိးဝ့ၢ်တဝ့ၢ်လၢပဂီၢ်, ဒီးတၢး ထီတဖျၢၣ်အိၣ်ဒီးအခိၣ်လၢမူခိၣ်, ဒီးမၤထီၣ်သကိးပ မံၤ, ဒ်သိးပသုတလီၤပြံလီၤပြါလၢ ဟီၣ်ခိၣ်ချၢဒီဘ့ၣ် ညါတဂ့ၤန့ၣ်တက့ၢ်.
ဒီးယွၤဟဲလီၤကွၢ်ဝ့ၢ်န့ၣ်, ဒီးတၢးထီလၢပှၤကညီဖိမၤ ဝဲလီၤ. ဒီးယွၤစံးဝဲဒၣ်, ကွၢ်ကွၢ်, ပှၤကညီမ့ၢ်ပှၤတ ကလုာ်ဃီ, ဒီးအကလုၢ်မ့ၢ်တမံၤဃီခဲလၢာ်အဃိဒီး, မၤထီၣ်တၢ်အံၤလီၤ. ဒီးခဲကနံၣ်အံၤကယဲၢ်တၢ်လၢအ ကူၣ်မၤန့ၣ် တၢ်တတြီဘၣ်အီၤနီတမံၤဘၣ်. ဟဲမီၣ်, လဲၤလီၤသကိး, ဒီးမၤသဘံၣ်ဘုၣ်အကလုၢ်, ဒ်သိးအ နၢ်သုတပၢၢ်လိာ်အကလုၢ်န့ၣ်တက့ၢ်.
ဒီးယွၤမၤလီၤပြံလီၤပြါအီၤ လၢဟီၣ်ခိၣ်ချၢဒီဘ့ၣ်ညါ လီၤ. ဒီးအဝဲသ့ၣ်မၤထီၣ်ဝ့ၢ်န့ၣ်ဆိတ့ၢ်ဝဲလီၤ.
မၤသးဒ်န့ၣ်ဒီးအမံၤမ့ၢ် ဘၤဘ့းလးလီၤ. အဂ့ၢ်ဒ်အံၤ, ဖဲန့ၣ်ယွၤမၤသဘံၣ်ဘုၣ် ပှၤဟီၣ်ခိၣ်ဖိခဲလၢာ်အကလုၢ်, ဒီးဖဲန့ၣ်မၤလီၤပြံလီၤပြါအီၤ လၢဟီၣ်ခိၣ်ချၢဒီဘ့ၣ်ညါ လီၤ.
ဒီးအအံၤမ့ၢ် စီၤရှ့ၣ်အစၢၤအသွဲၣ်. ထံလုၣ်ဘၢတၢ် အလီၢ်ခံခံနံၣ်န့ၣ်, စီၤရှ့ၣ်အိၣ်ဝဲအနံၣ်တကယၤ, ဒီး ထီၣ်ဖိစီၤအၢ်ဖးၡးလီၤ. ဒီးစီၤရှ့ၣ်အိၣ်ဝဲလၢအထီၣ်ဖိ စီၤအၢ်ဖးၡးအလီၢ်ခံ အနံၣ်ယဲၢ်ကယၤ, ဒီးထီၣ်ဖိအဖိ မုၣ်ဒီးအဖိခွါလီၤ.
ဒီးစီၤအၢ်ဖးၡးအိၣ်ဝဲသၢဆံယဲၢ်နံၣ်, ဒီးထီၣ်ဖိစီၤစ့ၤ လါလီၤ. ဒီးစီၤအၢ်ဖးၡးအိၣ်ဝဲလၢအထီၣ်ဖိစီၤစ့ၤလါ အလီၢ်ခံလွံၢ်ကယၤသၢနံၣ်, ဒီးထီၣ်ဖိအဖိမုၣ်ဒီးအဖိခွါ လီၤ.
ဒီးစီၤစ့ၤလါအိၣ်ဝဲအနံၣ်သၢဆံ, ဒီးထီၣ်ဖိစီၤဧ့ၤဘ့ၢ် လီၤ. ဒီးစီၤစ့ၤလါအိၣ်ဝဲလၢအထီၣ်ဖိစီၤဧ့ၤဘ့ၢ်အလီၢ် ခံလွံၢ်ကယၤသၢနံၣ်, ဒီးထီၣ်ဖိအဖိမုၣ်ဒီးအဖိခွါလီၤ.
ဒီးစီၤဧ့ၤဘ့ၢ်အိၣ်ဝဲသၢဆံလွံၢ်နံၣ်, ဒီးထီၣ်ဖိစီၤပ့ၤလ့း လီၤ. ဒီးစီၤဧ့ၤဘ့ၢ်အိၣ်ဝဲလၢအထီၣ်ဖိ စီၤပ့ၤလ့းအ လီၢ်ခံအနံၣ်လွံၢ်ကယၤသၢဆံ, ဒီးထီၣ်ဖိအဖိမုၣ်ဒီးအ ဖိခွါလီၤ.
