<div class="version vid1879 iso6393tcz" data-vid="1879" data-iso6393="tcz">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">THUMAKAI</span></div><div class="im"><span class="content">LEKHABU MIN: </span><span class="bk"><span class="content">Semtilbu</span></span><span class="content"> kiti hi akipatna tina ahi. Hebrai paovin 'Beresit' akiti. Juda te thusimin jong hiche hi Semtilbu minin amanguve. Hiche hi thilsem jouse kipatna lekhabu ahi. Israel ten Mosi lekhabu nga Semtilbu, Potdohbu, Thempu dan, Minbu chule Danbu nina chengs hi Torah atiuvin, hiche hohi Dan lekhabu ho tin akihen, hiche hi Greek thuchengin 'Pentateuch' akitin ahi. Israelte Pathen thubu hungkon dohna hi lengle lal vannoi vaipohon kidang anasa cheh-un ahi. Hijeh chun Greek te lengho Egypt gama chenga vaipoho chun Juda mi lekhathem adeh-a houthu lama hetna neicheh mi 70 agoijuva Hebrai paova kona Greek paova analedoh sah-u ahin, hiche chu &#8220;Septuagint&#8221; akitin ahi.</span></div><div class="ip"><span class="content">ASUNPA LE ASUTPHAT: Semtilbu sunga thusim hin khang saotah sung ahopme. Adam'a pat Joseph hinkho kichai gei ahopmin, kum-a seidingin kum 2367 sung tobang ahopme. Joseph thina kum hi 1635 BC vel ahiding tahsan ahi. Semtilbu hi Israelte Mosi lamkai na-a 1491 BC apat 1451 BC sung atham dennao gamthip kum 40 sunga chu Mosi'n asut nin akihei (Pot.17:14; 24:4,7; 34:27; Minb.33:2; Danb.31:9). Kitepna sunga lekhabu dangin jong Semtilbu hi Mosi sut ahi, atiuve (Josh.1:7,8; 8:32,35; I Leng.2:31; Ezra.6:18; Dan.9:11,13).</span></div><div class="ip"><span class="content">LEKHABU THUPI: Semtilbu lekhabua hin thusim kidang tah tah aume. Enoch kitipa hi kum 365 ahin jouvin Pathen'in apuimang tan ahi. Chuche lai chun vannoi'a hin Enoch tobanga Pathen ngailu, ama deija chonna mihem khatcha ana umpoi. Anina thusim kidang chu Noah khanga twisanglet hi ahi (Semt. 6-9). Lekhabu kichaina lamahin Abraham kikou le Israelte thusim hung kipatna, chule Joseph hinkho thusim ngainom umtah hohi aume (Semt.12-50).</span></div><div class="iot"><span class="content">ASUNGA THU UMHO</span></div><div class="io1"><span class="content">Vannoi le mihem kisem (1:1-2:25)</span></div><div class="io1"><span class="content">Chonset le hesoh genthei kipat (3:1-24)</span></div><div class="io1"><span class="content">Adam'a pat Noah (4:1-5:32)</span></div><div class="io1"><span class="content">Noah'a pat twisanglet (6:1-10:32)</span></div><div class="io1"><span class="content">Babel Insang (11:1-9)</span></div><div class="io1"><span class="content">Shem'a pat Abram (11:10-32)</span></div><div class="io1"><span class="content">Upa ho: Abraham, Isaac, Jacob (12:1-35:29)</span></div><div class="io1"><span class="content">Esau chilhah ho (36:1-43)</span></div><div class="io1"><span class="content">Joseph le asopite (37:1-45:28)</span></div><div class="io1"><span class="content">Israel gama Israelte (46:1-50:26)</span></div>
      </div>
   </div>
</div>

THUMAKAI
LEKHABU MIN: Semtilbu kiti hi akipatna tina ahi. Hebrai paovin 'Beresit' akiti. Juda te thusimin jong hiche hi Semtilbu minin amanguve. Hiche hi thilsem jouse kipatna lekhabu ahi. Israel ten Mosi lekhabu nga Semtilbu, Potdohbu, Thempu dan, Minbu chule Danbu nina chengs hi Torah atiuvin, hiche hohi Dan lekhabu ho tin akihen, hiche hi Greek thuchengin 'Pentateuch' akitin ahi. Israelte Pathen thubu hungkon dohna hi lengle lal vannoi vaipohon kidang anasa cheh-un ahi. Hijeh chun Greek te lengho Egypt gama chenga vaipoho chun Juda mi lekhathem adeh-a houthu lama hetna neicheh mi 70 agoijuva Hebrai paova kona Greek paova analedoh sah-u ahin, hiche chu “Septuagint” akitin ahi.
ASUNPA LE ASUTPHAT: Semtilbu sunga thusim hin khang saotah sung ahopme. Adam'a pat Joseph hinkho kichai gei ahopmin, kum-a seidingin kum 2367 sung tobang ahopme. Joseph thina kum hi 1635 BC vel ahiding tahsan ahi. Semtilbu hi Israelte Mosi lamkai na-a 1491 BC apat 1451 BC sung atham dennao gamthip kum 40 sunga chu Mosi'n asut nin akihei (Pot.17:14; 24:4,7; 34:27; Minb.33:2; Danb.31:9). Kitepna sunga lekhabu dangin jong Semtilbu hi Mosi sut ahi, atiuve (Josh.1:7,8; 8:32,35; I Leng.2:31; Ezra.6:18; Dan.9:11,13).
LEKHABU THUPI: Semtilbu lekhabua hin thusim kidang tah tah aume. Enoch kitipa hi kum 365 ahin jouvin Pathen'in apuimang tan ahi. Chuche lai chun vannoi'a hin Enoch tobanga Pathen ngailu, ama deija chonna mihem khatcha ana umpoi. Anina thusim kidang chu Noah khanga twisanglet hi ahi (Semt. 6-9). Lekhabu kichaina lamahin Abraham kikou le Israelte thusim hung kipatna, chule Joseph hinkho thusim ngainom umtah hohi aume (Semt.12-50).
ASUNGA THU UMHO
Vannoi le mihem kisem (1:1-2:25)
Chonset le hesoh genthei kipat (3:1-24)
Adam'a pat Noah (4:1-5:32)
Noah'a pat twisanglet (6:1-10:32)
Babel Insang (11:1-9)
Shem'a pat Abram (11:10-32)
Upa ho: Abraham, Isaac, Jacob (12:1-35:29)
Esau chilhah ho (36:1-43)
Joseph le asopite (37:1-45:28)
Israel gama Israelte (46:1-50:26)

Dengarkan Semtilbu THUMAKAI