Asheninka, Pichis 2008 WBT (NT) Drama

<div class="version vid238 iso6393cpu" data-vid="238" data-iso6393="cpu">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">I&#241;aaventziri Jes&#250;s pashitantachari</div><div class="p"> 1&#8220;Povashaantairo po&#241;aakayetapiintziri atziri pantayetziro pinkameethashiretantaiyaarimi. Eenirorika piyaatatyee pantero, tekatsira impinataimiri Ashitairi Inkitesatzi.</div><div class="p"> 2Aririka pimpashitantya, te onkameethate pikantantayetanake: &#8216;Nopashitantaka naaka.&#8217; Irootakera jameyetari kamataviri, ikoviro irirori iri&#241;aapinkathayeeteri. Iro kantacha, intzimakerikami &#241;aapinkathaterine jaka, iro iri&#241;aamatsite irirori iri&#241;aapinkathaventaiteri. 3Aririka pampitakoteri eeroka ashinonkainkari, eerora pikamantziri pitsipaminthare,#6.3 Pinkempitakaantero te iyotemi pampate tsika opaita antakeri pakojanori. 4omanaantsiini onkantakotya pipashitantakari. Jiyotake Pava irirori, iriitake pinataimine.&#8221;</div><div class="s">I&#241;aaventziro Jes&#250;s &#241;aa&#241;aataantsi</div><div class="r">(Lc. 11.2-4)</div><div class="p"> 5&#8220;Aririka pi&#241;aa&#241;aateri Pava, te apantaro pinkempitakotyaari kantakaaperovaitachari. Ikatziyapiintayeta irirori janta japatotapiintaita, ikatziya eejatzi niyankineki nampitsi, onkantya iri&#241;aantayetyaariri isheninka. Iro iri&#241;aamatsite irirori iri&#241;aapinkathaventaiteri. Omaperora. 6Irooma eeroka, aririka pi&#241;aa&#241;aate, pashitakotya apaniro pipankoki pinkovakoteri Ashitairi tsipatakamiri apaniroini. Iri &#241;iimiri apaniro, ari irineshinonkatakyaami, iriitake eejatzi pinataimine.</div><div class="p"> 7Tema aririka pi&#241;aa&#241;aate, te apantyaaro papiipiitero okaratzi pikantakeri. Iro jameyetari irirori kaari asheninkata aaka. I&#241;aajaantzi japiipiitziro ikantayetakeri ari inkemakeri Pava. 8Paamaventya pikempitakotarikari eeroka. Tekeramintha pinkovakoteri Ashitairi kovityiimoyetamiri, jiyotzitataikaro irirori maaroni. 9Jiroka pinkante pi&#241;aa&#241;aatapiinte eeroka:</div><div class="q">Ashitanar&#237;, nampitarori inkiteki,</div><div class="q">Tasorentsi pinatzi eeroka.</div><div class="q"> 10Pimpinkathariventaina naaka.</div><div class="q">Pantakainaro jaka kipatsiki okaratzi pinintakaanari eeroka,</div><div class="q">Pinkempitakainari inkiteveri, pantakairi irirori maaroni pinintakairiri.</div><div class="q"> 11Pimpapiintenaro kovityiimotanari noyaari.</div><div class="q"> 12Pimpeyakotainaro nokaariperoshirevaitake,</div><div class="q">Tema nomatakero naaka eejatzi, nopeyakotairi ikaratzi ovaariperoshiretakenari.</div><div class="q"> 13Eero pishinetana iri&#241;aantaityaana, inkovaite irantakaitenaro kaariperori.</div><div class="q">Ari pinkantaitatyeero pimpinkathariventante. Ari pinkantaitatyeero ontzimimotemi pishintsinka, eejatzi povaneenkaro. Ari onkantyaari.</div><div class="m"> 14Tema aririka pimpeyakotairi atziri kishimiri, ari impeyakotaimi eejatzi eeroka Ashitairi Inkitesatzi. 15Irooma eerorika pipeyakotairi eeroka atziri kishimiri, eerora ipeyakotzitaami Ashitairi irirori.&#8221;</div><div class="s">I&#241;aaventziro Jes&#250;s tzitaantsi</div><div class="p"> 16&#8220;Aririka pintziventya pinkinkishiretakoteri Pava, eero pikamantantayetzi, pinkante: &#8216;Notzitaventatyaari Pava.&#8217; Paamaiya eeroka pikempitarikari kamataviri. Itzitapiintaveta irirori, montyoryaa ikantayeta ivoroki iriyotantaityaari itziventatya. Iroora i&#241;aamatsite irirori iri&#241;aapinkathaventaiteri. Omaperora. 17Irooma eeroka aririka pintzitaventyaari Pava pinkinkishiretantyaariri, pinkivaporotya, ipo&#241;a pinkishitakya kameetha, 18iro eero jiyotantaitami pitziventatya. Apaniro iriyotemi Ashitairi Inkitesatzi, iriitakera pinataimine.