ဒီးစီၤပ့ၤလ့း အိၣ်ဝဲအနံၣ်သၢဆံ, ဒီးထီၣ်ဖိစီၤရူၤ လီၤ. ဒီးစီၤပ့ၤလ့းအိၣ်ဝဲလၢအထီၣ်ဖိ စီၤရူၤအလီၢ်ခံ ခံကယၤခွံနံၣ်, ဒီးထီၣ်ဖိအဖိမုၣ်ဒီးအဖိခွါလီၤ. ဒီးစီၤရူၤအိၣ်ဝဲသၢဆံခံနံၣ်ဒီးထီၣ်ဖိ စီၤစရူာ်လီၤ. ဒီးစီၤစရူာ် အိၣ်ဝဲ
ဒီးစီၤရူၤအိၣ်ဝဲလၢ အထီၣ်ဖိစီၤစရူာ်အလီၢ်ခံ ခံကယၤ နွံနံၣ်, ဒီးထီၣ်ဖိအဖိမုၣ်ဒီးအဖိခွါလီၤ.
ဒီးစီၤစရူာ်အိၣ်ဝဲအနံၣ်သၢဆံ, ဒီးထီၣ်ဖိစီၤနၤဃိၢ် လီၤ. ဒီးစီၤစရူာ်အိၣ်ဝဲလၢအထီၣ်ဖိ စီၤနၤဃိၢ်အလီၢ် ခံအနံၣ်ခံကယၤ, ဒီးထီၣ်ဖိအဖိမုၣ်ဒီးအဖိခွါလီၤ. ဒီးစီၤနၤဃိၢ်အိၣ်ဝဲခံဆံခွံနံၣ်, ဒီးထီၣ်ဖိစီၤတ့ရၤလီၤ.
ဒီးစီၤနၤဃိၢ်အိၣ်ဝဲလၢအထီၣ်ဖိစီၤတ့ရၤအလီၢ်ခံ တက ယၤတဆံခွံနံၣ်, ဒီးထီၣ်ဖိအဖိမုၣ်ဒီးအဖိခွါလီၤ.
ဒီးစီၤတ့ရၤအိၣ်ဝဲအနံၣ်နွံဆံ, ဒီးထီၣ်ဖိစီၤအၤဘြၣ်, စီၤနၤဃိၢ်, ဒီးစီၤဟၤရၣ်လီၤ.
ဒီးအအံၤမ့ၢ် စီၤတ့ရၤအစၢၤအသွဲၣ်, စီၤတ့ရၤထီၣ်ဖိ စီၤအၤဘြၣ်, စီၤနၤဃိၢ်, ဒီးစီၤဟၤရၣ်လီၤ. ဒီးစီၤဟၤ ရၣ်န့ၣ်ထီၣ်ဖိစီၤလိာ်လီၤ. ဒီးအပၢ်စီၤတ့ရၤတချုးသံ ဒံးဘၣ်ဒီး, စီၤဟၤရၣ်သံဝဲလၢကီၢ်လၢအအိၣ်ဖျဲၣ်လၢ အပူၤ, လၢပှၤက့ၤစ့းဖိအဝ့ၢ်အူၢ်အပူၤလီၤ.
ဒီးစီၤအၤဘြၣ်, ဒီးစီၤနၤဃိၢ်န့ၢ်မါလီၤ. ဒီးစီၤအၤဘြၣ် အမါအမံၤမ့ၢ်နီၢ်စၤရဲ, ဒီးစီၤနၤဃိၢ်အမါအမံၤမ့ၢ်နီၢ်မံး လကၤ, စီၤဟၤရၣ်အဖိမုၣ်လီၤ. အဝဲဒၣ်န့ၣ်မ့ၢ်နီၢ်မံး လကၤအပၢ်, ဒီးနီၢ်ယံၤစကၤအပၢ်လီၤ. ဒီးနီၢ်စၤရဲ တဂၤန့ၣ်မ့ၢ်ပှၤတူာ်ဖိလီၤ. အဖိတအိၣ်ဘၣ်.
ဒီးစီၤတ့ရၤဟံးန့ၢ်အဖိခွါစီၤအၤဘြၣ်, ဒီးအလံၤစီၤ ဟၤရၣ်အဖိခွါစီၤလိာ်, ဒီးအဒဲၣ်နီၢ်စၤရဲ, အဖိခွါစီၤအၤ ဘြၣ်အမါ, ဒီးဟးထီၣ်ဝဲဒီးအီၤလၢ ပှၤက့ၤစ့းဖိအဝ့ၢ် အူၢ်, ဒ်သိးအကလဲၤဆူကီၢ်ကနၤဧၣ်အပူၤလီၤ. ဒီးလဲၤ ဝဲပၢၢ်လၢဟၤရၣ်ဒီးအိၣ်ဝဲဆိးဝဲဖဲန့ၣ်လီၤ. ဒီးစီၤတ့ရၤ အမုၢ်နံၤခဲလၢာ်န့ၣ် မ့ၢ်အနံၣ်ခံကယၤယဲၢ်နံၣ်, ဒီးစီၤ တ့ရၤသံဝဲလၢဟၤရၣ်အပူၤလီၤ.

Dengarkan လံာ်စီၤမိၤရှ့အခီၣ်ထံးတဘ့ၣ်. ၁၁