&#8221;</div><div class="s">I&#241;aaventziro Jes&#250;s inkitesato ovaakarontsi</div><div class="r">(Lc. 12.32-34)</div><div class="p"> 19&#8220;Te apantaro povaarantashivaitya jaka kipatsiki, ovana opathayi, ari ipiyotapaari eejatzi koshintzi. 20Iro kameethatatsi pantayetanairo pi&#241;aantaiyaarori pisaikai kameetha inkiteki. Kempitavaitaka povaarantatyeeyaami inkiteki tsika te ompathaanetapai, tsika te intzimapai eejatzi koshintzi. 21Tsikarika povaarantaka, ari pinkinkishiretapiinterori.&#8221;</div><div class="s">I&#241;aaventziri Jes&#250;s ootamentotsi</div><div class="r">(Lc. 11.33-36)</div><div class="p"> 22&#8220;Kameetharika onkantya poki, pi&#241;aantaro kameethaini, okempitaro pinko&#241;eetyaakotatyeemi.#6.22 Oshiyakaaventachari okitsi kameethari, aparoni pimantaneri (kaari mashithatatsi), tsika itzimi &#241;eerone inkemathatairo okaratzi irantakairiri Pava. Tema isaikanaatzi okitainkatzi. 23Terika apantaro poki, eero pi&#241;aantaro kameethaini, kempitaka pintsirenikitakotatyeemi.&#8221;#6.23 Oshiyakaaventachari eerorika apantaro oki, aparoni mashithari, tsika itzimi kaari &#241;eerone inkemathatairo okaratzi irantakairimi Pava. Tema isaikatzi tsika otsirenikitzi.</div><div class="s">I&#241;aaventziro Jes&#250;s ashaarantaantsi</div><div class="r">(Lc. 16.13)</div><div class="p"> 24&#8220;Tekatsi materone irantavaiteneri apite omperatantaneri. Tema aparoni inkovaperote irimonkarateneri jomperatariri, iriima pashine, inkisaneentanakeri. Ari okempitzitari eejatzi: Tekatsira materone iranteneri Pava ikovakaantziri irirori, aririka inkinkishiretakoyeetero eejatzi ashaarantaantsi inkempitakaantanakero iroorikami omperatyaarine.&#8221;</div><div class="s">I&#241;aaventziro Jes&#250;s kantzimoshiretaantsi</div><div class="r">(Lc. 12.22-31)</div><div class="p"> 25&#8220;Pinkeme nonkante: Tera apantaro onkantzimoshirevaityaami pinkante: &#8216;&#191;Opaitama noyaari, opaitama nomiretyaari, opaitama nonkithaatyaari?&#8217; A&#241;a tzimataitatsi pashine ankinkishiretapiintairi a&#241;aantareki, iro kovaperotaitachari, anayiro okaratzi ovayetapiintari, okaratzi akithaayetapiintari eejatzi. 26Thame ankinkishiretakoteri tsimeripayeeni. Te iriyote impankitanontya iroyaari, te irovetsike ipanko irovanontya ivankire. Iro kantamaitacha Pava, ipayetapiintakeri irovarite. Aakara jimaperotataitzi jetakotai Pava. 27Aririka paakoventyaaro onkantzimoshirevaityaami &#191;arima pinkantakero povavineentavairo posarentsite? 28Intsityaa ankinkishiretakotero inchateyapayeeni, te a&#241;eero antavaitanete, te ontyaanontya onkithaatyaari. Iro kantamaitacha te onkantzimoshirevaityaaro, onkante: &#8216;&#191;Opaitama nonkithaatyaari?&#8217;#6.28 Iro ikantakoitzi jaka &#8220;inchateyapayeeni&#8221; paitachari &#8220;lirio.&#8221; 29Ovaneenkata kameetha, anayiri jovaneenkaveta Salom&#243;n, pinkatharivetachari pairani. 30Iriitakera Pava ovaneenkatayetzirori. Okantaveta kapiche a&#241;aavetaro ovaneenkatapaintya, iro osamani, tekatsi apantyaarone aririka onkamateyatanake, tema inchekayeetakero, impo&#241;a intaayetakero. &#191;Eeroma ikempoyaaventzimi eeroka Pava? Aritake, eero pikisoshiretzi. 31Aritapaake okantzimoshirevaitami, pikantzi: &#8216;&#191;Opaitama noyaari, opaitama nireri, opaitama nonkithaatyaari?&#8217; 32Apatziro okantzimoshirevaitari ikaratzi kaari kempisantatsine. Irooma eerokapayeeni, jiyotakoyetzimiro Ashitairi Inkitesatzi opaiyetarika kovityiimoyetamiri. 33Iroora kovaperotachari pinkokovatairi impinkathariventaimi, pinkokovatairi eejatzi irovameethashiretaimi, irojatzi pi&#241;aantaiyaarori impayetaimiro okaratzi kovityiimoyetamiri.</div><div class="p"> 34Ari okanta, eero okantzimoshirevaitami ompaityaarika avishimotemiri osaitekira. Tema maaroniki kitaite pi&#241;eero ompaitya avishimotemiri.&#8221;</div>
 </div>
 </div>
</div>

“Povashaantairo poñaakayetapiintziri atziri pantayetziro pinkameethashiretantaiyaarimi. Eenirorika piyaatatyee pantero, tekatsira impinataimiri Ashitairi Inkitesatzi.
Aririka pimpashitantya, te onkameethate pikantantayetanake: ‘Nopashitantaka naaka.’ Irootakera jameyetari kamataviri, ikoviro irirori iriñaapinkathayeeteri. Iro kantacha, intzimakerikami ñaapinkathaterine jaka, iro iriñaamatsite irirori iriñaapinkathaventaiteri. Aririka pampitakoteri eeroka ashinonkainkari, eerora pikamantziri pitsipaminthare, omanaantsiini onkantakotya pipashitantakari. Jiyotake Pava irirori, iriitake pinataimine.”


“Aririka piñaañaateri Pava, te apantaro pinkempitakotyaari kantakaaperovaitachari. Ikatziyapiintayeta irirori janta japatotapiintaita, ikatziya eejatzi niyankineki nampitsi, onkantya iriñaantayetyaariri isheninka. Iro iriñaamatsite irirori iriñaapinkathaventaiteri. Omaperora. Irooma eeroka, aririka piñaañaate, pashitakotya apaniro pipankoki pinkovakoteri Ashitairi tsipatakamiri apaniroini. Iri ñiimiri apaniro, ari irineshinonkatakyaami, iriitake eejatzi pinataimine.
Tema aririka piñaañaate, te apantyaaro papiipiitero okaratzi pikantakeri. Iro jameyetari irirori kaari asheninkata aaka. Iñaajaantzi japiipiitziro ikantayetakeri ari inkemakeri Pava. Paamaventya pikempitakotarikari eeroka. Tekeramintha pinkovakoteri Ashitairi kovityiimoyetamiri, jiyotzitataikaro irirori maaroni. Jiroka pinkante piñaañaatapiinte eeroka:
Ashitanarí, nampitarori inkiteki,
Tasorentsi pinatzi eeroka.
Pimpinkathariventaina naaka.
Pantakainaro jaka kipatsiki okaratzi pinintakaanari eeroka,
Pinkempitakainari inkiteveri, pantakairi irirori maaroni pinintakairiri.
Pimpapiintenaro kovityiimotanari noyaari.
Pimpeyakotainaro nokaariperoshirevaitake,
Tema nomatakero naaka eejatzi, nopeyakotairi ikaratzi ovaariperoshiretakenari.
Eero pishinetana iriñaantaityaana, inkovaite irantakaitenaro kaariperori.
Ari pinkantaitatyeero pimpinkathariventante. Ari pinkantaitatyeero ontzimimotemi pishintsinka, eejatzi povaneenkaro. Ari onkantyaari.
Tema aririka pimpeyakotairi atziri kishimiri, ari impeyakotaimi eejatzi eeroka Ashitairi Inkitesatzi. Irooma eerorika pipeyakotairi eeroka atziri kishimiri, eerora ipeyakotzitaami Ashitairi irirori.”

“Aririka pintziventya pinkinkishiretakoteri Pava, eero pikamantantayetzi, pinkante: ‘Notzitaventatyaari Pava.’ Paamaiya eeroka pikempitarikari kamataviri. Itzitapiintaveta irirori, montyoryaa ikantayeta ivoroki iriyotantaityaari itziventatya. Iroora iñaamatsite irirori iriñaapinkathaventaiteri. Omaperora. Irooma eeroka aririka pintzitaventyaari Pava pinkinkishiretantyaariri, pinkivaporotya, ipoña pinkishitakya kameetha, iro eero jiyotantaitami pitziventatya. Apaniro iriyotemi Ashitairi Inkitesatzi, iriitakera pinataimine.”


“Te apantaro povaarantashivaitya jaka kipatsiki, ovana opathayi, ari ipiyotapaari eejatzi koshintzi. Iro kameethatatsi pantayetanairo piñaantaiyaarori pisaikai kameetha inkiteki. Kempitavaitaka povaarantatyeeyaami inkiteki tsika te ompathaanetapai, tsika te intzimapai eejatzi koshintzi. Tsikarika povaarantaka, ari pinkinkishiretapiinterori.”


“Kameetharika onkantya poki, piñaantaro kameethaini, okempitaro pinkoñeetyaakotatyeemi. Terika apantaro poki, eero piñaantaro kameethaini, kempitaka pintsirenikitakotatyeemi.”


“Tekatsi materone irantavaiteneri apite omperatantaneri. Tema aparoni inkovaperote irimonkarateneri jomperatariri, iriima pashine, inkisaneentanakeri. Ari okempitzitari eejatzi: Tekatsira materone iranteneri Pava ikovakaantziri irirori, aririka inkinkishiretakoyeetero eejatzi ashaarantaantsi inkempitakaantanakero iroorikami omperatyaarine.”


“Pinkeme nonkante: Tera apantaro onkantzimoshirevaityaami pinkante: ‘¿Opaitama noyaari, opaitama nomiretyaari, opaitama nonkithaatyaari?’ Aña tzimataitatsi pashine ankinkishiretapiintairi añaantareki, iro kovaperotaitachari, anayiro okaratzi ovayetapiintari, okaratzi akithaayetapiintari eejatzi. Thame ankinkishiretakoteri tsimeripayeeni. Te iriyote impankitanontya iroyaari, te irovetsike ipanko irovanontya ivankire. Iro kantamaitacha Pava, ipayetapiintakeri irovarite. Aakara jimaperotataitzi jetakotai Pava. Aririka paakoventyaaro onkantzimoshirevaityaami ¿arima pinkantakero povavineentavairo posarentsite? Intsityaa ankinkishiretakotero inchateyapayeeni, te añeero antavaitanete, te ontyaanontya onkithaatyaari. Iro kantamaitacha te onkantzimoshirevaityaaro, onkante: ‘¿Opaitama nonkithaatyaari?’ Ovaneenkata kameetha, anayiri jovaneenkaveta Salomón, pinkatharivetachari pairani. Iriitakera Pava ovaneenkatayetzirori. Okantaveta kapiche añaavetaro ovaneenkatapaintya, iro osamani, tekatsi apantyaarone aririka onkamateyatanake, tema inchekayeetakero, impoña intaayetakero. ¿Eeroma ikempoyaaventzimi eeroka Pava? Aritake, eero pikisoshiretzi. Aritapaake okantzimoshirevaitami, pikantzi: ‘¿Opaitama noyaari, opaitama nireri, opaitama nonkithaatyaari?’ Apatziro okantzimoshirevaitari ikaratzi kaari kempisantatsine. Irooma eerokapayeeni, jiyotakoyetzimiro Ashitairi Inkitesatzi opaiyetarika kovityiimoyetamiri. Iroora kovaperotachari pinkokovatairi impinkathariventaimi, pinkokovatairi eejatzi irovameethashiretaimi, irojatzi piñaantaiyaarori impayetaimiro okaratzi kovityiimoyetamiri.
Ari okanta, eero okantzimoshirevaitami ompaityaarika avishimotemiri osaitekira. Tema maaroniki kitaite piñeero ompaitya avishimotemiri.”

Dengarkan Mateo 6